Genesis 3:8 - Nobonob Baibel

⁸ Aa anam heeh, deɗ amuppa tueb Yawe Kayak Nug dad ooppa oiyeye, danab ah ele oqotti dooyya, Yawe Kayak anatmanu dad amunu ad oolagppa lokkumya daapiɗ.

Genesis 3:8 Referans Kwoze

Jeremaia 23:24

Da aben ohppa daattem amunu, danab laa da nug anidpanu aben lokkumakppa nug nugakka appa lokkumidkkunu elele iitta. Da hab attan, wanppa ele, da appa ana aben ohppa daattem.

Prowerb 15:3

Yawe Nug keeke oh anidtte; Nug nau hak danab, ena hak danabnu ele neekka auta aotte.

Hibru 4:13

Amu keeke laippu laa Kayak Nug amegppa lokkumak iinab daatte. Iitta. Keeke oh am Nug amegppa miagib amahlakppa daatteb. Amu dimppa ig Nug noobppa daata, ihinig haknu Nug amegppa mattignig.

Rom 2:15

Anam amunu, ahilag kobol anamppa Kayak Nug ɗo ig aɗi hekkunignu ippunigtte ag oolagppa yom amu aakku miag atitte. Amu ag ahilag ooppan oiyak ippunittaknu ulum ele ɗo amu aakku yom daatte miagib atte. Aɗinu? Ulum amu nug haen laala dabmak ahilagppa, kobol ag hetteb epeɗiattatta, ag eheɗ hetteb ippuanatta, amu haen laala kobol ag hetteb ele amu, elelenab ippunadtte.

Genesis 3:10

Anam ewa a amu, danab nug aum. “Da na dad imu ooppa oiye doyen, da lamen iitta amunu, da baɗe, lokkume daattem,” awa aum.

Jona 1:3

Yawe Nug anam aum, amge Jona nug Yawe aum amu uua, aha oola, Tarsis aab okkaippa gokkunu ukkom. Nug aha gokkunu ukka, Jopa aabppa noa, nug uub laa Tarsis gokkunu heehe mattia antta, daden ma, uub attan ta ukkom. Nug Yawe uuitta, oola gokkunu dabmeum.

Job 31:33

Laa amu, deɗ laa da hipunin hemi, haen amuppa da danab ah ag dahilnu eheɗ doomnanu dabmemilob, o iitta, da aab ikki dilag danab ah ag dahilnu, ‘Keeke hamunab,’ doomnanu dabmemilob, haen amuppa danab hetteb bia da beɗulppa aab daatte oolppa lokkumlomlob; da dimittim ukken, miag ii ainne, hipunin dahil amu danab ah noolagppanu lokkumlomlob, ⌊Kayak bu meɗalo am elele, am tutukku.⌋

Job 38:1

Elihu nug nai amu mattia male, Yawe Nug ulah ɠagattag ooppanu Jobnu nai am nob ma, Nug mattia aum.

Duteronomi 23:14

Haen tutu dayaknu aab kalak am Yawenu tituanak daakkuoitte. Amunu diig am, Yawe, ahilag Kayak, Nug haen tutu dayaknu aab kalakppa eɗua ona, eɗua doawa, atognoattatta, ahilkad kekeɗ ippulag oo nekkuoitte amunu, Nug keeke eheɗ antta, dimattamade, ag anam heig!

Duteronomi 5:25

Amge gemu amu, ig aɗinu mauhkkunig? Ig amu madittemnu diig am Yawe, ihinig Kayak, Nug ig amenigppa nai baula mattilo amu, ig genab mauhlom; aab dittiak naɗinab umu ewikkeb, iitta mekkunig.

Duteronomi 4:33

Danab ah wan laalappanu ag Kayak aab dittiak ooppa dayaya, nai mattieye doon, ag bau daappig laal elete? Iitta! Ag, Israel, agib anam heppig.

Job 22:14

Nug habppa oiyaya, lombig gatatunab ooppa daatte amunu, Nug ig ii anigtte.’ Na anam attem.

Revelesen 6:15

Laih waeg, wanppanu king, anuqak danab, ban daup ikki anuqak, danab enulag ele, danab ɠagattag ebehilag ele, begbeg maɗi nid oh, danab laa oh begbeg maɗi nid iitta, ag oh qaukoppanu men oɗeppa amu men giɗoɗlagppa gona lokkumadppig.

Genesis 18:33

Yawe anam ana mala amu, Nug ukkom. Abraham nug ele nug laugppa ukkom.

Lewitikas 26:12

Da geha ag oolagppa oikkul; da ahilag Kayak daakkul, ag dahil danab ah daaglag.

Hosea 10:8

Betawen appa kayak hambuppuak dilag mettid lag nakok am, laa ag heppeg nauhak daaglag; Israel ag appa hipunin hetteb. Lag amu nauhak daappeg, uud keeke qaun ele amu, keeke amuam geha qaɗab amu oh teguadkkulag. Amu oh beeb amu, Israel danab ah ag geha qauko dilagnu, “Ag nena tonikkeg,” akkulag. Ao, ag qauko nakok dilagnu, “Ag nena, qaɗenigppa qeig!” aon akkulag.