Genesis 24:50 - Nobonob Baibel

⁵⁰ Maɗi nid nug anam a amu, Laban, Betuel ele aa apiɗ. “Yawe nukka keeke imu heum amunu, i nai laa akkunihnu am iitta.

Genesis 24:50 Referans Kwoze

Sam 118:23

Yawe Nug men amu he, men amu anuqaknab dayeye, ig amenigppa anidta, ig enanag doot, dabmak kuɗum aomut.

Genesis 31:24

Ag anam daaegeg, tuqan amuppa Kayak Nug tulppa Aram danab Laban amegppa aum. “Da na nau aomnanu dabmettak nai imu na amenppa attem. Na Jakopnu eheɗ laa aib heme,” awa aum.

Genesis 31:29

Da na eheɗ heidkkulnu elele, amge na mamennu Kayak Nug tuqan da amelppa aum. ‘Da na nau aomnanu dabmettak nai imu na amenppa attem. Na Jakopnu eheɗ laa aib heme,’ awa aum.

Mak 12:11

Naɗi Nug men amu he, men amu anuqaknab dayeye, ig amenigppa anidta, ig enanag doot, dabmak kuɗum aottem,’ ” awa aum.

2 Samuel 13:22

Amu Apsalom nug, nug Amnon amegppa nai ena nakok laa, o nai eheɗ nakok laa ii mattiom, amge nug Amnon he, nug appinag uɗa nak nau guittak ele doyaya oiyom dabmeum amunu, nug Amnonnu nau ninig ele doyom.

Aposel 11:17

Amu anukka tatam ig Naɗi Jesus Kristusnu oonigppa genab doomut amu, Kayak Nug nuhig Ouɗi ig mekkom, anamib gemu ag ele Kayak Nug ag mattom. Kayak hette amunu, da nuhig ib oo ii nepa.” Pita anam awa aum.

Matyu 21:42

Aeg amu, Jesus Nug amelagppa aum. “Ag Kayak naippa nai laa daatte amu, ag iite ebqeppig? Nai amuam inam. ‘Men laa, lag hak danab ag men amu uuppig, amge lag mameg nug men amu awa me, lagnu men anuqak daatte. Naɗi Nug men amu he, men amu anuqaknab dayeye, ig amenigppa anidta, ig enanag doot, dabmak kuɗum aottem.’

Genesis 24:55

Nug anam aum, amge Rebeka anig, awag ele aa apiɗ. “I oonih anam ii daatte. Rebeka nug i ele deɗ 10 keeke dayeb, dimppa aon gokkutnu oonih daatte,” aoya apiɗ.

Genesis 24:53

Nug anam ha, nug gol, silwa, amu lamen ele awa, Rebeka mettom. Mettowa, nug keeke laala ahilag nob okkai ele amu awa, Rebeka anig, awag ele matom.

Genesis 24:28

Nug ana male, Rebeka nug laippun nug anig laugppa ukka, keeke amu ohnu mattiom.

Genesis 24:15

Aria, maɗi nid amu nug anam unuqittette, Rebeka nug hanak gugappa mawa neum. Nug Betuel aɗeg. Betuel anig Milkah amu, nug Nahor wau. Abraham, Nahor ele am eamag.

Genesis 24:60

Amu tatam ag Rebeka itidyaya apiɗ. “O lai ihinih, na buɗunad ag kuɗumnab bekkulagnu oonih daatte. Ao, na buɗunad ag kekeɗ ahilag ele tabappeg noob, ahilag keeke aoglagnu oonih daatte,” aoya apiɗ.

Genesis 24:51

I Rebeka, nahip okkai Abraham bekka Aisak wau daakkunu, Yawe aum bia medattep. Na aon ukke!” aoya apiɗ.

1 King 12:15

King Rehoboam nug anam aum amunu, nug danab ah, ahilag oo hak, ag amunu nug amegppa appig amu, nug ahilag nai amu ii dabmeum; dim ii lamittom. Amu beumnu diig am, Yawe Nug nukka he, King Rehoboam nug danab ah appig amu oɗelag dim ii lamittom. Aɗinu? Yawe Nug Nebat bekka Jeroboam amegppa nai aum, nai amu heeb, meu bekkunu heum. Anukka Yawe Nug Silonu propet Ahaiya amegppa Jeroboamnu a, Ahaiya ukka Jeroboam amegppa aum.

1 King 12:24

‘Yawe, Nug inam atte. “Ag gona, Israel ele ban aib heppig. Ag oh tiig laippu amunu, ag anam ii hemana. Iitta. Ag oh eɗun, appalagppa ukkeg! Aɗinu? Da dakka ai, Israel ag oppatna, ag uuadna, laa daatteb,” ’ ” awa aum. Semaia nug Yawenu nai amu doya, Rehoboam, danab nug ele daappig oh ele amelagppa anam aum amunu, ag Yawenu haknunab nai amu dim lamidna, ag oh eɗun, appalagppa goppig.