Genesis 31:35 - Nobonob Baibel

³⁵ Amunu Rahel nug mameg amegppa aum. “Mama, da gemu ah dilag oɗe ele, diig amunu da ahakkulnu elele iitta amunu, na oot aib nauhom,” awa aum. A amu, Laban nug aben oh neekka oiyom, amge nuhikkud kayak hambuppuak dottolkad amu ii anattom.

Genesis 31:35 Referans Kwoze

Lewitikas 19:32

Kaino laa gumitta dob amu, na hibaitte! Aun nug tatamnu daatte, na nuhignu ena elele doye! Ag ahilag Kayaknu ag ebehilag oh bodoetta le maɗ! Da am Yawe.

Eksodas 20:12

Na mamen, anin ele binalah mate! Ge! Na paha ii mauhmananu, na wan laappa, da Yawe, nahip Kayak, da na medakkulnu hettem amu, na appa haen elab daakkutnu, na anam hekkut.

1 Pita 3:6

Sarah nug Abraham oɗe doya, nuhignu, “Naɗi dahil,” awa attom. Amu ag gemu daatteb ele, ag kobol ena baɗak iitta ele hetteb dayeb, ag nug aɗekkud daatteb.

1 Pita 2:18

Aria, begbeg maɗi nid ag gumak danab ahilkad waalagppa daanna, ag ahilagnu ena elele doon autna aweg! Gumak danab ena dilagppaib iitta; gumak danab nau, ahilagnu eheɗ hetteb, amu dilagppa ele.

Epesus 6:1

Nid naunau, ag Naɗinu nai dabmenana, ag anilkad mamelkad oɗelag dim lamitteg! Kobol amuam tutukku.

1 King 2:19

Aria, Batseba nug anam awowa, nug ukka, King Solomon antta, oɗ metteb, nug Abisak awa, Adonaiya medakkunu ukkom. Ukke, King Solomon nug Batseba uɗieye antta, nug aha, ukka uɗa ta, nug noobppa dup noa, gomelom. Nug anam hewowa, nug eɗua sia kingppa dayaya, nug maɗi nid he gona, sia king laa aon dona, Solomonnu sia king gukkuittak, nug eppeg naɗiap-ppa meeg, amu Batseba nug sia amuppa dayom.

Lewitikas 19:3

Ag anen anen anilkad mamelkad dilagnu ena elele dooglagoitte. Amu dahil sabatnu ɗo da ag mattami amu, ag haen oh dabmettan, amu waappa daaglagoitte. Da am Yawe, ahilag Kayak.

Lewitikas 15:19

Am haen ah nug kalam qette, nug geha Kayak ele ouqa dayaknu elele iitta, deɗ eblaih aɗit anam daakku. Aun laa nug haen amuppa beɗu lauɗidtte amu, nug Kayak ele ouqa dayaknu elele iitta dayeb ukkeb, tueb batakku.

Genesis 31:19

Amu Laban nug tatam sipsip uɗilag otaɗkkunu ukkom. Aria, haen amuppa Rahel nug mamegnu kayak hambuppuak dottolkad danab ag laulkadppa maatteg daatteb, nug nigul amu yab diiattom.

Genesis 31:34

Noa amu, peh lag amuppa ele Laban nug keeke oh elele neekkom, amge nug nuhikkud kayak hambuppuak dottolkad amu ii anattom. Aɗinu? Rahel nug mamegnu kayak hambuppuak dottolkad danab ag laulkadppa maatteg daatteb, nug dottolkad amu kamel gomeppa dayaknu keeke, ag amuppa keeke inatteb ele, nug amuppa inatta, qaɗeppa heɗep na dayom.

Genesis 31:36

Laban anam he amu, Jakop nug oo nauhe, Laban amegppa aum. “Da aɗi eheɗ hemi? Da nahip-ppa aɗi hipunin hemi amunu na inam huana dim lamiɗme?