Genesis 20:5 - Nobonob Baibel

⁵ Ah gamu nug ahnu, ‘Nug am da appinal,’ aum, amu ah nug danabnu ele, ‘Nug am da awal,’ aum. Da heinne, beɗulppa aab iitta doomi,” awa aum.

Genesis 20:5 Referans Kwoze

Sam 7:8

Yawe, na ⌊nai doya mala hettoɗia epeɗia elele mettak kobol dim lamidnana,⌋ wanppan danab ah oh ⌊ib amuppa⌋ epeɗiadkkutnu oɗ medattem. O Yawe, da am genab tutukku hak dim lamitten oittem, na amu anidna, na ⌊nai doya mala hettoɗia epeɗia elele mettak kobol dim lamidna, ib amuppa⌋ da epeɗilkkutnu oɗ medattem. Ao, da kobol tutukku hemi, amu O Kayak Attannab Laa Oh Eɗattak, na amu anidna, na ⌊nai doya mala hettoɗia epeɗia elele mettak kobol dim lamidna,⌋ epeɗilkkutnu unuqidttem.

1 King 9:4

Amu Solomon, nahipnu amu, na da noolppa dabmak oiyak ele tutukkuib dayaknu kobolppa, na genab tutukku hak kobolppa ele na mamen Dawit heum bia oinna, na dahil haknunab anak oh, dahil ɗo iɗu iɗu ele na dim lamidkkut dayeb amu,

1 Timoti 1:13

Anukka da Kayaknu dabittak nai mattimi. Da danab nuhikkud eheɗ hadattami; da ele beɗuppa tak danab daami, amge Kayak Nug dahilnu oo gai-iitta doya oo meɗa ehaniɗom. Aɗinu? Da Jesusnu oolppa genab ii doyeye, da ool ele ii maittette, da eheɗ hemi.

1 Tesalonaika 2:10

Ag Tesalonaika daatteb ag oh ihinig hak ag oolagppa hemut, ag anidna, ihinig aɗi heehe anttomnu mattiak danab daatteb; Kayak ele anam daatte. Ig ag oolagppa genab dooppig ele, ig ag oolagppa oitta, ig oppiaawak daatta, genab tutukku hak kobol hetata, oonigppa kaliak laa iitta ele oimut.

2 Korint 1:12

Aria, ig keeke laanu maɗoɗppan gamag ahak doottem. Ihinig ooppan oiyak ippunittaknu ulum am keeke amuam genab ippunigtte. Keeke amuam inam. Ig wanppa oimut, gemu ele oittem amu, ig Kayaknu oppiaawak kobol amu nuhig hambuppuak iitta kobol ele aot oimut. Ig danab dabmakppa ii hemut. Iitta. Ig Kayaknu ehanittak okkai hamu megatte, ig amuppa hetata amu, ig ag Korint daatteb oolagppa huana hemut.

Daniel 6:22

Dahil Kayak Nug da eheɗ laa Nug noobppa ii hemi aniɗa, O king, da nahipnu ele eheɗ laa ii hemi ele anttom amunu, Nug he, nuhig engel laa uɗia he, laion ag oɗelag aahekkulagnu elele iitta daan, ag da laiɗkkulagnu elele iitta. Ag da guittak laa ii meɗappig,” awa aum.

Prowerb 20:7

Genab tutukku hak danab nug oiyaya, nug Kayaknu neekkakppa danab ooppa kaliak laa iitta ele daatte; nug ena anam heehe, nug bekkod aɗekkud ele nug dim lamidtteb amu, ag itittak ena aotteb.

Prowerb 11:3

Genab tutukku hak danab ag oolagppa dabmak oiyak ele tutukkuib dayaknu kobol dootteb, ag amuppa ulum aon oitteb; amge danab ag Yawe ippuanattom bia Nug dim lamidkkulagnu uun hetteb amu, ag hambuppuak hena, padal metteb.

Sam 78:72

Dawit nug Israel danab ah dilagnu oo unuqagppa dabmak tutukku aɗaɗa atognoattom. Ao, nug doyak ena ele omalattom.

Sam 73:13

⌊Anam amu, dabmak imu dahil dabmakppa beum. “Nau hak danab ag anam henan oitteb amge da,⌋ da hei, da ool am oppiak ele daatte amu, da genab hamu, meu iitta ele anam hemi. Ao, da kobol laa dubuttid ele hepanu, da dakka da awaitten oimi amu, da genab hamu, meu iitta ele anam hemi.

