Genesis 19:3 - Nobonob Baibel

³ Anam apiɗ, amge Lot nug laugppa gokkulahnu wagai me, aa goya, Lot laugppa daaeheh, Lot nug ahilah ee, amu bret yis iitta ele he lapiɗ.

Genesis 19:3 Referans Kwoze

1 Samuel 28:24

Saul nug anam he, ah nug paha makau nag nug begittom, ena ittag ele amu, nug tuqe ne, battiom. Amu nug plaua ele kabolia, bret yis iitta manom.

Ikki Danab 6:19

Yawe anam a, Gideon aakku pahanab lakka ukkom. Nug meeme nag laa awa babaitta, nug plaua 25 kilogram awa, amu nug bret yis iitta manom. Amu nug teppu kaleg laappa ina, lewa waappa ina, bret awa, ele ukka, Kayaknu engel ad ok waappa dayom amu gumitta ukka, mettom.

Hibru 13:2

Ag aab diig danab iitta diin atognoadkkulagnu ele aib daulag atiom. Anukka laa anam hena, Kayaknu engel diin atognoadppig, amge ag am engel, ag amu oolag ii maittette diin atognoadppig.

1 Korint 5:8

Amunu ig Pasowanu Hobulppa bret yis alag eleppa aib lamut. Yis amuam oo aeg bak kobol, am hipunin laa oh hak kobol ele. Ig Pasowanu Hobulppa bret yis iitta ele latu! Bret amuam kobol tutukku, kobol doyak diig genabibppanu ele ippunigtte.

Eksodas 12:39

Israel ag ⌊Isip wanppa daappigppa⌋ plaua keeke ele kabolippig, amge ag yis ii mena, ahan goppig amunu, ag gonana, ag amuppa bret batappatak yis iitta maippig. Isip danab ag Israel gokkulagnu tappaɗadppig, Israel ag nakok laa ele daan, keeke bappaidkkulagnu elele iitta amunu, ag plaua kaboliak amuppa yis ii meppig; ag diig amunu ele, ee ahilag laa bappaidkkulagnu elele iitta.

2 Korint 5:14

Aɗinu? Kristus nuhig oo mauhak amuib ig uɗat imu hekkunignu maɗeɗikkom. Amunu diig am ig imunu tutukku ena doottem; danab laippu Nugib ig danab oh ig abeninig awa mauhom. Nug ig ounig daya mauhom, amuppa ig oh aakku mauhmut.

Jon 12:2

Ag Jesusnu lewa nakok aab amuppa heeg, Marta nug ee yeeye, Lasarus nug amu, Jesus, danab laala ele ag balalppa daanna, ee lappig.

Luk 14:23

Anam a amu danab okkai nug maɗi nid amegppa eɗua aum. ‘Na gona, ib okkaippa, dadnu aɗ ele mattan gonana, na danab ah eeɗadppe uɗin, ooppa noig! Da laul imu ambekkunu ool daatte.

Luk 11:8

Anam aakku, amu da ag amelagppa attem. Lag mameg nug danab amu layag, amge diig amunu nug aha, keeke ii medakkutai, amge nug layag dimittim dayaya, tappaɗa ge iitta eeb bahi yeeb, diig amunu nug aha, nug keeke oh iittanu aum amu medakku.

Luk 5:29

Dim lamitta, nug Jesusnu ee naɗi laugppa he, amu takis awak danab laala kuɗum ele ag uɗieg ag ele daanna, ee lappig.

2 King 4:8

Deɗ laappa Elisa nug Sunem aabppa ukkom. Aab amuppa ah laa nug enub nakok kuɗum ele dayom. Ah amu nug Elisa uɗieb, nug laugppa nug gamu ele, ag oh daanna, oh ee lakkulagnu nakok eeɗa ha oɗ mettom. Aakku Elisa nug haen oh uɗia, nug ah amu laugppa ee lattom.

Eksodas 12:15

Da ag hekkulagnu attem, amuam inam. Ag deɗ eblaih aɗit ele amu, ag bret yis iitta lakkulag. Danab auntai laa nug deɗ eblaih aɗit ele amuppa keeke laa yis eleppa hak lakku amu, nug Israel oolagppanu geɗittak daakkuoitte amunu, hobul amunu digmakppanu deɗ, ag deɗ amuppa yis oh, ag laulkadppa daatte ele amu, ag agappeg ukkaɗ!

Genesis 21:8

Anam a dimppa Aisak nug ena me, Sarah nug huh aɗitte, deɗ amuppa Abraham nug hobul okkai heum.

Genesis 19:2

Wanppa ma amu, nug aum. “O danab okkai aɗit dahilaɗ, aa da, da ahilah maɗi nid amu, aa da laulppa gokkulahnu ool daatte. Aa goya, baelah ihoya, tuqan imuppa niiyya, butti buttua ahaya gokkulah,” awa aum. Nug anam aum, amge engel aɗit aa nug amegppa apiɗ. “Iitta! I qagmak aben imuppa niignih,” aoya apiɗ.

Genesis 24:31

“O naɗi, Yawe na itittom daatte. Na ippa daakkutnu amu, da ool ii daatte. Da laul na daakkutnu babaitten, amu kamel ag daaglagnu aben ele bapaidmi amunu, ahappe goɗu!” awa aum.

Genesis 26:30

Ag anam aeg, Aisak nug ee okkai he, ag ee, le ele lawona,