Genesis 29:17 - Nobonob Baibel

¹⁷ Lea nug ameg am neekkak ena, amge Rahel nug ah enanag, iɗu tuqak ele.

Genesis 29:17 Referans Kwoze

Genesis 12:11

Nug ukka, Isip gukkuitta, nug Sarai amegppa aum. “Da doottem, na am ah ena, iɗun tuqaknab ele

Matyu 2:18

“Laa Rama appa gayeye dootteb. Ge, appa laa nug gayaya, eheɗ mahitte. Amuam Rahel, nug nid nuhikkud oh iitta meppig amunu, nug nid dilagnu gayaya, mahiadtte. Nug mahiatta gayeye, laa heeb, oo mekkunu uua daatte,” awa aum.

Jeremaia 31:15

Yawe Nug inam atte. “Laa Rama appa gayeye dootteb. Ge, appa laa nug eheɗ gayaya, mahitte. Amuam Rahel, nug nid nuhikkud oh iitta meppig amunu, nug nid dilagnu gayaya, mahiadtte. Nug mahiatta gayeye, laa heeb, oo mekkunu uua daatte,” awa atte.

Prowerb 31:30

Laa noolagppaib oo bodoette, enanag, maɗoɗ ele hak, amuam keeke genab iitta; iɗu tuqak ele am haen oh ii daama; amge ah aun nug Yawenu ebehi oh bodoetta le mette amu, nug binag aokkuoitte.

1 Samuel 10:2

Amu gemu na da uuiɗna gona, na Benyamin wanppa aab onig Selsa, appa Rahelnu boumak aben guguittak, na danab aɗit uɗalah tekkut. Na uɗalah teppe, aa na amenppa akkulah. ‘Na mamennu donki madikkutnu ahan oime amu, laa ag donki amu eɗun anadppig amunu, na mamen nug donki dilag gemu ii dabmette. Iitta. Nug nahipnu oo uug dayeye, “Da bekkalnu amu, da attem hekkul?” awa atte.’ Aa na amenppa anam akkulah.

Genesis 48:7

Da Mesopatemianu Kanan uɗiyi, na anin Rahel nug Eprat, onig laa Betlehem, aab amu guguittak appa ibppa mauhe, da nuhignu oo doyak naɗi ele ib giginppa boummi,” awa aum.

Genesis 39:6

Anam beppig amunu, Josep nug Potiparnu keeke oh gumom. Potipar nug nuhig keeke laanu dab-ii-mettom. Iitta. Nug lanakib laum. Aria, Josep nug nid gaiɗ enanag, iɗu tuqak ele

Genesis 35:24

Rahel bekoɗ am Josep, Benyamin ele.

Genesis 30:22

Aria dimppa, Kayak Nug Rahelnu dabmak awa, unuqittak nuhig ele doya, Nug he, Rahel nug nid menukkunu elele dayom.

Genesis 29:18

Aria, Jakop nug Rahelnu oo mauhom amunu, nug Laban uɗat nobnu amegppa inam aum. “Da maɗ eblaih aɗit ele uɗat nahip heppi, na aɗen gehanu Rahel meɗakkut,” awa aum.

Genesis 24:16

Rebeka nug ah makkun, iɗu tuqaknab. Nug danab laa ele nakok ii oipiɗ. Nug le moɗppa noa, hanakppa le ita, mawa beum.

Genesis 12:14

Aria, Abram Isip wanppa ukka te, Isip danab ag Abram wau Sarai, nug am ah ena, iɗu tuqaknab ele anidppig.

Genesis 26:7

Nug Gerar dayeye, appanu danab ag Aisak, Rebekanu oɗ medappig. Haen ag oɗ mettaeg amu, Aisak nug Rebekanu, “Nug am da waal,” akkunu baɗom amunu, nug Rebekanu, “Nug amu da appinal,” awa aum. Rebeka nug ah iɗu tuqak ele amunu, Aisak nug amu dabmaama, appan danab ag nug Rebeka aoglagnu nug qeppeg mauhmanu, nug Rebekanu, “Da waal,” ii aum.

Genesis 29:16

Amu Laban nug aɗekuɗ aɗit ele, tatamnu onig am Lea, gehanu am Rahel.

Genesis 29:30

Aria, Jakop, Rahel ele oiyya, Jakop nug Rahelnu oo mauhom, amge Leanu amu, nug oo anam ii mauhom. Anam oinna, nug ah nuhig Rahelnu uɗat baula maɗ eblaih aɗit heum.