Genesis 29:21 - Nobonob Baibel

²¹ Jakop uɗat anam he ukke, haen male amu, Jakop nug Laban amegppa aum. “Haen dahil malom amunu, na aɗen Rahel ah dahil daakkunu meɗappe oignih,” awa aum.

Genesis 29:21 Referans Kwoze

Ikki Danab 15:1

Amu dimppa, wit aeg awak haenppa, Samson nug meeme nag laa nug wau, nuhig daakkunu hamu medakkunu awa ukkom. Nug ukka, wau mameg amegppa aum. “Da ah dahilnu lag oo amuppa nokkulnu ool daatte,” awa aum, amge ah mameg nug ii uuitte noum.

Matyu 1:18

Anam amu, Jesus Kristus, nuhig menuaknu nai am inam. Josep nug Maria aokkunu baeg aɗaeg daye ukkom, amge aa ewau matulak ii aopiɗppa Maria nug Kayak Ouɗinu ɠagattagppa oo ele dayom.

Genesis 38:16

Anam ana amu, nug ah amu nug ahipa ii doyom amunu, nug gumitta wa, amegppa aum. “Ahappe, da ele oiɗu,” awa aum. Nug anam a amu, ah nug eɗua nug oɗ mettom. “Da na ele oignihnu amu, na nob aɗi meɗakkut?” awa oɗ mettom.

Genesis 31:41

Maɗ 20 amu da na lautppa daami. Maɗ amu ooppa, maɗ 14 laa amu, da na aɗenaɗ diiatkkulnu nahip uɗat hemi. Maɗ eblaih laippu ele laa amu, da doɗ imu nahip doɗ amegppanu diiadkkulnu nahip doɗ gumak uɗat hemi. Anam aakku, amge na dahil uɗat nob amu haen 10 baolime.

Genesis 29:20

Anam a, Jakop nug maɗ eblaih aɗit ele Rahel aokkunu uɗat heum. Nug Rahelnu oo mauhom amunu, maɗ eblaih aɗit ele amunu amu, nug deɗ laippu laippu bia doyom.

Genesis 29:18

Aria, Jakop nug Rahelnu oo mauhom amunu, nug Laban uɗat nobnu amegppa inam aum. “Da maɗ eblaih aɗit ele uɗat nahip heppi, na aɗen gehanu Rahel meɗakkut,” awa aum.

Genesis 4:1

Adam wau ele aa dad dimittim anam daaya, aa oiyya Ewa nug oo ele daye, geha nug Kain menuom. Menua, nug aum. “Yawe Nug da ehaniɗe, da nid danab imu aomi,” awa aum.

Genesis 29:22

Jakop anam aum amunu, Laban nug ah awak hobul okkai ha, aben amuppanu danab ah oh onilagppa e uɗieg, ee matte lappig.

Duteronomi 22:13

Danab laa nug ah laa aweb, nug ele niioya, nug nuhignu dabmak baolia, ah amu ele daaglahnu oo ii hekku dayeb,