Genesis 24:53 - Nobonob Baibel

⁵³ Nug anam ha, nug gol, silwa, amu lamen ele awa, Rebeka mettom. Mettowa, nug keeke laala ahilag nob okkai ele amu awa, Rebeka anig, awag ele matom.

Genesis 24:53 Referans Kwoze

Genesis 24:22

Kamel ag le lana malaeg, danab nug gagah laippu, amu enag eppelag baagppanu aɗit ele, keeke amu oh amu golppa hak, amu uug ahilag am 115 gram, nug amu awa, Rebeka mettom.

Genesis 24:10

Aa anam heya maloya amu, maɗi nid nug Abrahamnu kamel eblaih tanig ele, keeke ena ena kuɗum laa elele diiatta, nug aha ukka ukka, nug Mesopatemia, Nahor appagppa ukkom. Abraham Nahor ele, aa am eamag.

Eksodas 12:35

Am Israel ag Moses aum bia, ag matu Isip danab ah gol balanu, silwa balanu, amu lamennu ele oɗ madappig.

Eksodas 11:2

⌊amunu,⌋ na gemu Israel danab ah oh, danabib iitta, ah ele, na ag oh amelagppa, ag Isip danab ah miag daatteb amu, ag ag gumadna gona, gol balanu, silwa balanu ele oɗ mattaglagnu appe doyeg!” awa aum.

Eksodas 3:22

Iitta. Ah ahilkad ag oh gona, Isip ah miag daatteb, amu Isip ah laala ele ag, ag laulkadppa daatteb amu, ag Israel ag Isip ah amu dilagnu lamennu, am bala iɗu iɗu, gol, silwa eleppa haknu oɗ madappeg, amu ag geha keeke amu ag mattaglag. Ag madappeg, ag geha keeke amu aon, ahilkad nid beɗulagppa mekkulag. Ag kobol amu hekkulag, amuppa amu, ag geha Isip dilag keeke huanak aoglag.” Kayak Nug anam aum.

Aisaia 39:2

Ag gona, Hesekaia toppa teeg, Hesekaia nug oo gamag ahe, humattom. Humatta, nuhig en maknu laugppan keeke oh ippuanattom. Keeke amuam silwa, gol, spais digdig ⌊spais am wanila, sinamon, keeke amubia⌋, goɗen enanag, amu nuhig ban haknu keeke oh ele. Keeke oh nuhig en lag anen anenppa dayom amu, nug ag ippuanattom. Keeke oh nuhig lag enanagnab, appa dayom, nuhig ɗo maɗoɗppa ele dayom amu, nug keeke amu oh ippuanattom. Nug keeke laippu laa ii lokkumom.

Solomonnu Ahi 4:13

Na am dad enanag, amuppa pomigranet ad, meu enanag otteb ele eppak daatteb bia daattem. Dad amuppa keeke muttuɗilkad enanag ele, aria spais ele eppak daatteb. Amuam henna, nad, nad diig laa, safron, kalamus, sinamon, mir, alo, ad frankinsens digdig ele. Aria spais enanag laala ele appa eppak daatteb.

Esra 1:6

Ag gokkulagnu dabmenan babaittegeg, ahilkad mudippan lailkad ag ehanadna, ag keeke silwa, gol eleppa hak, lamen keeke, doɗ, keeke daden maknu men doɗo okkai ele ahilag daakkunu, amu ɗo hamu mettaknu ofa hekkulagnu doɗ keeke ele ag madappig.

2 Stori 21:3

Amu Jehosapat nug ii mauhom haenppa, nug bekkod laa oh silwa, gol, en laala ele kuɗum ahilag daakkunu ag hamu matta, nug ag Juda dilag aab okkai ɠagattag aɗ ele, ag amu laala gumadkkulagnu maattom, amge Jehoram, nug nid danab tatamnu dayom amunu, Jehosapat nug Jehoram king daakkunu ehah nug mettom.

Solomonnu Ahi 1:10

Na dautppan bala am bid elab, bid amuam he, na hippen laih laih oh am neekkaknu enanagnab daattep; baatppa amu kalele, men daden nob okkainab eleppa hak daatte amunu, na baat ele am neekkak enanagnab.