Genesis 33:11 - Nobonob Baibel

¹¹ Da na keeke imu aokkutnu ool daatte. Aɗinu? Kayak Nug dahilnu oo bodoette enanag maɗoɗ ele ha, dahil keeke oh da meɗe, da elele daattem,” awa aum. Anam anana, nug wagai ma he, Esau nug keeke amu diiom.

Genesis 33:11 Referans Kwoze

Pilipai 4:18

Ag Epaproditus eppegppa keeke meeg dahilppa uɗiom amu, da awen, da keeke kuɗumnab, elelenab daattem. Keeke ag meɗappig ele, keeke amuam mana mettak muttuɗig ena ele ag Kayak medappig bia daatteb. Kayak Nug mana mettak anam awa amu, Nug oo enanag ele daatte.

1 Samuel 25:27

Da, da am nahip maɗi ah amu, da keeke awe uɗimi imu, da na, dahil naɗi, da nahip daakkunu na hamu medakkulnu hettem. Na keeke amu, danab na dim lamidtteb ele, na ag eppelagppa mekkutnu ool daatte.

2 King 5:23

Gehasi nug anam a amu, Naman nug Gehasi amegppa aum. “Da silwa 34 kilogram aakkuib ii medapa. Iitta! Da 64 kilogram medakkul,” awa aum. Nug anam anana, nug aokkunu nakok wagai ma, nug lamen aɗit propet aɗit dilahnu ele awa mettowa, nug silwa, amu lamen ele bek aɗitppa itowa, nug nuhig maɗi nid aɗit he, aa keeke amu maoya, anuqya ukkaeheh, aa Gehasi ele goppig.

Genesis 33:9

Nug anam aum, amge Esau nug aum. “O aman, da keeke oh elele amunu, na keeke amu oh nahipnu aɗe!” awa aum.

Genesis 30:43

Ib amuppa amu, Jakop enub kuɗum ele dayom; sipsip, meeme, kamel, donki ele, amu nuhikkud maɗi nid maɗi ah ele, ag ele am kuɗum.

1 Timoti 4:8

Aɗinu? Beɗunig ehanittaknu kobol hak amu nakok ehanigtte, amge genab tutukku hak danab dayaknu ehanittaknu kobol hak, am keeke ohnu ehanigtte. Amuam ig gemu bau daattem amunu ehanigtte, amu bauklel dimppa aognig, amunu ele ehanigtte.

2 Korint 6:10

Ig am oonigppa uug elenab, amge haen oh ig maɗoɗppan gamag ahak doottem. Ig daɗek danab bia daattem, amge ig am danab kuɗum keeke kuɗum madattem. Ig am eppenigppa keeke laa ii daatte bia, amge keeke oh am ig aɗattem.

1 Korint 3:21

Nai amu aakku daatte amunu, danab laa nug danab binalag aib meum. Genab, keeke oh am ag ahilagnu daatte.

Luk 14:23

Anam a amu danab okkai nug maɗi nid amegppa eɗua aum. ‘Na gona, ib okkaippa, dadnu aɗ ele mattan gonana, na danab ah eeɗadppe uɗin, ooppa noig! Da laul imu ambekkunu ool daatte.

2 King 2:17

Amge propet ameg amu ag oɗ mettan, duttunna heeg heeg, Elisa nug ii hekkun elele iitta doya, nug amelagppa aum. “Aria, ag attebde. Ag maadppeg ukkeg!” awa aum. Awa a, aakku ag danab 50 otiatteg gona, deɗ ewam madippig, amge ag Elaiya ii anidppig.

1 Samuel 30:26

Aria, Dawit nug nuhikkud danab ele ag eɗun, Siklak goppig. Ag gona appa daanna, amu Dawit nug keeke oh Amalek dilag awom am, laih otia, Juda dilag ikki danab, ag Dawitnu oolag dayom, ag nug ele nug layam daappig amu, nug ag matta, panie ukkom. Nug keeke pania, aoglagnu me ugekke, nai imu ele me ukkom. “Keeke imuam da ahilag daakkun hamu madattem; keeke imu da Yawenu kekeɗ eppelagppanu aomi.” Dawit nug keeke me ugekke, nai amu ele me ukkom.

Ikki Danab 1:15

Kalep nug anam oɗ metta a amu, nug aum. “Na keeke enanag laa ele meɗakkutnu ool daatte. Na Negeb appa wan meɗame amunu, na gemu dahilnu ii helom bia me, na ehaniɗna autna aona, na lenag ena ele meɗakutnu unuqidttem,” awa oɗ metta unuqittom. Nug anam hedakkunu unuqittom amunu, Kalep nug le qeppuɗia bak attan, honap ele oh mettom.

Josua 15:19

Kalep nug anam oɗ metta a amu, nug aum. “Na keeke enanag laa ele meɗakkutnu ool daatte. Na Negeb appa wan meɗame amunu, na gemu dahilnu ii helom bia me, na ehaniɗna autna aona, na lenag ena ele meɗakutnu unuqidttem,” awa oɗ metta unuqittom. Nug anam hedakkunu unuqittom amunu, Kalep nug le qeppuɗia bak attan, honap ele oh mettom.

Genesis 33:10

Awa a amu, Jakop nug aum. “Iitta. Na oot dahilnu ena daatte dayeb amu, keeke da mettami am diikkutnu ool naɗi daatte. Aɗinu? Da Kayak iɗu anidlom amu, da ool okkai gamag ahalo. Amu na ena humiɗme amunu, da na iɗun anidttem, am da Kayak anidlom bia doottem.

Genesis 33:12

Aakku Esau nug aum. “Ahappeg omaladppi gotu!” awa aum.

Genesis 32:21

Anam amu, Jakop nug keeke nug awag nuhig daakkunu hamu medakkunu dabma, nug keeke amu oh tatam he goppig, amge nug amu, nug tuqan amuppa haen tutu dayaknu aab kalakppa dayom.