Genesis 29:31 - Nobonob Baibel

³¹ Aria, Yawe Nug Jakop Rahelnu oo huanak mauhom, amge Leanu oo anam ii mauhom amu, Nug amu anttom. Nug anttom amunu, Nug he, Lea nug nid aokkunu elele dayom, amge Rahel nug am ah mattoi.

Genesis 29:31 Referans Kwoze

Matyu 10:37

Amu danab nug anig mameg ele dilah oo mauhtte, amge dahilnu oo huanak ii mauhtte amu, nug da layal iitta. Amu ele, danab nug bekka aɗeg ele dilah oo mauhtte, amge dahilnu oo huanak ii mauhtte amu, nug am da layal iitta.

1 Samuel 2:21

Eli nug anam mattie ukke, Yawe Nug Hananu dabmaama ehanittom amunu, nug nid laala, nid danab ewam, amu nid ah aɗit ele menuattom. Nug nid amu menuatta dayeye, nid danab Samuel nug Yawe noobppa ena meum.

Sam 127:3

Antte! Danab bekkod ag am danab mameg aug medatte bia Yawe eppegppanu uɗitteb. Yo, bekkod amu ag am Yawe toppan keeke ena, nob iitta aakku.

1 Samuel 1:5

amge Elkana nug Hana maha aɗit medattom. Nug amu heumnu diig am aɗit. Laa am, nug Hananu oo huan mauhom. Laa am, Yawe he, Hana nug nid aokkunu elele iitta daye, nug oo uugnab daamanu heum.

Duteronomi 21:15

Danab laa nug ah aɗit diiata, Nug laanu oo mauhkku, amge laanu nug oo mauhaknab ii dookku dayeb, ah aɗit oh aa nid danab menuglahtai, amge ah laa, danab nuhignu oo mauhaknab ii dootte amu, nug tatam nid danab menukkutai.

Eksodas 3:7

Aria Moses nug anam dayeye amu Yawe Nug Moses amegppa aum. “Danab ah dahilad Isip daatteb amu, Isip danab ag eheɗ hattegeg, da anidmi, gemu ele anidttem. Danab ah dahilad ag Isipnu uɗat gumak danab nau oo doyak iitta ele eppelagppa daaeg, guittak mattaeg gaan, da ehanadkkulnu da onilppa eegeg, da ahilag ewak amu, da doottem. Ag guittak nau, uugnab maoegeg, da dabmettem amunu,

Genesis 29:30

Aria, Jakop, Rahel ele oiyya, Jakop nug Rahelnu oo mauhom, amge Leanu amu, nug oo anam ii mauhom. Anam oinna, nug ah nuhig Rahelnu uɗat baula maɗ eblaih aɗit heum.

Jon 12:25

Anam amunu, aun nug wanppanu bau daakkunu dabmak anuqak aotte amu, dimppa nug bauklel hanhannu ii aoma. Amge aun laa nug wan imuppan beɗu bau dayaknu oo ii qette, amunu dabmak okkai ii aotte amu, nug bauklel hanhannu Kayak eppegppa aokku.

Luk 14:26

“Danab nug dahilppa uɗitte, amge nug mameg, anig, am nuhig ah, bekkod dilag am awag, amag, apakkud, appinkkud dilag, nug nukka nuhig bau dayak ele amunu anuqak dootte ele, aria nug dahil ippunittak awak danab daakkunu elele iitta.

Luk 1:7

Amge aa nid iitta. Elisabet nug ah mattoi amunu aa hamu oiya, kaino mepiɗ.

Genesis 30:22

Aria dimppa, Kayak Nug Rahelnu dabmak awa, unuqittak nuhig ele doya, Nug he, Rahel nug nid menukkunu elele dayom.

Genesis 27:41

Jakop anam he amu, Esau nug mameg Jakop itittak ena mettomnu Jakopnu oo nauhom. Oo nauhe, nug aum. “Da mamel nug haen elab iitta, am mauhkku. Nug mauheb, nuhignu oo doyak hewota, dimppa da Jakop qeppi mauhkku,” awa aum.

Genesis 25:21

Aisak wau Rebeka nug nid iitta, nug ah mattoi amunu, Aisak nug Yawe amegppa amunu unuqitte, Yawe Nug he, Rebeka nug oo ele oiyom.

Malakai 1:3

Da nuhignu ool mauhom, amge da Esau geɗidmi. Da Esau geɗitten hei, kekeɗ ag nuhig wan heeg, wan amuam wan meu waknu nakokib elele beum daatte. Ao, da hei, ahilag wan, am ag aulag aakku, wan amuam doɗ jakal, am amu dilag beum daatte,” awa atte.

Matyu 6:24

Danab laippu nug gumak danab aɗit dilahnu uɗat hekkunu elele iitta. Am nug laanu oo mauhebeb, laanu amu nug ooppa nau ninig ele dookku. Doyaya, laaib amu nug dim lamittatta, laa amu dimedakku. Ag danab ah, ag Kayaknu uɗat, amu enub uɗat ele oh hekkulagnu elele iitta.

1 Samuel 1:27

Haen amuppa amu, da nid imunu Yawe unuqidmi, amu Nug nid imu da meɗom

Genesis 16:1

Aria, Abram wau Sarai nug nid iitta, amge Sarai nug Isipnu maɗi ah laippu onig Hagar gumom

Aposel 7:8

Kayak Nug anam aum dimppa, Nug nug tituana nai qakkak ha, ɗo laa Abraham metta, Abraham amu nug buɗub ele ag oh gaɗalag otaɗadkkulagnu aum. Kayak aum amunu dimppa Abraham nug bekka Aisak menua, deɗ eblaih ewamppa gaɗa otaɗom. Aria, Aisak nug Jakop menua, gaɗa otaɗe, Jakop nug dimppa bekkod 12 menuatta, gaɗalag otaɗom.

Genesis 29:32

Yawe Nug anam he, Lea nug oo ele oiyaya, nug nid danab menua, nug aum. “Yawe dahil uug nau antta ehaniɗom amunu, da gamul nug dahilnu oo mauhkku,” awa aum. Nug anam aum amunu, nug nid onig Ruben ataɗom.

Genesis 35:23

Jakop nug bekkod 12 ele. Lea bekkod am Ruben, nug Jakopnu nid danab naanaeg, Simeon, Lewi, Juda, Isakar, Seblon ele.

Rut 4:13

Aria, Boas nug Rut awe oiyya, Yawe Nug he, nug nid aokkunu elele daye, nug nid danab menuom.

Genesis 11:30

amge Sarai nug am ah mattoi, nug nid menukkunu elele iitta.