Genesis 21:20 - Nobonob Baibel

²⁰ Aria, Kayak Nug nid amu ele daayya, nug ena ma, atu taɗak amuppa dayaya, nug danab lat doɗo ewa doya auta autanab awak ele oiyom.

Genesis 21:20 Referans Kwoze

Genesis 28:15

Da na ele daaɗa, na adeppa gokkut amu, da na gumidkkul. Da heppi, na eɗun wan imuppa uɗikkut. Aɗinu? Da na ii uuidpa. Da na ele daaɗa, keeke oh nahipnu hekkulnu nai ain qakkami amu, da hekkul,” awa aum.

Genesis 39:21

haen amu ele Yawe nug Josep ele daapiɗ. Nug nug ele daayya, Yawe Nug Josepnu oo bodoettak kobol nuhig dim lamitta he, maniguittak gumak ikki danab nug Josepnu ena doya, dabmettom.

Genesis 16:12

Na nid menuppe amu, nid danab amu nug danab laa waappa ii daama. Iitta. Nug danab laa oh dilag kekeɗ daakku. Amu ag ele nuhig kekeɗ daaglag. Anam amu, nid amu nug tiig laippu ele, nug ag ele kekeɗ daaglag,” awa aum.

Luk 1:80

Aria, dimppa nid nug ena meeme, Kayak Ouɗi Nug ehanittom. Ehanittette, nug atu taɗakppa dayaya, dimppa Israel amelagppa Kayak nai digma mehuqom.

Ikki Danab 6:12

Nug anam heehe, Yawenu engel nug gumitta noa aum. “Yawe Nug na, na ban danab ɠagattag okkai ele, Nug na ele daattep!” awa aum.

Genesis 25:27

Dimppa aa ena meya, Esau nug hikan danab dayom. Nug dad okkaippa oiyom, amge Jakop nug toetta dayak danab; nug ag daappigppa dayom.

Genesis 17:20

Aria, na Ismaelnu ame amu, na ame am da doomi. Da nug ele itidkkul. Da heppi, nug buɗub elab bekku. Danab okkai 12 nug buɗub ooppa bekkulag, amu nug buɗupud ag appatna, huu okkainab, ɠagattag ele daaglag.

Genesis 10:9

Keeke laa amu, nug Yawe noobppa hikan danab okkai dayom amunu, haen amu dimppa ag danab laippu laippu dilag inam adappig. “Nug amu, nug Yawe noobppa hikan danab okkai, Nimrot bia,” aon adappig.

Genesis 27:3

Amunu na nahip lat, lat doɗo ele aon, doɗ dakkuɗ laa da lakkulnu dad okkaippa mattin anidna qena,

Luk 2:40

Gona daanna, nid ena ma, doyak dabmak ena okkainab awa, ɠagattag ele awe, Kayaknu ehanittak okkai hamu megatte amu, nuhigppa dayom.