Genesis 28:22 - Nobonob Baibel

²² Aben da men eppami ele imu amu, am Kayak noobppa dup noa binag mak aben daakku. Amu Kayak Nug aɗi aɗi keeke oh da meɗeb amu, da amunu obatak eblaih tanig ele ooppanu obatak laippu Kayak medakkul,” awa aum.

Genesis 28:22 Referans Kwoze

Genesis 35:7

Appa tewona, Jakop nug qaɗab qa, nug aben amu onig El Betel ataɗom. Aɗinu? Anukka Jakop nug Esaunu baɗa oola ugekke, Kayak Nug aben amuppa Jakop gumitta ne anttom.

Genesis 14:20

Ao, Nug na ehanitte, na kekeɗ eɗadme amunu, ig Nug onig humatu!” awa aum. Awa a amu, Abram nug keeke oh awom, nug amunu obatak eblaih tanig ele ooppanu obatak laippu Melkisedek mettom.

Genesis 35:1

Dimppa Kayak Nug Jakop amegppa aum. “Anukka haen na Esaunu oolna ukkaeye, da nagattoppa Betel appa gumitten nemi. Uppa nemi amunu, na ahan gona, Betel daanna, dahil qaɗab appa qekkut,” awa aum.

Genesis 33:20

Wan amuppa nug qaɗab qa, onig El Elohe Israel ataɗom.

Genesis 28:17

Nug anam dabma, nug baɗa, nug aum. “Kayak iguppa daatte, hab aabnu od ele iguppa daatte amunu, aben imuam, danab ebehi oh bodoetta le maknu aben,” awa aum.

Genesis 12:8

Nug qaɗab qewowa amu, nug aha noa, wan qauko ele, Betelnu laih kaɗag uɗitteppanu daatte, nug appa ukkom. Nug peh lag nuhig aab aɗit Betel, Ai ele gamalahppa qappe, Betel am laih qaban uɗitteppanu daye, Ai am laih kaɗag uɗitteppanu dayom. Aben amuppa ele Abram nug qaɗab qa, Yawe noobppa dup noa binag maama, nug Yawe unuqittom.

Genesis 21:33

Aa ukkaeh, Abraham nug Berseba appa ad tamarisk eppom, amu nug amuppa Yawe, Nug Kayak hanhan daatte amu, nug Nug noobppa dup noa binag meum.

Genesis 47:24

Amge dimppa ag ee eppan, haen ag meu aona amu, ag laih tanig ele oppatna, laih laippu Paro metteg! Waɗele laa amu, ahilag tumu eppaknu, amu ag lakkulagnu ele aweg!” awa aum.

Genesis 47:26

Anam beum amunu, Josep nug ɗo inam ma aum. “Ag Isip danab ag ahilag lanaknu oh maɗ ohnu laih tanig eleppa oppatnana, laih laippu Paro mettana, laih waɗele amu ag aweg!” awa aum. Ɗo amu gemu ele ⌊nai imu yaak haenppa⌋ Isip wanppa daatte. Amge mana mettak danab dilagnu amu, Paro nug wan ahilag ii awom amunu, ag ɗo amu waappa ii daappig.

Malakai 3:10

Amu ee elele da laulppa daakkunu amu, Israel danab ah ag, ag keeke obatak eblaih tanig ele ooppanu obatak laippu amu oh aon, da laulnu ee bakkalenu maknu oo, ag oo amuppa keeke amu oh meig! Ag ma anttak meɗan, anam hekkulag dayeb amu, da hab aabppan itittak ena naɗi madakkul. Da huanaknab madappi, meppeg ambeeb, ag dabmettaglagnu aben elele iitta daakku! Ag anam hena anitteg! Da genab meu heppi beeb anidkkulag!” Yawe Nukka Ɠagattag Oh Ele Nug anam atte.