Genesis 31:32 - Nobonob Baibel

³² Amge na nahipad kayaknu ame amu, aun laa nug ig oonigppa keeke amu diiom anidppe, nug mauhkkuoitte. I baentadppa imu oh amelagppa na neegna, keeke nahip laa anidna amu aokkut,” awa aum. Jakop nug Rahel nug mamegnu kayak hambuppuak dottolkad yabhoi diiom amu, nug ii doyom.

Genesis 31:32 Referans Kwoze

Genesis 31:30

Aria, na appanppa gokkutnu oot huanak daatte amunu, na da appal uun uɗime, amge aɗinu na dahilad kayak yab diime?” awa aum.

Genesis 31:23

Ag anam aeg, Laban nug baekkudppa diie, ag deɗ eblaih aɗit ele Jakop dim lamidnana, Gileat wanppa, laih qauko qauko eleppa nug gukkuidna teppig.

Genesis 31:19

Amu Laban nug tatam sipsip uɗilag otaɗkkunu ukkom. Aria, haen amuppa Rahel nug mamegnu kayak hambuppuak dottolkad danab ag laulkadppa maatteg daatteb, nug nigul amu yab diiattom.

Genesis 30:33

Aria, anam dayeb, dimppa haen na dahil nob anidkkutnu uɗikkut amu na anidkkut. Aɗinu? Haen amuppa na meeme beɗu otultul iitta, o beɗu geɗaɗa iitta, o sipsip nag laa beɗu qamuhak iitta dahil doɗ ameg ooppa anidna amu, na dookkut, da yab aomi,” awa aum.

Genesis 19:7

amelagppa aum. “O lailad, ag doyeg! Ag hak nau imu aib heppig.

Genesis 13:8

Uug anam daye amu, Abram nug Lot amegppa aum. “I amu diig laippu amunu, a ona a doak i oonihppa, ihinih maɗi nid oolagppa ele aib dayom.

Genesis 31:31

Laban anam a amu, Jakop nug oɗeppa awa aum. “Na aɗenaɗ hagakkolah diiatkkut dabmemi amunu, da baɗen, na amenppa uɗignignu ii ami.

Genesis 31:33

Aria, Laban nug digma, nuhikkud kayak hambuppuak dottolkad mattialatta, nug Jakop, Lea, maɗi ah aɗit ele amu, nug ahilkad peh lag anen anen ooppa noum, amge nug ii anattom. Aria, Leanu peh lag ooppanu doa, nug Rahelnu peh lakka ele noum.