Genesis 33:17 - Nobonob Baibel

¹⁷ Ukke amu, Jakop aha, Sukot ukkom. Ukka, nug laug, amu doɗ dilag lag naunau ele appa hattom. Diig amunu aben amu onig Sukot appig.

Genesis 33:17 Referans Kwoze

Sam 60:6

⌊O danab ah,⌋ Kayak Nug nuhig mettid lagppa dayaya aum. “Da Sekem danab eɗatten, da melemel mein, Sekem wan oppatppi, maha maha neeb, ⌊da dahilad danab ah madakkul.⌋ Ao, da oolnu noak Sukot oppatppi, maha maha neeb, ⌊da dahilad danab ah madakkul.⌋

Ikki Danab 8:5

Ag lamadna gona, ag Sukot tena, Gideon nug aab amunu danab oɗ mattom. “Na oot da meɗan, dahil ban danab imu ee laa madakkut elelete? Aɗinu? Ag maidadaɗna autna autnanab aoppig, amge da Midian dilag king, Seba, Salmuna ele aɗualatkkulnu lamate uɗien, tuɗidib hekkul,” awa oɗ mattom.

Josua 13:27

Aria, aab Jodan oolnu noakppan daappig ele, Moses nug Gad mettom ele, amu onilag am, Betharam, Betnimra, Sukot amu Sapon ele. Amu nug Amo dilag king Sihon, nug Hesbon dayom, nug nuhig wan maha laa ele mattom. Wan amunu amu, Jodan le am qaban uɗitteppanu tom dayom. Tom wan amunu yawalti uɗitteppanu am Galili le amegppa le nodeppa, aakku.

Ikki Danab 8:16

Nug anam awowa, nug Sukot ikki danab ag eheɗ heppignu, butti aɗi baula hemananu uud keeke qaun ele atu taɗakppanu awom amu, nug amuppa mataɗatta, bu mattom.

Ikki Danab 8:8

Gideon nug anam awowa, nug ukka, Peniel danab eenu oɗ mattom, amge Gideon nug nai nob anamib awom.

1 King 7:46

King Solomon nug Huram amegppa keeke amu oh le Jodannu oolnu noakppa amunu dottolkad waa haknu wanppa hewowa, amuppa keeke amu oh hadakkunu a, nug appa dayaya, keeke amu oh hattom. Nug aab aɗit Sukot, Saretan ele gamalahppa, uɗem amuppa nug uɗat amu heum.

Ikki Danab 8:14

Nug qauko oppoɗu noak amu wana ugakka, nug danab bau laa Sukot ted aɗa, nug danab amu nakok ii daye daye oɗmak haaha, nug he, amu nug aab amuppan anuqak danab 77, ag aab amuppan ikki danab, nug ag onilag ya mettom.

Eksodas 13:20

Aria, Israel ag Isip appa daappigppanu ahan, aab okkai Sukot appa gowona, ag appanu ahan gona, Etam aabppa teppig. Etam nug atu taɗak guguittak appa dayom, amu ag appa Etam guguittak haen tutuib dayaknu aab kalappig.

Eksodas 12:37

Israel ag aab okkai Rameses uun ahan, ag aab okkai Sukot goppig. Am danab 600,000 keeke anam ahan goppig, amge ag ah, nid naunau ele amu, ii ebaqappig.

Genesis 33:16

Aa anam apiɗ amu, deɗ amuppaib Esau nug eɗua Seir gokkunu ukkom.