Genesis 24:42 - Nobonob Baibel

⁴² Aria, gemu haen da le moɗppa uɗien dayeye amu, da Yawe unuqidmi. ‘O Yawe, danab okkai dahil Abrahamnu Kayak, na ehaniɗppe, oiyak imu da aakku hemi ele amu, nuhig meu pehettak bekkunu oɗ medattem.

Genesis 24:42 Referans Kwoze

Nehemaia 1:11

O Naɗi, da am nahip maɗi nid daattem, laa ele ag na oninnu ebehilag oh bodoetta le mekkunu enanagnab doon, ag nahipad maɗi nid daatteb, ag amu, da gemu, na ig oh, ihinig unuqittak imu dookkutnu oɗ medattem. Gemu da king noobppa daakkul amu, haen amuppa na heppe, king nug dahilnu ena dookkunu oɗ medattem.” Da anam unuqidmi, amu haen amuppa da kingnu wain mettak danab daami.

Rom 1:10

Da haen oh unuqittak dahilppa ag onilag diie, Kayaknu dabmaknab awak am inam daatte dayeb amu, da ahilagppa gemu gokkulnu ib laa ha meɗakkunu haen oh Nug oɗ medattem.

Sam 90:17

Naɗi, na ihinig Kayak, nahip itittak ena ihinigppa daakkunu oɗ medattem. Ao, ig aɗi keeke oh hettem, amuppa na ig ehanigppe, ihinig uɗat meu okkunu unuqidttem. Ge, ig aɗi keeke oh hettem, amuppa na ig ehanigna heppe, meu okkunu oɗ medattem.

Sam 37:5

Na wanppa bau daan oikkutnu keeke oh Yawe ulum medakkunu Nug eppegppa mee! Na nuhignu ootppa genab dooppe, Nug na ehanittatta, inam hekku.

Esra 8:21

Ido aɗi ag anam heeg, ig gokkunignu daamut ele, ig le ippu danab heeg, Ahawa gotte ele daugppa daatta, ig ihinig Kayak noobppa, ig ikka ig oninig qepput nekkunu, ig Nug ehanikkeb, ig, ig bekkankad ele, ig ihinig keeke maot, ig ibppa ena oignignu oɗ mettagnignu amu, da ig oh ee ohnu kud meta daat, ig Kayak unuqidkkunignu nai ag mattami.

Aposel 10:22

ag nug amegppa appig. “Kornilius, nug ban daup 100 dilag ikki daatte, nug he ig uɗimut! Nug am genab tutukku hak danab. Nug Kayaknu ebehi oh bodoetta le mette. Juda danab ah oh ag nuhignu ena elele dootteb. Amu Kayaknu engel oppiaawak laa na, Kornilius amegppa nahipnu, na Kornilius laugppa gona, na nai laala appe nug dookkunu aum amunu nug he, ig uɗimut,” aon appig.

Genesis 39:3

Potipar nug Yawe Josep ele daapiɗ, nug amu anttowa, nug Josep aɗi heum am enaib beeg ele anttowa amu,

Genesis 24:31

“O naɗi, Yawe na itittom daatte. Na ippa daakkutnu amu, da ool ii daatte. Da laul na daakkutnu babaitten, amu kamel ag daaglagnu aben ele bapaidmi amunu, ahappe goɗu!” awa aum.

Genesis 24:11

Ukka te, deɗ amuppa tueb meeme, nug aab beeppa, le itak abenppa ta dayaya, nug he, kamel heɗep nena daappig. Tueb amu ah le awak haen.

Genesis 24:27

“Ig Yawe onig humagnig. Nug am danab okkai dahil Abrahamnu Kayak. Nug Abrahamnu oo mauhaknab kobol, amu Nug oo metta ii uuak kobol ele nuhignu dim lamidtte. Nug da ele ehaniɗom amunu, da Abrahamnu tiig laippu laugppa tutukku uɗimi,” awa aum.

1 Samuel 9:6

Saul nug anam aum, amge maɗi nid nug aum. “Antte! Aab imuppa Kayaknu danab laa daatte; danab oh ag nuhignu ena elelenab dootteb. Nug aɗi atte amu, keeke amuam genab bette amunu, i goɗa, nug donkinu oɗ mettagnih. I nug oɗ medapuɗ, nug ag adeppa daatteb ab doognihtai,” awa aum.