Genesis 23:9 - Nobonob Baibel

⁹ nug men oɗe nuhig onig Makpela, oɗe amu nuhig wan daugppa daatte ele amu, da wan amu daden tutukku medakkulnu hettem amunu, ag nug amunu oɗ mettaglagnu oɗ madattem. Nug elele ab, da dahilad boumak aben ag oolagppa daakkunu daden medakkul,” awa aum.

Genesis 23:9 Referans Kwoze

Rom 13:8

Ag danab laanu lon aona amu, ag eɗun mekkulagnu haen anidna, ag aib uuppeg, hamu dayom. Ag daden meig! Laippuib, ag laa dilagnu oo mauhak kobol heppeg, elele mekkunu elele iitta amunu, ag amu hekkulagnu haen oh dabmetteg! Aɗinu? Aun nug kobol anam dim lamidtte amu, nug ɗo oh elele medatte.

Rom 12:17

Amu laa ag ahilagppa eheɗ laa heppeg, ag aib nob nau mattana, amu dilagppa eheɗ heppig. Ag danab oh amelagppa kobol enappa oiglagnu dabmak aweg!

Genesis 23:4

“Da am aab diig danab iitta, da uɗien, ag oolagppa daattem; da wan laihnu danab amunu, da wan nakok laa imuppa ah dahil boumkkulnu daden mekkulnu ool daatte,” awa aum.

Genesis 23:8

nug ag amelagppa aum. “Ag da ah dahil boumkkulnu oolag dayeb amu, ag dahil nai doona, da oɗel aon, Sohar bekka onig Epron,

Genesis 23:10

Abraham anam a amu, Epron, nug Hit danab oolagppa dayeye, Hit danab ag aab okkainu aɗnu odppa daappig ele amu, ag daulag human daaegeg, Epron nug Abraham oɗeppa awa aum.

Genesis 49:29

Jakop nug bekkod itatta mala amu, nug ⌊baula⌋ aum. “Anukka Abraham nug wan laa, men oɗe ele, Hit danab Epron, nuhigppanu daden meum. Wan amu onig Makpela, Kanan wanppa Mamre guguittak daatte. Ag Abraham, nug wau Sarah ele, amu Aisak, nug wau Rebeka ele appa boumadppig. Da waal Lea ele appa boummi. Amu gemu da mauhkkul hettem amunu, da ele appa boumiɗkkulag. Abraham nug wan amu, men oɗe ele Hit danab, nuhigppan awom,” awa aum. Jakop Nug anam awowa amu, nug eɗua, nuhig niiak abenppa niiaya, nug mauhom.

Genesis 50:13

Ag nug gaɗa maon Kanan wanppa gona, ag appa wan onig Makpela, Mamre guguittak, men oɗeppa boumppig. Abraham nug men oɗe amu, wan dayomppa ele Hit danab onig Epron, nuhigppanu boumak aben daakkunu awom.

1 Stori 21:22

Arauna nug anam he, Dawit nug amegppa aum. “Da laa ee aeg mumuɗaknu aben imu daden mekkunu oo heeb, na nug wan imu aokkunu noob elelenab medakkunu dabmenan appe, da men doɗo amunab ee aeg mumuɗak aben imu daden mekkulnu medakkulnu oɗ medattem. Da anam hewoya, da oɗe nau danab kuɗum aqe mauhtteb ele iitta mekkunu ippa Yawenu qaɗab laa hekkul,” awa aum.

1 Stori 21:24

Arauna nug anam aum, amge King Dawit nug nob ma aum. “Iitta! Da men doɗo elelenabppa daden mekkulnunab doottem! Aɗinu? Da nahip keeke hamu awen, Nug ii medapa. Laa ele, da doɗ da ii daden memi amu, da doɗ amuppa manaknu ofa, Yawe, dahil Kayak, ii medapa. Iittanab! Da daden mewoya, da manen medakkul,” awa aum.