Genesis 28:19 - Nobonob Baibel

¹⁹ Gokkaɗowa, nug aben amu onig Betel ataɗom. Anukka aab okkai appa dayom ele am onig Lus adappig.

Genesis 28:19 Referans Kwoze

Genesis 48:3

Dayeye, Josep nug gumitta wa, Jakop nug aum. “Kayak Nukka Ɠagattag Oh Ele Nug Kanan wanppa aab laa onig Lus, appa gumiɗa na itiɗa,

Genesis 35:1

Dimppa Kayak Nug Jakop amegppa aum. “Anukka haen na Esaunu oolna ukkaeye, da nagattoppa Betel appa gumitten nemi. Uppa nemi amunu, na ahan gona, Betel daanna, dahil qaɗab appa qekkut,” awa aum.

Hosea 4:15

Ag Israel, danab ah ag ewau pakkuna gappai hetteb, amubia ag da uuiɗna, kayak hambuppuak laala dilagppa dup nona binalag metteb, amge Juda danab ah, ag anam aib heppig. O Juda danab ah, ag kayak hambuppuak noolagppa dup nona binalag mekkulagnu Gilgal aib goppig. Ao, ag amu hekkulagnu Bet Awen aib goppig. Ge, ag kayak hambuppuak noolagppa dup nona binalag menana, ag ahilag nai ɠagattag qettan, ‘Yawe genab bau daatte, genab amubia da inam inam hekkul,’ aib anan heppig.

1 King 12:29

Aakku King Jeroboam nug makau golppa hak aɗit amu laa aab Betel, appa mewowa, laa amu aab Dan, appa meum.

Genesis 12:8

Nug qaɗab qewowa amu, nug aha noa, wan qauko ele, Betelnu laih kaɗag uɗitteppanu daatte, nug appa ukkom. Nug peh lag nuhig aab aɗit Betel, Ai ele gamalahppa qappe, Betel am laih qaban uɗitteppanu daye, Ai am laih kaɗag uɗitteppanu dayom. Aben amuppa ele Abram nug qaɗab qa, Yawe noobppa dup noa binag maama, nug Yawe unuqittom.

Genesis 28:11

Nug ugakka, nug aben laappa te, aam noum amunu, nug tuqan niikkunu dayom. Dayaya amu, nug appanu men laa awa, uɗun ma niiom.

Genesis 31:13

Da am Kayak, na Betel uppa aniɗme ele. Na aben amuppa goɗen men qaɗeppa gokkaɗna, keeke laa genabnab hekkutnu nai anan qakkame. Amu na wan imu paha uuna, eɗun na wanen diigppa gokkut.’ Kayak Nug anam da amelppa aum,” awa aum.

Genesis 35:6

Jakop aɗi ele ag gona gona, aab onig Lus, onig laa Betel, Kanan wanppa daatte ele, ag amuppa teppig.

Genesis 35:14

Attan te amu, Jakop nug Betel appa, Kayak nug amegppa nai mattiomppa men, at daakkunu, nug men qappe dayeye, nug wain gokkaɗaknu ofa daakkunu wain men qaɗeppa gokkaɗa, goɗen ele gokkaɗom.

Genesis 35:15

Gokkaɗowa, nug aben amu, appa Kayak nug amegppa nai mattiom amu, nug aben amu onig Betel ataɗom.

Josua 8:12

Matu tuqanppa amu, Josua nug daup 5,000 ag gona, Betel, Ai ele gamalahppa, aab okkai Ainu laih qaban uɗitteppanu appa lokkumna daappeg, haen beeb ban hekkulagnu maatte goppig.

Josua 18:13

Appanu amu, tom eɗua yau uɗitteppanu ukka, Lus waum; Lus onig laa am Betel. Amu appanu ukka Atarot Adar waum. Aria, tom nug Atarot Adarnu ukka, qauko nakok Bethoron Honapnu, yau uɗitteppanu, qauko amu igippa ta ukkom.

1 Samuel 7:16

Samuel nug aab onig Rama, appa dayom, amge maɗ oh nug Ramanu aha, Betel ukka, nakok dayowa aha, Gilgal ukka, nakok dayowa aha, Mispa ukka, nakok dayowa, appanu aha eɗua Rama gottom. Nug ukka, aab amu ohppa daya oiyaya, nug Israel dilag nai babaittom.

1 Samuel 10:3

Aria, aa na amenppa anam apeɗ amu, na tuɗidna gona, na aab onig Tabor, appa ad ok daatte, ad amuppa amu danab ewam, ag doɗ main, Kayak mettaglagnu, keeke laala ele mettaglagnu, ag Betel tekkulagnu gonana, ag na uɗan tekkulag. Laa nug meeme nakkud ewam diia ukkebeb, laa nug bret kunum ewam mawebeb, laa nug wain doɗ gaɗappa inak ele laippu mawebeb anadkkut.

Genesis 35:7

Appa tewona, Jakop nug qaɗab qa, nug aben amu onig El Betel ataɗom. Aɗinu? Anukka Jakop nug Esaunu baɗa oola ugekke, Kayak Nug aben amuppa Jakop gumitta ne anttom.

Josua 16:2

Betel, onig laa Lus, appanu tom amu ukka, Atarot waum. Atarot am Ark danab dilag wannu tomppa dayom.

Ikki Danab 20:26

Anam heeg, Israel oh ag eɗun, Betel tena, ag Yawe noobppa gaanna, ag ee ohnu kud mena daaeg ukke, uudoum. Ag manaknu ofa Yawe mettana, amu ag laippu dayaknu ofa ele Nug mettana,

2 King 2:2

Aa digmeya goyaya, Elaiya nug Elisa amegppa aum. “Na inam daye! Aɗinu? Yawe Nug da Betel gokkulnu aum,” awa aum. Nug anam aum, amge Elisa nug aha, inam amegppa aum. “Yawe Nug genab bau daatte, na ele genab bau daattem, genab amubia, da na ii uuidpa,” awa aum. Awa a, aakku aa oh Betel gopiɗ.

2 Stori 13:19

Abaiya nug nuhikkud daup ele ag Jeroboam nuhikkud daup ele lamadna, tuɗidna ban henana, ag aab Betel, Jesana, Epron ele, amu aab naunau aab okkai amu talilidna daatteb ele Jeroboam eppegppanu aoeg, Abaiyanu daappig.