Genesis 22:13 - Nobonob Baibel

¹³ Engel anam a, Abraham eɗua neekke ukke, sipsip dawai qeqeɗi ad eppegppa aolak dayeye antta awa, manaknu ofa daakkunu mana, Kayak mettom. Sipsip amu nug Aisak ou dayaya, abenab awom.

Genesis 22:13 Referans Kwoze

1 Korint 10:13

Eheɗ haknu eeɗak laanab ag beɗulagppa ii bette. Iitta. Danab oh aotteb amuib. Amu Kayak Nug hanhan ehanigkkunu oo metta ii uuak kobol dim lamidtte amu, Nug eheɗ haknu eeɗak haenppa ele ehanigkku. Eheɗ haknu eeɗak amu na eɗidmanu Kayak Nug na ehanitta, eheɗ haknu eeɗak okkainab, na eɗidkkunu elele, amu bemanu amu Nug aib akku. Ge! Haen na eheɗ haknu eeɗak aottem ele amu, haen amunab Nug na eheɗ haknu eeɗak waappa daamnanu ɠagattag medakku, amu amuppa Nug eeɗak amu eɗidkkunu ib medakku.

Aisaia 30:21

Ag oippeppeg, ag dimulagppa baag laa ag ib attem aon gokkulagnu ippunadkkunu, “Ib iikku, aakkud ukkeg!” ab dooglag. Aɗinu? Ag oinna, ag ib naɗiap-ppa gokkulagnu daatteb dayeb amu, ag baag doon, naɗiap-ppa gokkulag. O ag ib nanehppa gokkulagnu daatteb dayeb amu, ag baag doon, nanehppa gokkulag.

Genesis 22:8

Aisak anam a amu, Abraham nug aum. “O mam, Kayak Nug nukka Nug manaknu ofa, Nug amunu sipsip nag metakku,” awa aum. Nug anam awa a amu, aa gopiɗ.

Genesis 22:12

Abraham anam a amu, engel nug amegppa aum. “Na nid aib yaappe mauhom. Na keeke eheɗ laa ele nuhigppa aib heme. Aɗinu? Na nid nahip laippunab genab meɗame amunu, da geha iikku na da, Kayak, na dahilnu ebehin oh bodoetta le mette amu, da doottem,” awa aum.

Genesis 22:14

Kayak Nug anam heum amunu, Abraham nug aben amu onig Yawe Yaira ataɗom. ⌊Nai amu eɗuak am, “Uug ihinig aɗi daakku amu, Yawe Nug ehanigkku.”⌋ Gemu, ⌊nai imu yaak haenppa⌋ ele ag atteb, “Yawenu qaukoppa Nug ehanigkku.”