Genesis 19:11 - Nobonob Baibel

¹¹ heeh, danab dimittim daappig kaino ukka nid bau batak oh amelkad gaɗuom. Amelag gaɗue, ag od mattiak uɗat okkai henan, od mattin anidkkulagnu elele iitta.

Genesis 19:11 Referans Kwoze

2 King 6:18

Anam amu, Aram ag Elisa aoglagnu uɗieg, Elisa nug ahilagnu Yawe unuqitta, inam aum. “O Yawe, na heppe, danab uɗippig umu ag amelag gatatu maneb, geha ag neegkkulagnu elele iitta daaglagnu oɗ medattem,” awa unuqittom. Awa anam oɗ me, aria Elisa oɗ meum bia, Yawe he, Aram amelag gatatu manom.

Aposel 13:11

Aria, da appi doye! Gemu Naɗi eppeg amu na oitteb, amen gaɗueb, aamnu amahlak ii anidnana, nakok haen elab anam daakkut,” awa aum. Pol nug anam aawo, pahanab keeke bud bia Elimas ameg haute, ameg gatatu mane, oiyaknu elele iitta amunu, danab laa ehanitta, ib ippunidkkunu unuqattom.

Jeremaia 2:36

Ag dabmak digdig dim lamidnana, kobol kaboliak kuɗum hetteb. Tatam ag Asiria ehanadkkulagnu dabmeppig; iitta anidna, ag ahan, Isip ehanadkkulagnu goppig. Amge ag ele ii ehanadmana.

Aisaia 57:10

Ag kayak hambuppuak bau anidkkulagnu hik aqeeqe heegeg, bahilag yom, amge ag amu henana, ag, ‘Ig anidkkunignu elele iitta,’ ii appig. Iitta. Ag wagai mena, ɠagattag bau aon, ag tuɗidna, hakib heppig.

Eklisiastis 10:15

Danab nug Kayak dab-ii-maama ii dim lamidtte ele nug nuhig uɗat haaha, maidadaɗak huana dootte; nug eɗua, appag diigppa gokkunu ib ii dootte.

Genesis 19:12

Anam daye amu, danab aɗit aa Lot oɗ medapiɗ. “Na nahipadppa laa, amuam tanapad, o bekkanad, o aɗenad, o nahipadppa aun laa amu, ag aab okkai imuppa ina daattebte? Yawe Nug aab imuppanu danab ag hipunin naunab, huanak heegeg doyom amunu, nug i aab imu hepuɗ padal mekkunu meite uɗimuɗ. I hepuɗ, padal mekku amunu, na, nahipadppa laa ippa daatteb ele amu, na ag omaladppe, piɗe ukkeg!” aoya apiɗ.