Biblia Todo Logo
Bib sou entènèt

- Piblisite -




Genesis 17:14 - Nobonob Baibel

14 Danab laa nug gaɗa otaɗak ii aotte, nug dahil nug tituana nai qakkaknu nai tippaltte amunu, nug dahilad danab oolagppanu geɗittak daakkuoitte,” awa aum.

Gade chapit la Kopi




Genesis 17:14
24 Referans Kwoze  

Hobul amunu deɗ eblaih aɗit ele amu, deɗ amu ohppa yis ag laulagppa aib dayom! Aɗinu? ⌊Hobul amunu deɗ amu ohppa,⌋ mudippan danab lailag laatai, o wan laihnu danab laatai, nug bret yis ele lab amu, aria nug Israel oolagppanu geɗittak daakkuoitte.


Aɗinu? Danab nug nuhig oiyak elele iittappa, Naɗi Jesus beɗu, tiig ele amu dab-ii-mata, nug hamu latte dayeb, nug nukka nuhig aab aakku latte.


Amunu danab laa nug oo babaittak iitta, nug Naɗinu bret o wain anam hamu awa latte amu, nug amuppa Naɗi Jesus beɗu, tiig ele am keeke hamu bia doya, kobol nug hette, amuppa nug hipunin hette.


Nug tituana nai qakkak bau amu, da tatam ag mamelkad aɗi anukka haen da eppelag aɗen omalatti, Isip wan uun, ahan goppig ele, haen amuppa da ag ele nug tituanta nai qakkamut, am amubia iitta. Haen amuppa amu, da danab nug ah nuhig atognotte, amubia da ag gumadmi, amge ag nug tituana nai qakkak amu tippalppig,” awa atte.


Ag mamelkad aɗi dahil nai dooglagnu uuppig, ag hipunin heppig, gemu danab ah imu ag hipunin amuib hetteb. Ag kayak hambuppuak dim lamadna, ag noolagppa dup nona, ag binalag metteb. Israel danab ah, Juda danab ah ele ag nug tituana nai qakkak nai da hei, da ag mamelkad aɗi ele bappaidta, ag nai amu waappa daan oinna, ag nai amu tippalna, ii dim lamidppig amu, laa gemu daatteb, ag ele anamib.” Yawe Nug anam awa aum.


Ibppa danab laa ii oitteb. Ao, ibppa danab ah laa ii oitteb. Danab ag lailkad ele maɗoɗ daaglagnu nug tituanna nai qagatteb amu, ag nai amu tappaeg ne, hamu bia dootteb. Laa ag nai amu ɠagattag qettaglagnu daappig ele amu, laa ag amu dilagnu ena iinab dootteb. Laa nug layagnu, “Danab ena elele,” ii dootte.


Wan imuppan danab ah ag heeg, wan imuam Kayaknu neekkakppa dubuttid tak ele daatte. Aɗinu? Ag ɗo dim ii lamidna, ⌊kobol nau digdig henana,⌋ ag Kayak dimettan, nai nuhig tappaeg ne, ag nuhig nug tituana nai qakkak hanhannu Kayak Nug ag ele heppig amu, ag tippalppig.


⌊Da layal, nuhignu amu,⌋ nug laikkud banelag gotte. Nug aɗi hekkunu layag ele nug tituana nai qakkakppa aum amu, nug amunu hamu bia doya, tippala, ii hette.


Aun laa nug deɗ ewam amuppa lakku amu, nug eheɗ aakku ha, nug amunu bu aokku. Aɗinu? Nug aakku keeke laa da, Yawe, da amunu dahilnu tituanak daatte anidttem amu, nug he, dahil neekkakppa dubuttid teum daatte. Aun nug anam hette, nug Israel oolagppanu geɗittak daakkuoitte.


Amu Yawe Nug aum. “Aun laa nug kobol ooppa uuaknab doyak ele, nug amunu laa hekku amu, nug Israel oolagppanu geɗittak daakkuoitte.


Aun laa nug tiig lakku amu, nug Israel oolagppanu geɗittak daakkuoitte,” awa aum.


Aun laa nug doɗ laa, danab nug doɗ amu aab aɗunu ofa ha, Yawe mettom ele, danab aun nug doɗ amunu ittag laa awa lakku, nug Israel oolagppanu geɗittak daakkuoitte.


Am danab aun laa nug keeke kalu amubianab laa nuhignu, nug muttuɗig enanag amu doya, ena dookkunu heeb amu, geha ag heppeg, nug Israel oolagppanu geɗittak daakkuoitte,” awa aum.


Danab aun laa nug goɗen imubianab laa hekku, o danab aun nug danab hamu laa, nug mana mettak danab iitta, aun nug danab amu igippa goɗen imu gokkaɗkku amu, ag heppeg, danab amu nug Israel oolagppanu geɗittak daakkuoitte,” awa aum.


Da ag hekkulagnu attem, amuam inam. Ag deɗ eblaih aɗit ele amu, ag bret yis iitta lakkulag. Danab auntai laa nug deɗ eblaih aɗit ele amuppa keeke laa yis eleppa hak lakku amu, nug Israel oolagppanu geɗittak daakkuoitte amunu, hobul amunu digmakppanu deɗ, ag deɗ amuppa yis oh, ag laulkadppa daatte ele amu, ag agappeg ukkaɗ!


Kayak Nug anam awowa, Nug tuɗitta, Abraham amegppa aum. “Na waatnu amu, na Sarai baula aib ame. Aɗinu? Nug onig Sarah daakku.


Ag appig. “Ig appinanig danab gaɗa ii otaɗak mettagnignu elele iitta. Ig anam ii hemata. Aɗinu? Ig anam hekkunig amu, ig Kayak noobppa ena ii daamta.


Am aun laa nug deɗ amuppa, nug nukka onig ii qeeb neeb daakku amu, nug Israel oolagppanu geɗittak daakkuoitte.


Ɗo amuam aun aɗi ag Kayak ele ouqa dayaknu elele iitta, o aun aɗi ag laih ukka, eɗua ii uɗiak ele, ag Pasowanu Hobul dayak haknu haen dayeye, ahilagnuib. Amu danab laa nug da ele ouqa dayaknu elele, o iitta, laa nug laih ukka, eɗua ii uɗiak ii hak ele amu, nug haenppa Pasowanu Hobul hekkunu tippalkku dayeb amu, nug Israel oolagppanu geɗittak daakkuoitte. Anam daakkun diig am, nug haen da ag ippunadmi, nug haen amuppa doɗ amu awa, da gumiɗa ii uɗia, da ii meɗom. Danab nug anam hekku amu, nug eheɗ hekku, nug amunu bu aokku.


Ag kobol eheɗ kuɗum, da kobol amunu uuaknab doottem, ag amu henana, ag wan laihnu danab, ag oolag babaittak iitta, beɗulag gaɗa otaɗak iitta ele, ag danab amu omaladna, mettid lag dahilppa goppig. Ag omaladna wana, haen amuppa ag ele doɗ main, da meɗappig amunu, kobol amuppa ag heeg, da laul dubuttid tak ele dayom. Ag amu henan, ag dahil nug tituana nai qakkak ig hemut ele amu, ag nai amu tippalppig.


Swiv nou:

Piblisite


Piblisite