Genesis 31:42 - Nobonob Baibel

⁴² Kayak, Nug Abrahamnu Kayak, Nug da mamel, Aisak, Nug nuhig Kayak, danab ah ag nuhignu ebehilag oh bodoetta le mette ele amu, Kayak amu Nug da ii ehaniɗlo amu, na da hamu uuiɗppe uɗilom. Kayak Nug dahil uɗat nahipnu hemi, nahip kobol dahilppa heme amu, Nug amu oh ele antta, Nug tumai tuqan na daut batom,” awa aum.

Genesis 31:42 Referans Kwoze

Sam 31:7

Na uug da iwom anidme. Ao, na da oolppa guittak nau doomi anidme. Anam amunu da nahip oo mauhaknab kobolnu amu, da gamal huananab ahatte.

Genesis 31:29

Da na eheɗ heidkkulnu elele, amge na mamennu Kayak Nug tuqan da amelppa aum. ‘Da na nau aomnanu dabmettak nai imu na amenppa attem. Na Jakopnu eheɗ laa aib heme,’ awa aum.

Genesis 31:53

Amu Abrahamnu Kayak, Nahornu Kayak, amu aa mamelahnu Kayak ele Nug i epeɗitkku,” awa aum. Nug anam aum amunu, Jakop nug anam hekkunu nug mamegnu Kayak, danab ah ag nuhignu ebehilag oh bodoetta le mette ele amu, nug Nug onigppa nuhig nai ɠagattag qetta aum.

Genesis 29:32

Yawe Nug anam he, Lea nug oo ele oiyaya, nug nid danab menua, nug aum. “Yawe dahil uug nau antta ehaniɗom amunu, da gamul nug dahilnu oo mauhkku,” awa aum. Nug anam aum amunu, nug nid onig Ruben ataɗom.

Aisaia 8:13

Amu Yawe Nukka Ɠagattag Oh Ele, na Nugib am oppiaawak ele doye! Na ⌊Nug noobppa eheɗ hemananu, na⌋ nuhignuib baɗak doye! Ao, na nuhignuib ebehin oh bodoetta le maɗ!

Genesis 31:24

Ag anam daaegeg, tuqan amuppa Kayak Nug tulppa Aram danab Laban amegppa aum. “Da na nau aomnanu dabmettak nai imu na amenppa attem. Na Jakopnu eheɗ laa aib heme,” awa aum.

Jut 1:9

Ag anam hetteb, amge engel dilag ikki laa Maikel, nug am okkainab, laa nug kobol ag hetteb bia hekkunu elele daalo am nugbia, amge nug amu ii heum. Iitta. Nug kobol ena laa heum. Haen nug Satan ele, aa aun nug Moses gaɗa aokkunu panioɗya, nai aeh ona aeh do heya heya amu nug Satannu baeg qak nai laa mattiaya beɗuppa ii yom. Iitta. Nug inam aum. “Naɗi Nug na daut batakkunu ool daatte!” awa aum.

1 Stori 12:17

Dawit nug ban haknu aben ɠagattagppa dayeye, ag uɗieg, Dawit aha dimittim ukka, ag uɗalag ta, ag amelagppa aum. “Ag da ehaniɗkkulagnu maɗoɗ ele uɗippig dayeb amu, ag uɗippeg, da ele daagnignu ool daatte, amge da eheɗ laa ii hemi, ag amu dab-ii-menana, ag hambuppuiɗna aɗailna dahil kekeɗ eppelagppa meiɗkkulagnu uɗippig dayeb amu, Kayak, ig mamenkad aɗi dilag Kayak, Nug amu antta, ag epeɗiatta, bu madakkunu ool daatte,” awa aum.

Eksodas 3:7

Aria Moses nug anam dayeye amu Yawe Nug Moses amegppa aum. “Danab ah dahilad Isip daatteb amu, Isip danab ag eheɗ hattegeg, da anidmi, gemu ele anidttem. Danab ah dahilad ag Isipnu uɗat gumak danab nau oo doyak iitta ele eppelagppa daaeg, guittak mattaeg gaan, da ehanadkkulnu da onilppa eegeg, da ahilag ewak amu, da doottem. Ag guittak nau, uugnab maoegeg, da dabmettem amunu,

Genesis 31:12

Da anam ai, Kayaknu engel nug aum. ‘Doye! Keeke oh Laban nug nahip-ppa heehe, da anidmi amunu, na neegna, meeme dawai ag beɗulag geɗaɗa elab ele, o ag beɗulag otultul ele, o ag beɗulag geɗaɗa ele, agib doɗ anig pappaladtteb anidkkut.

Genesis 31:5

Aa gumidya uɗieh, nug aa amelahppa aum. “Da aa mamelah nug anukka dahilnu ooppa tatam ena doyom bia gemu ii dootte anidttem, amge da mamelnu Kayak Nug da ele daamuɗ.

Genesis 27:33

Anam a amu, Aisak nug ottaie, beɗu ele huana hahaɗom. Hahaɗe amu, nug aum. “Danab aun tatam doɗ qa awa uɗiom? Da geha iikku lawoya, nug itittak ena mettai ele na beme. Da nug itidmi amunu, itittak ena amu nug beɗuppa haen oh daakku,” awa aum.

Genesis 16:13

Anam amu, Hagar nug Yawe, Nug nug amegppa nai mattiom amu, Hagar onig imu Nug ataɗom. “Kayak Da Aniɗtte Ele Amu, Amuam Na.” Aɗinu? Nug aum. “Laa da aniɗtte amu, gemu da ele Nug anidmi.”

Genesis 16:11

Yawenu engel nug baula ele aum. “Na gemu oot ele daattem. Dimppa na nid danab menukkut. Menuna amu, na nug onig Ismael ataɗkkut. Aɗinu? Yawe Nug nahip gayak doyom.

Genesis 11:5

Danab ag anam heegeg amu, Yawe Nug ahilag aab okkai, amu lag attan ta ukkak ahilag ele anidkkunu neum.

Genesis 32:9

Anam awowa, Jakop nug unuqitta aum. “O Yawe, na am da alal Abrahamnu Kayak, da mamel Aisaknu Kayak ele. O Yawe, na dahilnu inam ame, ‘Na eɗun, na appan diigppa, amu na nahipadppa ele gumadna goppe, da na ena atognoidkkul,’ aon ame.

Genesis 35:3

Ag anam heppeg, ig ahat, Betel gota, appa ig Kayak noobppa dup nota binag mekkunignu da nuhig qaɗab qekkul. Nug da anukka uug nau ele daami, haen amu dimppa ele da adeppa adeppa oimi amu, Kayak Nug atognoiɗom,” awa aum.

Genesis 46:1

Jakop anam awowa, nug aha, keeke oh babaitta, nug baekkudppa oh omalatta, keeke oh nuhignu dayom ele awa ukka, Berseba appa doɗ manatta, nug mameg Aisaknu Kayak mettom.

Daniel 2:23

O Kayak, na da mamelad aɗi dilag Kayak, da na amenppa, ‘Ena heme,’ ainne, da na binan humattem. Na da doyak dabmak ena ele meɗan, na ɠagattag ele meɗame. Ig na keeke laanu oɗ mettaut, na da ippuniɗme. Na hee, ig kingnu tul niiak attem dayom amu, ig aakku amu doomut,” awa aum.

Duteronomi 15:13

Na maɗi nid nahip laa, nug nahip uɗat hette ele amu, na heppe, uhuqak aokkunu amu, na nug aib eppeg hamu uuidppe ukkom.