Genesis 24:21 - Nobonob Baibel

²¹ Nug anam heehe, maɗi nid nug dabmettatta, neekkitta dayom. Aɗinu? Yawe he, uɗat nuhig meu elele bettetai, amu anidkkunu heum.

Genesis 24:21 Referans Kwoze

Sam 107:43

Amu danab doyak dabmak ena ele ag keeke amu oh Yawe hettenu dabmetteb. Ao, ag Yawenu oo mauhaknab kobolnu ele dabmettaglag!

Genesis 24:12

Maɗi nid nug anam dayaya, nug Yawe inam unuqittom. “O Yawe, na dahil okkainu Kayak, na da ehaniɗkkutnu, na dahil okkai Abrahamnu oo mauhaknab ele dookkutnu ool daatte.

Luk 2:51

Aria, Jesus Nug aa ele eɗun, Nasaret gona, Nug aa oɗelah dim lamittette, anig nug keeke amu ohnu ooppa me dayeye, dabmaama dayom.

Luk 2:19

Amge Maria nug nai amu ooppa me dayeye, dabmettom.

Sam 107:15

Heppeg, ag Yawe amegppa nuhig oo mauhaknab kobolnu, “Ena heme,” aig! Ao, ag Nug keeke ena ena oh danab nuhikkud dilag hettenu ele anam aig!

Sam 107:8

Heppeg, ag Yawe amegppa nuhig oo mauhaknab kobolnu, “Ena heme,” aig! Ao, ag Nug keeke ena ena oh danab nuhikkud dilag hettenu ele anam aig!

Sam 107:1

Ag Yawe amegppa, “Ena heme,” aon aig! Aɗinu? Yawe Nug enaib dayaya, enaib ele hette. Laa amu, nuhig oo mauhaknab kobol hanhan alet daatte.

Genesis 24:56

Aa anam apiɗ, amge maɗi nid nug aum. “Aa aib da qakkiɗpiɗ. Yawe da ehaniɗeɗe, da uɗat hekkulnu uɗimi amu, elele hemi amunu, aa hepeɗ, da okkai dahil toppa gokkulnu ool daatte,” awa aum.

Genesis 24:20

Anam ana amu, nug paha le hanakppa dayom amu gokkaɗe, doɗ dilag tappiɗppa no, eɗua le moɗppa ukka, bau itom. Anam heehe, kamel oh le elele lappig.

Genesis 24:27

“Ig Yawe onig humagnig. Nug am danab okkai dahil Abrahamnu Kayak. Nug Abrahamnu oo mauhaknab kobol, amu Nug oo metta ii uuak kobol ele nuhignu dim lamidtte. Nug da ele ehaniɗom amunu, da Abrahamnu tiig laippu laugppa tutukku uɗimi,” awa aum.