Genesis 24:1 - Nobonob Baibel

¹ Amu haen Abraham nug wanppa oiyeye, Yawe Nug nuhig keeke ohnu itittom. Itittette amu, Abraham nug kaino meum.

Genesis 24:1 Referans Kwoze

Galesia 3:9

Amunu danab ag oolagppa genab dootteb ele, ag Abraham, nug am danab ooppa genab doyak ele, ag nug itittak ena awom bia aotteb.

Matyu 6:33

Amge tatam ag Kayaknu ɗo maɗoɗnu, amu genab tutukku kobol ele hekkulagnu anuqak dooppeg, geha Nug keeke amu oh ele ag madakku.

Prowerb 10:22

Yawenu itittak ena he, danab nug elelenab daatte; amuppa uug laa ii daatte.

Genesis 13:2

Haen amuppa nug enub kuɗumnab ele; nug doɗ kuɗum, silwa kuɗum, amu gol ele kuɗum.

Genesis 18:11

Amu Abraham, nug wau Sarah ele aa kaino meya malapiɗ, amu Sarah nug nid menukkunu elele iitta.

Epesus 1:3

Ig Kristusnu daattem amunu, Kayak Nug ig hab aabppanu itittak ena oh mekkom. Anam amunu, ig Nug, Nug am ihinig Naɗi Jesus Kristus Mameg amu, ig Nug binag metu!

Genesis 12:2

Amu da heppi, na buɗunad ag appatna, huu okkainab, ɠagattag ele daaglag. Da na itittak ena ele medakkul. Na onin okkai humappi, na laala itittak ena madakkut.

1 Timoti 4:8

Aɗinu? Beɗunig ehanittaknu kobol hak amu nakok ehanigtte, amge genab tutukku hak danab dayaknu ehanittaknu kobol hak, am keeke ohnu ehanigtte. Amuam ig gemu bau daattem amunu ehanigtte, amu bauklel dimppa aognig, amunu ele ehanigtte.

Aisaia 51:2

Ag ag mamelag Abraham neegna antteg! Ag Sarah, nug ag alalag ah tatamnu, nuhigppanu ag doppig amu, ag neegna nug atteg! Aɗinu? Da Abraham onigppa emi, haen amuppa amu nug nukka laippu dayom, amge da nug ititten hei, nug buɗub kuɗum beppig,” awa atte.

Luk 1:7

Amge aa nid iitta. Elisabet nug ah mattoi amunu aa hamu oiya, kaino mepiɗ.

1 King 1:1

Haen King Dawit nug kainonab ma dayom, haen amuppa amu, nug beɗu ulah qe, oug doyeye, nuhig maɗi nid ag haen oh palanget laidttappig, amge nug beɗu ii gakkaɗttom, iitta.

Genesis 49:25

Kayak, Nug da, Jakop, dahil Kayak, Nug na, Josep, Nug na ehanidtte. Ao, Laa Nukka Ɠagattag Oh Ele, Nug na itidtte. Josep, nahipnu amu, Kayak Nug na hab waappanu itittak ena na mettatta, gu medatte. Ao, Nug wan unuqagppanu itittak ena na mettatta he, nahip wanppa le qeppuɗia bette. Am genab, Nug itittak ena na mettatta he, na nid, doɗ ele kuɗum ele daattem.

Genesis 25:20

Aisak nug maɗ 40 dayaya, nug Betuel aɗeg Rebeka awom. Betuel nug Aram ted Mesopatemianu, amu nug bekka Laban, Rebeka awag, nug ele amu Aram ted.

Genesis 24:35

Yawe Nug dahil okkai Abraham keeke ohnu itittom amunu, nug enub kuɗum ele; sipsip, makau, kamel, donki, silwa, gol, maɗi nid maɗi ah ele.

Genesis 21:5

Abraham nug maɗ 100 dayeye, Sarah nug Aisak menuowa,

Genesis 26:12

Nug anam a, dimppa Aisak wan amuppa dayeye, Yawe nug itittom amunu, Aisak nug keeke laala eppa, maɗ amu ooppa nug eppomnu meu kuɗumnab awom.