Genesis 19:17 - Nobonob Baibel

¹⁷ Omaladya dimittim noya amu, engel laa nug aum. “Ag padal memanade, ag oolna ukkeg! Aib eɗun neegppig. Ag qaukoppa ukkeg! Uɗemppa aib daappig! Ag qaukoppa ii gokkulag amu, ag padal mekkulag,” awa aum.

Genesis 19:17 Referans Kwoze

Luk 9:62

Nug anam aum, amge Jesus Nug amegppa aum. “Aun nug dahilnu oo aɗit ele amu, nug Kayaknu ɗo maɗoɗ ooppa daakkunu elele iitta,” awa aum.

Genesis 19:26

Amu Lot wau nug gamu dim lamittatta, nug eɗua dimugppa neekkowa, nug yu ɠagattag eppak eɗua dayom.

Genesis 19:22

Amge paha ukkeg! Aɗinu? Ag gona, aab amuppa tena daappeg, da heppi, aab imu oh padal mekkulag. Ag ibppa gobeppeg amu, da uɗat dahil hekkulnu elele iitta,” awa aum. Diig amunu ag aab amu onig Soar ataɗppig.

Matyu 3:7

Layattette amu, ɗo gumak danab-Parasia, ɗo gumak danab-Sadyusi ele ag layattak aoglagnu kuɗum ukkaeg, Jon nug ag anatta, nug ag amelagppa inam aum. “Ag am danab nau, mat nau bia. Aun nug nau aomnanu nai ag amelagppa mattie, ag Kayaknu oppoɗi bak uɗitte ele ii aqamanu uɗippig?

Jeremaia 48:6

Ag Moap, ag ahan ooleg! Ag mauhmananu ag ahan oolna, atu taɗakppa lokkumna dayeg!

1 King 19:3

Nug nai amu me ukke, Elaiya doyowa, nug baɗa aha, mauhmanu oola ukkom. Nug oola ugakka, nug Juda wanppanu aab laa onig Berseba, appa tewowa nug he, nuhig maɗi nid nug appa dayom.

Genesis 13:10

Anam a amu, Lot nug neekke ukke, Jodannu uɗem anttom. Uɗem amuppa amu, le kuɗum ele. Anttak nuhig am Yawe Iden wanppa dad enanag heum bia, o Isip wan, Soar guguittak daatte ele, amubia. Haen amuppa Yawe nug aab okkai aɗit onilah Sodom, Gomora ele ii he nauhpiɗ.

Sam 121:1

⌊Yawenu mettid lag am Israel dilag qaukoppa daatte amunu,⌋ da qauko amu attan neegppi gokku. Appanu da ehanittak aottem.

1 Samuel 19:11

Dawit nug oola, lakka ukke, tuqan amuppa Saul nug danab laala ag gona, Dawit meidna daanna, deɗ amu uueb, wagɗeb ag Dawit qeppeg mauhkkunu maatte goppig. Maatte gona daaegeg, amu Mikal nug Dawit amegppa aum. “Na dabme! Na gemu ii oolna gokkut amu, butti ag na nidappeg mauhkkut,” awa aum.

Genesis 18:22

Yawe anam a amu, danab aɗit laa aa ahaya, Sodom gokkulahnu ukkaeheh, Yawe Nug Abraham ele daapiɗ.

Hibru 2:3

Aria gemu amu Kayak Nug ig eɗua awigkkunu ib babaittom, uɗat naɗi nuhig aakku daatte amunu, ig Kayaknu uɗat amu dimettagnig dayeb, ig eheɗ hak ihinignu nob naunu dekkaɗta oolta gokkunignu elelete? Iitta! Ig elele iittanab. Naɗi Jesus Nug nukka, eɗua awikkak amunu amu Nug tatam a, danab ag Nug oɗeppa aawo dooppig ele ag ig amenigppa nai amunu am genabnab ippunigppig.

Genesis 14:10

Oolnu noak okkai onig Sidim, appa amu moɗ kolta ɗu bia kuɗum daappig. Aria Kedolaomer, nug laikkud king ewam ele ag banppa king tanig ele eɗadppig amunu, Sodomnu king, Gomoranu king ele aa oolya goya, ɗu amuppa neya qeya qettoɗpiɗ. Laa oh amu oolna, qaukoppa goppig.

Genesis 19:18

Nug anam aum, amge Lot nug engel oɗeppa awa aum. “O naɗi dahil, Iitta bia!

Genesis 19:30

Amu Lot nug Soar ukka ta dayom, amge nug appa dayaknu oo baɗom amunu, nug aɗekuɗ diiate, qaukoppa gona, men oɗeppa daappig.

Namba 16:26

Nug Israel danab ah amelagppa aum. “Ag danab nau imu dilag peh lag awaidna, laih piɗe dayeg! Ahilag keeke laippu laa aibnab lauɗidppig. Ag hipunin heppig, ag amunu mauhkkulag. Ag uuadna ii gokkulag, o iitta ag ahilkad keeke laa lauɗidkkulag dayeb amu, ag ele mauhkkulag,” awa aum.

1 King 1:12

Nug anam anana amu, nug nai tuɗitta aum. “Nug anam hette amunu, ag na, amu na bekkat Solomon ele, ag aa aqatmananu, na dahil ulum nai dim lamitte!

Luk 12:23

Bau dayak amu ee lanakib iitta, beɗu nug lamen takkaknuib ele iitta.