Genesis 31:12 - Nobonob Baibel

¹² Da anam ai, Kayaknu engel nug aum. ‘Doye! Keeke oh Laban nug nahip-ppa heehe, da anidmi amunu, na neegna, meeme dawai ag beɗulag geɗaɗa elab ele, o ag beɗulag otultul ele, o ag beɗulag geɗaɗa ele, agib doɗ anig pappaladtteb anidkkut.

Genesis 31:12 Referans Kwoze

Eksodas 3:7

Aria Moses nug anam dayeye amu Yawe Nug Moses amegppa aum. “Danab ah dahilad Isip daatteb amu, Isip danab ag eheɗ hattegeg, da anidmi, gemu ele anidttem. Danab ah dahilad ag Isipnu uɗat gumak danab nau oo doyak iitta ele eppelagppa daaeg, guittak mattaeg gaan, da ehanadkkulnu da onilppa eegeg, da ahilag ewak amu, da doottem. Ag guittak nau, uugnab maoegeg, da dabmettem amunu,

Duteronomi 24:15

Nug am daɗek, amunu nug ee, amu keeke laala ele daden mekkunu, nug men doɗonu oo daatte. Anam amunu na uɗat hak nob nuhig deɗ ohppa uu-ii-doobob medakkut. Na anam ii hekkut dayeb amu, danab amu nug hak amunu Yawenu gayeb, hipuninnu aab na beɗunppa daakku.

Genesis 31:42

Kayak, Nug Abrahamnu Kayak, Nug da mamel, Aisak, Nug nuhig Kayak, danab ah ag nuhignu ebehilag oh bodoetta le mette ele amu, Kayak amu Nug da ii ehaniɗlo amu, na da hamu uuiɗppe uɗilom. Kayak Nug dahil uɗat nahipnu hemi, nahip kobol dahilppa heme amu, Nug amu oh ele antta, Nug tumai tuqan na daut batom,” awa aum.

Epesus 6:9

Gumak danab ag ele ahilag begbeg maɗi nid dilagppa anamib ena heig! Ag baɗaknu kobol ahilagppa aib heppig. Ag dootteb, Naɗi, hab aabppa daatte ele, Nug am begbeg maɗi nid dilag Naɗi, ag gumak danab, ahilag Naɗi ele. Nug laa, nug danab onig okkai ele, nuhignu ena doonna, laa onig iitta ele nuhignu eheɗ dootteb, amubia iinab hette.

Aposel 7:34

Da Isip danab, ag dahilad danab Isip daatteb ele amu, ahilagppa kobol eheɗ huanak heegeg anatte, danab dahilad dilag aiqakkak ele doottem amunu, da ag ehanattena, ahilag uug amu autkkulnu nemi. Amu na ahe! Da na eɗun Isip gokkutnu meitti gottem,’ awa aum.

Eklisiastis 5:8

Na daɗek laa ag okkai laa waappa, eheɗ hattak maonna, hettoɗiak abenppa maatteg daaegeg, appan danab ag nai doya mala hettoɗia epeɗia elele mettak kobol ii dim lamidna hetteb anidkkut dayeb, na ⌊ena aib doome, amge na ele⌋ aib ottaime. ⌊Am kobol nau, amge danab okkai kuɗum ag amu hetteb.⌋ Aɗinu? Epeɗiak danab nakok okkainu ehanittak anuqak danab, ag epeɗiak danab okkainu ehanittak anuqak danab oɗelag dim lamidkkulagoitte; amu okkai amunu ag laa okkainab oɗelag dim lamidkkulagoitte amunu, kobol amu bette.

Sam 139:3

Da ib atten awe matte gokkul amu, na ib amu tatam oot maitte, da adeppa niikkul amu, na amu ele matu oot maittom. Ge, ib oh da gottem amu, na doottem.

Sam 12:5

Amu Yawe Nug atte. “Danab ah ag laa gai-iitta daaegeg, ag ag eheɗ hadatteb amu, da anadttem. Ao, daɗek ele ag aeqagatteb amu, da doottem. Anam daatte amunu, gemu amu, da ehanadppi qagaiettakppa ii daamnanu ahakkul. Ao, laa ag gai-iitta daatteb, daɗek daatteb ele amu, laa ag ahilagnu nai nau mattin, nau hattaglagnu dabmetteb ele amu, da gai-iitta daatteb, daɗek daatteb ele ehanadppi, ag uug amuppa ii daamna,” awa atte.

Lewitikas 19:13

Ag aib lokkumak kobol eheɗppa ahilkad mudippan laippu, ahilkad keeke aoppig. Ahilag keeke ele aib yab aoppig. Ag haen oh ahilkad uɗat nid ag uɗat heppignu nob, daden ⌊elele⌋ haenppa matteg!

Eksodas 3:9

Antte! Da Israel danab dilag gayak doyen, Isip danab ag layag ɠagattag iitta ele eheɗ hettak kobol dim lamidnana, Israel dilagppa kobol eheɗ hetteb ele anidmi,

Genesis 31:10

Aria, haen laa, upinattak haenppa da tulppa Kayak he, meeme dawai ag beɗulag geɗaɗa elab ele, o ag beɗulag otultul ele, o ag beɗulag geɗaɗa ele, agib doɗ anig papalattegeg anadmi.

Sam 10:14

⌊Amge,⌋ O Kayak, na hanhan laa nug layag guittak medatte, na amu anidttem amunu, na ag heppig amu, na anidna malame. ⌊Diig amunu amu,⌋ danab ah bodoettak ag nahipnu oolagppa genab dootteb. ⌊Amu diig amunu ele,⌋ na nid anilkad mamelkad mauhppig ele, na amu dilag aɗ itak daattem.