Sam 26:6

O Yawe, da kobol laa dubuttid ele hepanu, da dakka da awaitten oiyeye, da na noomppa dup noin binan mekkulnu da nahip qaɗab gukkuitten gottem.

Sam 25:21

Am da na amen mein daattem amunu, dabmak oiyak ele tutukkuib dim lamittak kobol, am genab tutukku hak kobol ele, aa hepeɗ, da ena daakkulnu oɗ medattem.

Sam 24:4

Amuam laa ag oolagppa oppiak ele, agib appa daaglag. Yo, amuam laa ag dottolag eppelagppa hoyadppig dilagnu dup noa binag mak kobol ii hetteb, agib appa daaglag. Ge, amuam laa ag hambuppuak nai laanu ag ahilag nai ɠagattag qena ana, ag nai amunu, “Am nai genab,” ii maditteb ele, agib appa daaglag.

Job 33:9

Na inam ame. ‘Da oolppa oppiak ele daattem. Oolppa hipunin laa ii daatte. Ge, da oppiaawak daaiyi, aab nakok laa da beɗulppa ii daatte.

1 Stori 29:17

O Kayak dahil, da doottem, na danab oolagppa attem attem daatte, ag oolag italttem. Amu na danab nug nuhig dabmak oiyak ele am tutukkuib anidna, na amunu ootppa ena doottem. Anam amu, keeke imu oh da na mettami amu, da oo qak iitta ele, da dabmak genab dim lamitten mettami. Laa amu, da danab nahipad ag ina daatteb amu, ag oo qak iitta ele keeke medappig, da amu ele antten, gamag ahak okkai doottem.

2 King 20:3

“O Yawe, na dahil hak imu dabmekkutnu oɗ medattem. Da na noomppa oo metta ii uuak kobol dim lamitte oiyeye, da meul ohppa na dim lamidkkulnu heine oiyeye, da amenppa kobol aɗi aɗi am ena, da amu dim lamidmi.” Hesekaia nug anam unuqittowa, nug huana gayom.

Josua 22:22

“Yawe Nug nukka aakkuib am Kayak! Yawe Nug nukka aakkuib am Kayak! Ig Yawe waappa daagnignu uut, nuhig nai tabapput nekkunu qaɗab imu ii hemut. Ag ig genab Yawe waappa daat, nuhig nai tabapput nekkunu hemut anigtteb dayeb amu, ag gemu ig iqappeg mauhtu! Amge anam iitta. Yawe Nug ig Nug dimettata, kayak laa dim lamidkkunignu ikka ihinignu qaɗab imu ii hemut dootte. Nug dootte amu, ig ag Israel laa oh ele amu dooglagnu oonig daatte. Ig qaɗab amu hemut, amge ig manaknu ofa, o ee aegnu ofa, o laippu dayaknu ofa amuppa ii hemata. Yawe Nug neekka, ig kobol laa amu hekkunignu hemut anigkku dayeb amu, Nug ig bu megakkunu oonig daatte, amge anam iitta.

Genesis 12:13

Anam amunu, na inam appe dooglag. ‘Abram nug am da awal,’ aon akkut. Na anam akkut, amu dimppa ag nahipnu hena, dahilppa kobol eheɗ ii hemana. Da heppeg ii mauhpa,” awa aum.

Genesis 20:13

Da aomi, amu dimppa Kayak a, da aben laih gokkulnu ahami amu, haen amuppa da Sarah amegppa inam ami. ‘Na dahilnu oo mauhak doottem dayeb amu, na amunu ib inamppa ippuniɗkkutnu oɗ medattem. I oiɗɗa, na aben ohppa dahilnu inam akkut. “Nug am da awal.” ’ ” Abraham nug anam aum.

Genesis 20:16

Aria, Abimelek eɗua Sarah amegppa aum. “Danab ah nahipad ag nahipnu dabmak eheɗ aoglagtai. Amunu amu, da amu bappaidkkulnu 11.5 kilogram silwa na awan medattem. Da danab ah oh ag na beɗunppa aab laa ii daatte dooglagnu ool daatte. Danab ah oh ag na beɗuppa aab iitta anidkkulagnu ool daatte,” awa aum.

Sam 7:9

O Kayak, na genab tutukku hak kobolib dim lamidttem, na danab ah dilag dabmak unuqagnab daatte, na amu neegna anidttem. O Kayak, na heppe, nau hak danab, ag laa guittak nau mauhnoak madatteb, ag amu uuglagnu, na laa oh ag na oɗen dootteb ele, na ag ehanadkkutnu oɗ medattem.