Genesis 29:25 - Nobonob Baibel

²⁵ Aria, wagɗe buttua amu, Jakop nug Lea iɗu antta, nug Laban amegppa aum. “Na aɗinu kobol imu heme? Da Rahel aokkulnu uɗat nahip hemi. Aɗinu na hambuppuiɗme?” awa oɗ mettom.

Genesis 29:25 Referans Kwoze

Matyu 7:2

Aɗinu? Ag laa dilagppa epeɗiak kobol attenppa epeɗiadppeg amu, ag epeɗiak kobol amuppa aoglag. Ag lailkad dilagnu aɗi melemelppa keeke hetteb, ag melemel amuppaib geha keeke aoglag.

Prowerb 11:31

Antte! Genab tutukku hak danab ag wan imuppa daanna, ahilag nob ena aotteb; amunu genabnab genab, Kayaknu nuhig haknu ele uuak danab, hipunin danab ele, ag wan imuppa ahilag nob nau aoglag.

Revelesen 3:19

Da bekkalad dilagnu ool mauhe, amu da ag tutukku daaglagnu ag daulag batete, ahilag kobol ena bekkulagnu toliadttem amunu, na kobol nahipnu dabmena autna aona, oot eɗuaɗ!

1 Korint 3:13

Aria, danab ag lag, keeke piɗe piɗeppa heppig ele amu, aab lag amu eweb, ahilag uɗat am miag atikku. Laala ag keeke aab eokkunu elele iittappa uɗat heppig amu, ahilag uɗat am ii iitta mema. Amge laa ag keeke aab eokkunu eleleppa uɗat heppig amu, ahilag uɗat am iitta mekku. Amubia ele danab ag dahil nai aon, uɗat tuɗidna hetteb ele, ahilag uɗat am elele o elele iitta am miag atikku. Aab nug heeb, lagnu uɗat am miag atikku, amubia Kayak Nug heeb, danabnu uɗat am miag atikku.

Ikki Danab 1:7

Ag amu heeg, dimppa Adoni Besek nug aum. “Da king 70 ele ban heta eɗatte, ag eppelkad tanig, amu baelkad tanig ele otaɗadmi. Da amu hein malai amu, ag ee huppu dahil balal waappanu amu lappig. Gemu Kayak Nug da ahilagppa heminu noob meɗom,” awa aum. Am Juda, Simeon danab ele ag nug aon Jerusalem ukkaeg, nug appa mauhom.

Genesis 12:18

Oɗe anam matte amu, Paro nug Abram onigppa e uɗie, nug aum. “Na aɗinu dahilnu inam heme? Aɗinu na Sarainu, ‘Ah am dahil,’ ii ame?

Jon 21:17

Jesus baula ewam batak Pita oɗ mettom. “Saimon, Jon bekka, na dahilnu oot mauhttete?” awa aum. Pita Jesus haen ewam batak, “Na dahilnu oot mauhttete?” aum amunu ooppa guittak doyaya, nug Jesus amegppa aum. “Naɗi, na keeke oh doon malame, amu na da nahipnu ool mauhtte ele doottem,” awa aum. Pita anam a amu Jesus amegppa aum. “Dahil sipsip bekkadna meɗe!” awa aum.

Matyu 7:12

Anam amunu, ag dahilad ag danab ag kobol atten ahilagppa hekkulagnu oolag daatte, ag kobol amuib ahilagppa heig! Ɗo nai, amu propet nai ele amuib ippunigkkunu daatte.

Genesis 20:9

Baɗanna amu, Abimelek nug Abraham onigppa e uɗie, amegppa aum. “Na ihinignu aɗi heme? Da nahipnu eheɗ aɗi hemi amunu, na kobol imu he, da, dahilad daup ele, ig oh beɗunigppa aab okkai ele iikku daattem? Na keeke ii helom aakku heme.

Genesis 26:10

Anam a amu, Abimelek nug aum. “Na aɗinu ihinignu anam heme? Na anam ame amunu, danab laa nug nahip ahnu oo ii maitta, wagai ma eeɗeb niilop. Anam helo amu, nahip hipuninppa, ig beɗunigppa aab ele daalo,” awa aum.

Genesis 29:24

Laban nug maɗi ah onig Silpa, Lea nuhig maɗi ah daakkunu mettom.

Genesis 29:26

Jakop anam oɗ mette amu, Laban nug oɗeppa awa aum. “Iitta. Ihinig ɗo amu inam daatte. Ah tatamnu nug danab awe, aria ah gehanu nug dimppa danab aotte.

Genesis 31:7

amge nug dahilnu hambuppuak kobol ha, dahil uɗat nob haen kuɗum baoliom. Anam aakku, amge Kayak Nug he, Laban nug dahilnu kobol eheɗ laa ii heum.

Rut 4:11

Boas anam a amu, Israel dilag ikki danab, amu laala ele daappig, ag oh appig. “Ig aakku anidta, ig laa aɗi heehe anttomnu mattiak danab aakku daattem. Yawe Nug heeb, Rut, nug ah nahip daakku amu, nug Rahel, Lea ele, ah aɗit amu aa buɗulti am ig Israel danab ah, amu ah amu nug ah aɗit amubia ba dayebeb, na aab ikki onig Eprata, na amu dilag oolagppa, Betlehem aabppan danab ah oolagppa ele, na onin ele daakkutnu oonig daatte.

1 Samuel 28:12

Saul nug anam a, ah Samuel onigppa e beum, amu haen ah nug Samuel antta, nug Saul am Saul doyom, amu nug eheɗ nau ewa, amegppa aum. “Aɗinu na da buppuiɗme? Na Saul!” awa aum.

Genesis 29:16

Amu Laban nug aɗekuɗ aɗit ele, tatamnu onig am Lea, gehanu am Rahel.

Genesis 31:26

Laban nug appa dayaya, nug Jakop toppa ukka, Jakop amegppa aum. “Na aɗi heme? Na aɗinu hambuppuak kobol imu hena, danab ban hena, ah nid ele diin goppig bia na da aɗelaɗ diiatna uɗime?