Genesis 20:6 - Nobonob Baibel

⁶ Abimelek anam a amu, Kayak Nug tulppa eɗua, nug amegppa aum. “Da doottem, na keeke imu heme, amge na doonna ii hee, na beɗunppa aab iitta amunu, da hei, na dahilppa hipunin ii heme. Da hei, na nug ele ii oipiɗ.

Genesis 20:6 Referans Kwoze

1 Samuel 25:34

Aɗinu? Yawe, Israel dilag Kayak, Nug he, da nahipnu eheɗ laa ii hemi amu, Nug genab bau daatte, genab amubia na paha uɗin, da uɗal ii telom amu, da Nabal, nug baekkudppan nid danab, nuhikkud maɗi nid, ag bekkalkad ele ohnab aqalom. Ao, gemu digmak ukkeb, wagɗeb butti buttua batak, da ag oh aqappi mauhlob.” Dawit nug anam aum.

1 Samuel 25:26

Amu O naɗi, Yawe Nug nahip ib oo ne, na nakka, na eppenppa laa nob nau ii mettan qee mauhom amu, Yawe Nug genab bau daatte, na ele genab bau daattem, genab amubia Yawe Nug heeb, nahip kekeɗ laa oh ag eheɗ heidkkulagnu hetteb ele amu, ag Nabal, ⌊gemu laa dilag neekkakppa nauib daatte,⌋ ag anamib daaglagnu ool daatte.

Prowerb 21:1

King nug Yawe eppegppa daatte, amuam lenag bia. Ao, Nug le ippu adeppa gokkunu he, le gotte bia, Nug kingnu dabmak attem bekkunu he bette.

Genesis 35:5

Jakop anam he, ag ahan Betel ukkaegeg, Kayak Nug he, appan danab ag baɗak eheɗ nau doon, ag Jakop aɗi ele ban ii heppig.

Genesis 31:7

amge nug dahilnu hambuppuak kobol ha, dahil uɗat nob haen kuɗum baoliom. Anam aakku, amge Kayak Nug he, Laban nug dahilnu kobol eheɗ laa ii heum.

2 Tesalonaika 2:7

Ɗo ii dim lamittak kobol amu gemu uɗia lokkumak haaha daatte, amge ɗo ii dim lamittak kobol okkai memanu, laa nug ib oo nette ele amu, nug anam heebeb ukkeb, laa nug heeb, ib oo nak amu iitta meeb amu, ɗo tappe nak kobol am okkai mekku.

Sam 84:11

Aɗinu? Yawe Kayak Nug am ihinig amahlak, guppiɗ ele daatte. Nug ii helo bia me, Nug ehanittak kobol dim lamidttatta, Nug binag okkai ele megatte. Yawe Nug danab ah nuhikkud ag nuhig neekkakppa oolagppa kaliak laa iitta ele amu, Nug ag keeke ena ena oh madatte.

Eksodas 34:24

Amu geha da heppi, ag Israel, ag danab ah huu laala, ag gemu wan da ag Israel madattemppa daatteb, ag ag lamadppeg, da wan amunu tom okkai ag Israel madakkul. Amu ag maɗ ohppa haen ewam, ag da Yawe, ahilag Kayak, ag da noolppa uɗiglag amu, haen amuppa da heppi, danab laa ag ahilag wan aoglagnu ii dabmemana.

2 Korint 6:17

Nug anam aum, amu Nug baula ele aum. “Anam amunu, ag ahan hipunin danab uuadna, ag gona, aben laih piɗe daaglag. Ag keeke Kayaknu neekkakppa dubuttid ele aib aɗappig. Am ag anam heppeg, geha da dakka ag diiatten,

Sam 81:12

Amunu da ag uuatti, ag oɗe dim lamidmananu dabmak ahilag ɠagattag eppe daatteb. Ao, da ag uuatti, ag akka ag aɗi aɗi dooppig amu, ag amuib dim lamidkkulagnu daatteb.

Sam 51:4

Da hipunin na, nahip-ppanab hemi. Ge, da nahip neekkakppa eheɗ hemi. ⌊Amu genab, da hipunin laa dilagppa hein, ahilagnu eheɗ hemi, amge diigppanab⌋ da hipunin nahip-ppa hemi. Ge, da nahip neekkakppa eheɗ hemi. Da hipunin hemi amunu, na Kayak, haen na dahilnu, “Na hipunin heme,” attem am, na tutukkuib attem. Yo, haen na da hettoɗiakppa meiɗna, na kobol tutukkuib hettem.

Genesis 39:9

Nug laugppa amu, danab laa da ii eɗiltte. Dahil okkai nug nuhig keeke oh da eppelppa meum. Keeke laippuib nug da eppelppa ii meum amu, am naib. Aɗinu? Na am nug wau amunu, attemun da hipunin imu Kayak nuhigppa hekkul?” awa aum. Josep nug anam aum, amge ah nug hanhan Josep amegppa niiglahnu attom.

2 Tesalonaika 2:11

Ag doyak diig genabib uuppig amunu,, Kayak Nug heeb, laa nug hambuppualatta aut autanab aweb, ag hambuppuak amu oolagppa genab dooglag.

1 Korint 7:1

Gemu da nai imuppa ag ad uɗug meeg, dahilppa doum amu, da iikku nob mettem. Danab laa nug ewau matulak ii awak daakku dayeb, amuam nai iitta.

Lewitikas 6:2

“Laa nug Yawe ippunittomnu oo metta ii uuak kobol ii dim lamitta, hipunin imu laa qekkutai: Nug laa dilag keeke, nug atognotte ele, nug amunu hambuppuak laa hekkutai, o nug aɗi laa hekkunu ana nai qakkom, nug amunu hambubukkutai, o nug keeke laa yab aokkutai, o nug laanu keeke nai mattiak nauppa, o ib eheɗ laappa aokkutai.

Genesis 26:11

Abimelek anam anan amu, nug ɗo ɠagattag inam meum. “Danab laa nug kobol eheɗ laa Aisak, wau ele dilahppa hekku amu, nug mauhkkuoittenab,” awa aum.

Genesis 3:3

amge Kayak Nug ad laippu, dad imu gamagppanab daatte umu, nuhig meunu amu, Nug i amenihppa inam aum. ‘Aa aib lapiɗ, aib aɗapiɗ. Aa lakkulah dayeb, aa mauhkkulah.’ Kayak Nug anam i amenihppa aum,” awa aum.

Matyu 27:19

Pailat nug anam oɗ matta, nug hettoɗiak abenppa dayeye, nug wau nai inam me uɗiom. “Danab beɗuppa aab iitta amunu amu, na nuhigppa keeke laa aib heme. Da gemu nuhignu tul niimi, amu da uug, guittak ele huanak doomi,” awa aum.

Genesis 31:24

Ag anam daaegeg, tuqan amuppa Kayak Nug tulppa Aram danab Laban amegppa aum. “Da na nau aomnanu dabmettak nai imu na amenppa attem. Na Jakopnu eheɗ laa aib heme,” awa aum.

Prowerb 6:29

Amubia, danab aun laa nug danab laa wau ele niiglah amu, nug guittak aokku; nug geha amunu nob nau aokku.