Genesis 16:7 - Nobonob Baibel

⁷ Oola ukke, Yawenu engel nug atu taɗakppa Hagar le ameg qeppuɗia bedeppa gumitta na anttom. Le amu, am Sur ukkaknu ib giginppa daatte.

Genesis 16:7 Referans Kwoze

Eksodas 15:22

Ag amu oh heeg ukke, dimppa Moses nug Israel omalatte, Le Kokoɗ uuna, ag Surnu atu taɗak amu aon gona goppig. Ag am atu taɗak amuppa deɗ ewam oippig, amge ag le laa ii anidppig.

Genesis 25:18

dimppa nug buɗub ag Hawila, Sur ele gamalahppa oittappig. Wan amuam Isipnu tom kaɗag uɗitteppanu, am tom amu dim lamitta daye, am tom amuppanu ukka ukka, Asur batak. Ag wan amu ooppa oinna, ag ahilkad tiig laippu ele kekeɗ mettak daadttappig.

Genesis 21:17

Haen amuppa Kayak Nug nidnu gayak doye, nuhig engel hab aabppanu Hagar onigppa eum. “Hagar attem he gaattem? Kayak Nug nid danab nahip laih uppa niitte amu, Nug nuhig gayak doyom amunu, na aib baɗame.

Prowerb 15:3

Yawe Nug keeke oh anidtte; Nug nau hak danab, ena hak danabnu ele neekka auta aotte.

1 Samuel 15:7

Amu Saul, nuhikkud daup ele ag anam daaeg ukke, Saul a, ag oh ahan, banelag gona, ag Amalek danab aab onig Hawila, amu aab laa onig Sur, ag aab aɗit amu gamalahppa, aben amu ohppa Amalek danab aqadppig. Sur am Isip wannu tom guguittak dayom.

Genesis 31:11

Anatti amu, Kayaknu engel nug da onil diia a, da inam ami. ‘Da ina, aɗitai, appe dookkul,’ awe ami.

Genesis 22:15

Aria, Yawenu engel nug baula hab aabppanu Abraham amegppa ewa, inam aum.

Genesis 22:11

Abraham nug anam heehe, Yawenu engel nug hab aabppanu ewa, “Abraham, Abraham,” awa eum. E amu, Abraham nug aum. “Da ina, aɗitai appe dookkul,” awa aum.

Genesis 20:1

Dimppa Abraham nug dayomppanu aha, wan atu onig Negeb ukka, aab aɗit onilah Kades, Sur ele gamalahppa oiyom. Oiya ukke, deɗ laa aab laa onig Gerar, appa nug wau ele goya, aben amuppa daapiɗ.

Genesis 21:18

Na gona, nid nahip atogno! Aɗinu? Da heppi, nug buɗuppud ag appatna, huu okkainab, ɠagattag ele daaglag,” awa aum.

Genesis 21:19

Kayak Nug anam awowa, Nug Hagar ehanitte, Hagar nug le moɗ antta, nug ukka, nippud doɗ gaɗappa hak, amuppa nug le ita, nid le mettom.

Genesis 24:7

Yawe, Nug hab aabppa Kayak amu, Nug he, da appal diig, amu da mamelad ele uuadmi; Yawe Nugib da amelppa inam hekkunu nuhig nai ɠagattag qetta, inam aum. ‘Da na buɗunadppa wan imu oh madakkul.’ Nug anam aum amunu, Nug engel nuhig meeb, na noomppa anuqa ukka, keeke oh babaitteb, na Aisaknu ah laih uppanu aokkut.

Eksodas 3:2

Amu Moses nug appa oiyeye, Yawenu engel nug tula, Moses toppa beum, amge Nug miag ii beum. Iitta. Nug aab ewak bia, ad nakok laa eppeg ooppa dayeye, Moses nug ad amuppa aab ewewe anttom, amge nug aab dittia, ad ewa ii malele ele anttom.