Genesis 29:35 - Nobonob Baibel

³⁵ Jakop, Lea ele baula oiyya amu, nug oo ele daya, nug nid danab menua, nug aum. “Haen imuppa da Yawe menuak imunu onig humakkul,” amunu nug nid onig Juda ataɗom. Aria, nug haen amu dimppa, ⌊haen imuag amuppa⌋ nug nid baula ii menuom.

Genesis 29:35 Referans Kwoze

Matyu 1:2

Abraham bekka am Aisak. Aisak bekka am Jakop. Aria, Jakop bekkod am Juda, nug awakkud amakkud ele.

1 Stori 5:2

Judanu amu, Juda buɗub ag ɠagattagnab bena oippig, Juda awakkud, amakkud laa oh eɗattak; king nug buɗubppa ele beum, amge Josep buɗub ag nid naanaegnu binag aon oippig; Juda iitta.

Duteronomi 33:7

Moses nug amu awowa, nug imu Israel dilag huu okkai Judanu aum. “O Yawe, na Juda danab ah dilag unuqittak doon, ⌊ag kekeɗ ahilkad ele nug qeppeg amu,⌋ na eɗun diippe, ahilkad danab ah dilagppa uɗiglagnu oɗ medattem. Na ehanadna, ɠagattag madakkutnu oɗ medattem. Ge! Na ag ahilkad kekeɗ eppelagppa daamnanu ehanadkkutnu unuqidttem,” awa aum.

Genesis 35:26

Silpa, Leanu maɗi ah amu, nug bekoɗ am Gad, Aser ele. Jakop bekkod, ag anilkad Mesopatemia appa menuadppig am anam aakku.

Genesis 46:12

Juda bekkod onilag am Er, Onan, Sela, Peres, Sera ele. Juda bekoɗ Er, Onan ele, aa Kanan wanppa mauhpiɗ. Peres bekoɗ onilah am Hesron, Hamul ele.

Namba 1:26

Ag Juda huuppan danab oh, ag maɗ 20, o iitta maɗ 20 eɗittak, ag ban daup ooppa daanna, ban hekkulagnu elele ebaqappig. Ag, ag onilkad anen anen, ag baelkadppa onilkad, amu ag ahilkad aab ikki onilkad ele waappa yaappig. Amu Israel dilag huu okkai Juda, huu amuppa, danab amu 74,600 daappig.

Namba 34:19

Israel dilag huu okkai anen anenppanu danab otiadkkulag ele onilag amu iikku. Kalep, nug am Jepune bekka. Nug am Israel dilag huu okkai Judanu.

Genesis 30:9

Aria, haen Lea nug baula ii menua antta, nug nuhig maɗi ah Silpa awa, nug Jakopnu ah daakkunu Jakop mettom.