Genesis 24:63 - Nobonob Baibel

⁶³ Deɗ laa tueb Aisak nug ukka, dad okkaippa dabmak unuqag aokkunu oiyaya, nug neekke ukke, kamel anattom.

Genesis 24:63 Referans Kwoze

Sam 119:15

Da nahip oo yaak nai ɗo bianu dabmak unuqag awen daattem. Ao, da na ib attem tappan gottem ele amu, da amunu ele dabmettem.

Sam 104:34

Haen da Yawenu ool gamag ahehe, da keeke laalanu dabmak unuqag awewe daattem amu, Nug dahil dabmak amunu ena, elele dookkunu ool daatte.

Sam 1:2

Nug Yawenu ɗonu oo huana heehe, dim lamidtte. Nug ɗo amunu tuqan, amun ele dabmak unuqag awawa daatte.

Josua 1:8

Na haen oh Ɗo Nai Buk imu ebqena autna awe! Na keeke oh ɗo yaak imuppa tutukku elele dim lamidkkutnu elele daakkutnu, na tuqan, amun ele ippunidtte, na amunu dabmak unuqag aonna daye! Aɗinu? Na anam hekkut dayeb amu, na aɗi aɗi hekkut amu, na heppe, ena beeb, na doyak dabmak ena ele aɗan oikkut.

Sam 145:5

Na am king dagom onig ɠagattag okkai naɗi ele, amu da amunu dabmak unuqag awewe daakkul. Ao, da na uɗat okkai oh ena ena hemenu dabmak unuqag awewe daakkul.

Sam 119:48

Da, da nahip ɗonu ool mauhtte amu, da ɗo amu oh binag mettem. Da nahip ɗonu dabmak unuqag awewe daattem.

Sam 119:27

Da nahip kobol danab hekkunu elele iitta, da amunu dabmak unuqag awewe daakkulnu amu, na ehaniɗna heppe, da nahip oo yaak nai ɗo bia, da nai amunu meu dooppi ool maidkkunu oɗ medattem.

Genesis 18:2

nug neekke ukke, danab ewam ag nakok piɗe bia hippaidna daaegeg anattom. Anatta amu, nug uɗalag tekkunu nug aha, qaiqaɗ gukkuatta ukka, ag noolagppa gateg qaun o, gomela auta awa, iɗu wanppa meum.

Genesis 24:64

Rebeka ele nug neekka, Aisak antta, nug kamel attannu oola honap na,