Genesis 20:1 - Nobonob Baibel

¹ Dimppa Abraham nug dayomppanu aha, wan atu onig Negeb ukka, aab aɗit onilah Kades, Sur ele gamalahppa oiyom. Oiya ukke, deɗ laa aab laa onig Gerar, appa nug wau ele goya, aben amuppa daapiɗ.

Genesis 20:1 Referans Kwoze

Genesis 26:6

Nug anam a amu, Aisak nug Gerar appa dayom.

Genesis 26:1

Anukka Abraham nug wan amuppa oiyeye amu, enug haen beum. Aria, Aisaknu haenppa amu, enug haen baula be, amu Aisak nug Abimelek toppa ukkom. Abimelek nug Pilistia dilag king; Gerar aabppa dayom.

Sam 29:8

Yawe Nug baag oqottinu ɠagattagppa he, atu taɗak uɗaltte. Yo, Yawe Nug he, atu taɗak onig Kades uɗaltte.

Genesis 18:1

Amu Abraham nug Mamrenu ad ok gukkuattak dayeye, Yawe Nug gumitta neum. Haen amuppa Abraham nug aam anig nug peh lag nuhig odppa dayaya,

1 Samuel 15:7

Amu Saul, nuhikkud daup ele ag anam daaeg ukke, Saul a, ag oh ahan, banelag gona, ag Amalek danab aab onig Hawila, amu aab laa onig Sur, ag aab aɗit amu gamalahppa, aben amu ohppa Amalek danab aqadppig. Sur am Isip wannu tom guguittak dayom.

Duteronomi 32:51

Na Aron ele aa oh da ippunatminu oo metta ii uuak kobol ii dim lamidya, aa hipunin heeh, Israel danab ah aa anatppig. Aa kobol amu Meribanu leppa, Kades appa, Sin atu taɗakppa, aa appa hepiɗ. Aa da oppiaawak daattem amu, aa Israel danab ah ii ippunadpiɗ, ag da dim lamidkkulagnunab daatteb am ii hepiɗ,

Duteronomi 1:19

Yawe, ihinig Kayak, Nug ig anam hekkunignunab amenigppa a, ig Horep qauko uut, ahat yawaita, atu ag aakku anidppig ele amu, atu taɗak okkainab amuppa oit oit gomut. Danab nug atu taɗak amunu baɗak dookkunu elele. Ig atu taɗak amu oppat-ta gota, Amo dilag wanppa, laih qauko qauko eleppa tekkunignu teta, ig Kades Barnea temut.

Namba 20:16

Heikkegeg, ig amunu Yawe ehanigkkunu unuqittut, Nug doya, engel laa ig ehanikka, wan amuppanu awikka omaigkkunu me ne, nug awikka, omaikka uɗiom. Gemu amu, ig nahip wan tomppa, Kades aab okkai guguittak, haen tutu dayaknu aab kalakppa daattem.

Namba 13:26

Lokkumakppa atu italak danab ag Moses, Aron, amu Israel laa oh ele, ag Kades daaegeg, ag eɗun gona anadppig. Kades amu Paran atu taɗak, appa dayom. Ag eɗun gona, amu ag aɗi keeke anidppig Moses, Aron, amu Israel laa oh ele amelagppa madippig. Ag ad meu keeke, wan amuppanu aoppig ele ippunadppig.

Genesis 26:26

Aisak laih uppa dayeye, Abimelek, Ahusat, amu Pikol ele ag Gerarnu ahan, Aisak gumidna goppig. Ahusat nug Abimeleknu ulum mettak danab, amu Pikol nug am nuhig ban daup ikki anuqak.

Genesis 26:20

amge Gerar makau gumattak danab ag Aisaknu doɗ gumattak danab ele ag le amunu nug mehqak hena, Gerar danab ag appig. “Le imuam ihinig,” aon appig. Ag nai anam heppig amunu, Aisak nug le amu onig Esek ataɗom.

Genesis 24:62

Ag anam heegeg, amu Aisak nug Ber Lahai Roinu eɗua, Negeb ukkom. Aɗinu? Nug Negeb appa dayom.

Genesis 13:1

Paro nug Abram gokkunu anam a amu, Abram nug wau Sarai ele, Lot ele oh Isipnu ahan, Negeb goppig. Gonana amu, Abram nug nuhikkud keeke oh diia ukkom.

Genesis 10:19

ahilag wan tom gigin amu Saidon aabppa digma ukka ukka, Gasa, Gerar guguittak, amuppa bata, eɗua ukka Sodom, Gomora ele wana eɗua, Atma, Seboim ele ukka amu, Lasa aabppa batom.

Genesis 16:14

Keeke amu beum amunu, dimppa ag aben amu onig Ber Lahai Roi ataɗppig. Le amu gemu, ⌊nai imu yaak haenppa,⌋ am Kades, Beret ele gamalahppa daatte.

Genesis 16:7

Oola ukke, Yawenu engel nug atu taɗakppa Hagar le ameg qeppuɗia bedeppa gumitta na anttom. Le amu, am Sur ukkaknu ib giginppa daatte.

Genesis 16:1

Aria, Abram wau Sarai nug nid iitta, amge Sarai nug Isipnu maɗi ah laippu onig Hagar gumom

Genesis 14:7

Aben amuppa batana, ag eɗun, Enmispat, onig laa Kades, ag appa uɗina, ag Amalek danab oh eɗadppig. Eɗadna amu, ag Amo danab, Hasason Tamar daappig amu, ag ag ele eɗadppig.

Genesis 12:9

Abram nug anam hewowa, nug Negeb gokkunu baula aha ukkom.

Genesis 25:18

dimppa nug buɗub ag Hawila, Sur ele gamalahppa oittappig. Wan amuam Isipnu tom kaɗag uɗitteppanu, am tom amu dim lamitta daye, am tom amuppanu ukka ukka, Asur batak. Ag wan amu ooppa oinna, ag ahilkad tiig laippu ele kekeɗ mettak daadttappig.

Eksodas 15:22

Ag amu oh heeg ukke, dimppa Moses nug Israel omalatte, Le Kokoɗ uuna, ag Surnu atu taɗak amu aon gona goppig. Ag am atu taɗak amuppa deɗ ewam oippig, amge ag le laa ii anidppig.

Genesis 21:34

Keeke amu oh dimppa amu, Abraham nug Pilistia wanppa haen elab nakok dayom.