Genesis 29:33 - Nobonob Baibel

³³ Dimppa Jakop, Lea ele aa oiyya, Lea nug baula oo ele daya oiyaya, nug nid danab baula menua, nug aum. “Yawe Nug da gamul dahilnu oo ii mauhtte anttom amunu, nug nid danab imu ele meɗom,” awa aum. Anam ana amu, nug nid onig Simeon ataɗom.

Genesis 29:33 Referans Kwoze

Genesis 34:25

Anam heeg, deɗ ewam dimppa danab gaɗalkad otaɗppig amu, ag ihilag guattette, Jakop bekoɗ Simeon, Lewi ele, aa Daina awakuɗ, aa ahaya, qep elab aɗuatya, banelag goya, aab mattaya oieheh, aab okkai amuppan danab ag uug laa bekkunu dab-ii-mena daaegeg, aqaglahnu oiya, danab amu oh aqadpiɗ.

Genesis 42:24

Josep nug nai ahilag doya, nug uuatta, aben laih ukka gayowa, nug eɗua gumatta noa, ag amelagppa nai mattia, ag amelagppa ele Simeon tituana he, ag hippalppig.

Genesis 35:23

Jakop nug bekkod 12 ele. Lea bekkod am Ruben, nug Jakopnu nid danab naanaeg, Simeon, Lewi, Juda, Isakar, Seblon ele.

Genesis 34:30

Anam heeg amu, Jakop nug Simeon, Lewi ele amelahppa aum. “Aa heeh, da onil ippa Kanan, Peres ele danab amelagppa nauha autanab awom. Da dahil daup kuɗum iitta amunu, ag banenig uɗiglagnu qagmena, uɗin iqappeg, ig oh padal mekkunig,” awa aum.

Genesis 30:20

nug aum. “Kayak Nug keeke enanag da meɗom. Da gamul bekkod eblaih laippu ele menuadmi amunu, nug da binal meɗakku,” awa aum. Nug anam anana, nug nid onig Seblon ataɗom.

Genesis 30:18

nug aum. “Da maɗi ah dahil da gamul mettami amunu, Kayak Nug da nob ena meɗom,” awa aum. Anana amu, nug nid onig Isakar ataɗom.

Genesis 30:8

Rahel nug aum. “Da apai ele i nug okkai mehqeɗa, amu da nug eɗidmi,” awa aum. Anam anana amu, nug nid onig Naptali ataɗom.

Genesis 30:6

Rahel nug aum. “Kayak Nug he, tutukku hak dahil aakku miag atiom. Nug dahil unuqittak doya, nid danab meɗom,” awa aum. Nug anam aum amunu, nug nid onig Dan ataɗom.

Namba 34:20

Amihut bekka Semuel. Nug am Israel dilag huu okkai Simeonnu.

Duteronomi 21:15

Danab laa nug ah aɗit diiata, Nug laanu oo mauhkku, amge laanu nug oo mauhaknab ii dookku dayeb, ah aɗit oh aa nid danab menuglahtai, amge ah laa, danab nuhignu oo mauhaknab ii dootte amu, nug tatam nid danab menukkutai.