Genesis 34:13 - Nobonob Baibel

¹³ Sekem nug anam aum, amge nug Jakop bekkod appinlag, nug nuhigppa kobol eheɗ heum amunu, Jakop bekkod ag nai hambuppuak eɗun, Sekem, amu nug mameg Hamor ele amelahppa madippig.

Genesis 34:13 Referans Kwoze

1 Tesalonaika 5:15

Danab ag ahilagppa kobol nau laa heppeg, ag amunu eɗun nob nau aibnab meppig. Ag haen oh kobol ena, lailkad amu danab laa ele ahilagppa hekkulagnu ɠagattag dayeg!

Rom 12:19

O lailadnab, laa ag ahilagppa eheɗ heppeg amu, ag nob nau aib meppig. Uuppeg, Kayak nukka heeb, nuhig oppoɗi bak amu, ag amu aoglag. Amuam Kayak naippa, nai daatte amubia. “Eheɗ haknu nob tutukku eɗua mettak uɗat am dahil. Da geha aun aɗi ag eheɗ hetteb amu, da nob nau madakkul.” Naɗi Nug anam atte.

Matyu 28:13

“Ag, ‘Ig niiutut, nuhikkud ippunittak awak danab tuqan uɗin, Nug gaɗa yab aoppig,’ aon aig!

Maika 7:2

⌊Da amubia doottemnu diig am,⌋ laa ag heeg, genab tutukku hak danab ag wan imuppa laa iinab daatte. Ge, genab tutukku hak danab laippu laa wan imuppa ii daatte. Danab oh ag lailkad aqappeg mauhkkulagnu ib mattin oitteb. Ao, ag danab nug ai uhuippa awa aqakkunu hette, ag amubia ag lailkad duulag okkulagnu hetteb.

Aisaia 59:13

Hipunin ig hemut am, Ig Yawe waappa daagnignu uut, ig nuhig nai tappaut neum. Ig Nug dim lamidkkunignu amut, amge ig uut, ib laappa gomut. Ig ihinig Kayak dimettamut. Ig danab ah laa ele eheɗ hadata, uug kuɗum mattata, ig laa ag ele amu hekkulagnu eeɗadmut. Ig Kayak waappa daagnignu uut, ig laa ag ig gumigkkulagnu maattom ele amu, ig ag lamadtata, ig laa ag anam hekkulagnu eeɗadmut. Ig oonigppa hambuppuak nai dabmetat, ig amu oɗenigib mattimut.

Prowerb 12:13

Eheɗ hak danab ag nai nau mattinna, pelemppa tetteb; amge genab tutukku hak danab ag anam iitta, ag uugppa ii notteb.

Sam 12:2

Am danab ah oh ag lailkad mudippan ele ag nug bubuittak hetteb. Ao, ag nug amegppa mattiak hetteb, amge ag oo eeɗaknu ittag nai maditteb.

Job 13:7

Ag Kayak ehanidnana, nai eheɗ mattiglagte? O iitta, ag nai hambuppuak madippeppeg, Kayak Nug ehanittak amuppa aokkute?

Job 13:4

Ag amu, ag dahilnu nai hambuppuak huanak maditteb. Ag oh, ag dokta nuhig uɗat pehettak ii heehe, danab ah ehanittak ii aotteb, ag amubia hetteb.

Ikki Danab 15:3

Ah mameg nug anam a, Samson oɗeppa awa aum. “Haen imuppa da ag Pilistia danab, ag eheɗ okkai hadakkulnu daatte amunu, da heppi, da beɗulppa aab laa ii daama,” awa aum.

Genesis 34:14

Ag appig. “Ig appinanig danab gaɗa ii otaɗak mettagnignu elele iitta. Ig anam ii hemata. Aɗinu? Ig anam hekkunig amu, ig Kayak noobppa ena ii daamta.