Biblia Todo Logo
Bib sou entènèt

- Piblisite -




Genesis 25:21 - Nobonob Baibel

21 Aisak wau Rebeka nug nid iitta, nug ah mattoi amunu, Aisak nug Yawe amegppa amunu unuqitte, Yawe Nug he, Rebeka nug oo ele oiyom.

Gade chapit la Kopi




Genesis 25:21
24 Referans Kwoze  

Da king oɗ medakkulnu uɗal neum amunu, ig ee ohnu kud meta daat, ig Kayak ibppa ehanikkunu unuqittut, Nug ig oɗenig doyom.


Oo baɗom amge engel nug Sekaraia amegppa aum. “Na aib baɗame. Unuqittak nahip amu, Kayak Nug aakku doyom. Na waat Elisabet nug geha nid danab menueb, na nid onig Jon ataɗkkut.


Ag anam hena, ag geha Yawe onigppa eppeg amu, Nug ag oɗelagppa aokku. Yo, ag geha Nug onigppa ehanadkkunu eppeg amu, Nug ag oɗelagppa awa, “Da iikku daattem”, akku. Ag laa ɠagattag iitta ele eheɗ ii hattaglag dayeb, ag laa dilagnu, “Ag am nau, keeke hamu,” ii dooglag dayeb, ag naippa laa guittak ii mattaglag dayeb,


Haen nug Yawe unuqitte amu, Yawe Nug nuhig unuqittak doya, oo doye, Nug he, Asiria dilag king a, Manase nug eɗua Jerusalem ukka, bau eɗua Juda dilag king dayom. Amu oh beum amunu, Manase nug Yawe Nugib Kayak daatte doyom.


Ag ban henana, ag Kayak unuqidppig amunu, Nug ehanatte, ag Hagri danab, ahilag ehanattak ele eɗadppig. Ruben danab, Gad danab, amu Israel dilag huu okkai Manase huu mahaib amunu danab, danab amu ag Kayaknu oolagppa genab dooppig amunu, ag Nug unuqitteg, Nug ag ehanattom.


Haen amuppa amu, da nid imunu Yawe unuqidmi, amu Nug nid imu da meɗom


Amge aa nid iitta. Elisabet nug ah mattoi amunu aa hamu oiya, kaino mepiɗ.


Amu Yawe, Nug am Israel dilag Kayak Oppiaawak Ele, Nug he, Israel ag huu laippuppa daatteb, Nug kobol amunu inam ele atte. “Da butti aɗi dahilad nid dilagnu attem heppi amu, ag da amunu, ‘Amuam ena iitta. Na inam helom am ena,’ akkulagnu ib iitta. Ao, da dahilad nid dilagnu attem hettem amu, ‘Na inam he!’ akkulagnu ib iitta. ⌊Ag hekkulag dayeb amu ag hambuppun hekkulag.⌋


Nau hak danab nug aɗi keekenu baɗak okkai dootte amu, keeke amu aakkuib nuhigppa bekku; amge Kayak Nug genab tutukku hak danab nug aɗi keekenu oo hette ele amu, Kayak Nug keeke amu aakku nug medakku.


Na da onilppa eppe amu, da geha ewak nahip nob mekkul. Na uugppa daappe amu, da geha na ele daagnih. Da geha na ehanidppi, na qagaiettakppa ii daamna, da na binan okkai ele medakkul.


amge Sarai nug am ah mattoi, nug nid menukkunu elele iitta.


Danab ag Yawenu dabmenana, nuhignu ebehilag oh bodoetta le mette ele amu, Yawe Nug danab amu aɗi keekenu oolag hette am madatte. Ao, Yawe Nug danab amunu unuqittak doya, nug ehanatte, padal ii metteb.


Antte! Danab bekkod ag am danab mameg aug medatte bia Yawe eppegppanu uɗitteb. Yo, bekkod amu ag am Yawe toppan keeke ena, nob iitta aakku.


O Kayak, na, laa iitta, na ihinig unuqittak doona, na ig ehanigttem ⌊amunu,⌋ danab ah oh ag geha nahip-ppa wakkulag.


Am inam bekku. Ag unuqiɗkkulagnu ii digmeppig haenppa da ehanadkkul. Ao, ag unuqiɗppeppeg doyen, ehanadkkul.


Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.


Hana nug unuqittatta, nug Yawe amegppa genabnab hekkunu nai anan qakka, inam aum. “O Yawe Nakka Ɠagattag Oh Ele, na nahip maɗi ah, da, na dahilnu dabmenana, da uug nau ele doottem amu, na amu ele dabmenana, na dahilnu daut ii atikku dayeb, na nid danab meɗappe amu, O Yawe, da nid amu, nug haen oh nahip daakkunu, da na medappi, danab laa nug nid amu ikki uɗug iinab otaɗma,” awa aum.


Elkana nug ah aɗit diiatom. Ah laa onig Hana, amu ah laa onig Penina. Amu Penina nug nid menuattom, amge Hana nug ah mattoi, nug nid laa ii menuom.


amunu, nug Abram amegppa inam aum. “Na doottem, Yawe nug he, da ah mattoi daattem amunu, na goppe, maɗi ah dahil ele oiyya, nug nid dahil menukkutai.” Sarai nug anam aum amunu, Abram nug Sarai oɗe doyom.


Hana nug anam a, Eli doya, nug nob ma aum. “Na ahan, na oot maɗoɗ ele ukke! Amu Kayak, Israel dilag Kayak, Nug na aɗi keeke Nug unuqidme amu, Nug amu na medakkunu ool daatte,” awa aum.


Aria dimppa, Kayak Nug Rahelnu dabmak awa, unuqittak nuhig ele doya, Nug he, Rahel nug nid menukkunu elele dayom.


Swiv nou:

Piblisite


Piblisite