Genesis 29:20 - Nobonob Baibel

²⁰ Anam a, Jakop nug maɗ eblaih aɗit ele Rahel aokkunu uɗat heum. Nug Rahelnu oo mauhom amunu, maɗ eblaih aɗit ele amunu amu, nug deɗ laippu laippu bia doyom.

Genesis 29:20 Referans Kwoze

1 Korint 13:7

Danab nug oo mauhak dootte ele nug uug oh maotte, nug hanhan ooppa genab doyak ele oitte. Nug hanhan Kayak nug ehanidkkunu dabmak aɗa daatte. Nug uug doyaya eɗittaknuib dabmak hanhan aotte.

Epesus 5:2

Ag nug oo mauhakppa, Kristus Nug ihinignu oo mauhe, Nug nukka Nug bau dayak nuhig ig ehanigkkunu uua, ihinignu mauhom bia oiyeg! Kristus Nug danab ag doɗ main Kayak muttuɗig ena dookkunu medatteb bia, nukka nuhigppa anam heum.

Hosea 12:12

Jakop nug awag baɗitta, nug oola ukka, Aram wanppa dayom. Nug appa dayaya, nug ah laa aweb, wau daakkunu haaha, nug danab laanu maɗi nid daya, nuhig uɗat heum. Ao, nug ah daden mekkunu, nug danab laanu sipsip gumattom.

Genesis 24:67

Nug nai mattia male, Aisak nug Rebeka omala, anig Sarahnu peh lakka ukka, appa me dayeye, aa ewau matulak aopiɗ. Rebeka nug Aisak wau daye, Aisak nug Rebekanu oo mauhom. Tatam nug anig Sarah mauhe, nug oo huan doyom, amge nug Rebeka awowa, nug oo mak doyom.

2 Korint 5:14

Aɗinu? Kristus nuhig oo mauhak amuib ig uɗat imu hekkunignu maɗeɗikkom. Amunu diig am ig imunu tutukku ena doottem; danab laippu Nugib ig danab oh ig abeninig awa mauhom. Nug ig ounig daya mauhom, amuppa ig oh aakku mauhmut.

Genesis 29:19

Jakop anam a amu, Laban nug oɗeppa awa aum. “Da nug danab laa medakkulnu elele, amge na medakkul am ena amunu, na dahil uɗat hekkut,” awa aum.

Genesis 31:15

I mamenih nug ihinihnu, i am ah wan laihnu ah bia dooit-tte. Nug ihinihnu en oh awom amu, nug he, iitta meum.

1 Samuel 18:23

King Saul nug nuhikkud ehanittak laa ag Dawit amegppa anam akkulagnu a, ag gona, Dawit amegppa nai amu aeg, Dawit nug nob ma, amelagppa aum. “Amu laa nug king aɗeg aokku am, keeke hamute? Iitta! Amu keeke okkai. Da elele iitta. Aɗinu? Da am danab men doɗo okkai iitta; da ele am danab onil iitta,” awa aum.

Genesis 29:27

Daappe, ah awak hobul mettid laippu daatte. Hobul maleb amu, na Rahel ele aokkut. Aowona amu, na maɗ eblaih aɗit baula ele nuhignu uɗat hekkut,” awa aum.

Genesis 29:30

Aria, Jakop, Rahel ele oiyya, Jakop nug Rahelnu oo mauhom, amge Leanu amu, nug oo anam ii mauhom. Anam oinna, nug ah nuhig Rahelnu uɗat baula maɗ eblaih aɗit heum.

Genesis 34:19

Ena doya, Sekem, nug mameg baekkudppa laa oh amelagppa anuqak dayom, nug Jakop aɗeg Dainanu enanagnab doyom amunu, nug paha Jakop bekkod appig bia hekkunu ahom.

Hosea 12:13

Dimppa amu, Yawe Nug he, propet laa nug Jakop buɗub, am Israel danab ah, nug ag Isipnu omalatta uɗiom. Ao, Yawe nug propet amu eppegppa Israel danab ah dabmadatta, atognoattette uɗippig.