Genesis 16:6 - Nobonob Baibel

⁶ Anam a amu, Abram nug Sarai amegppa aum. “Maɗi ah nahip, nug na eppenppa daatte. Na attem hekkutnu oot daatte amu, na hekkut,” awa aum. Abram anam a amu, Sarai nug Hagar uug mette, nug oola ukkom.

Genesis 16:6 Referans Kwoze

Jeremaia 38:5

Ag anam aeg, King Sedekaia nug aum. “Nug ag eppelagppa daatte. Da ahilag ib oo nekkulnu elele iitta amunu, ag keeke hekkulagnu oolag hette amu, ag hekkulag,” awa aum.

1 Pita 3:7

Amubia ele ah gamulkad ag waalkad ele daanna, kobol ena ahilagppa heig! Ah ag gamulkad ele oh Kayaknu ehanittak okkai hamu mettak amu aona, bauklel daaglag amunu, ah gamulkad ag ahilkad ah dilagnu, “Dahil kadoi, nakok gai-iitta bia,” doyadnana, ahilagnu ena elele doyeg! Ag amu oh hekkulagnu diig am, geha keeke laa unuqittak ahilag heeb ii nauhma.

Eklisiastis 10:4

Nahip okkai nug nahipnu oo nauhkku dayeb, na uɗat hekkutnu daattem, na uɗat amu aib uume; na ootppa maɗoɗ doon daye! Aɗinu? Kobol amuam kaliak okkai heeb, elele daakkunu elele.

Prowerb 29:19

Danab nug nuhig maɗi nid naippaib nug tolidkkunu elele iitta; amunu diig am, maɗi nid nug daugppa nai dookku, me nug aɗitai laa ii hema.

Prowerb 27:8

Danab nug appag diig uua, yawaia oitte; nug am ai laa teɗ uuitta, aha hagagɗa mauhnoak oitte, nug amubia daatte.

Prowerb 15:1

Laa nug laanu oppoɗi bak doyaya, nai ɠagattag amegppa ab, layag nug eɗua awa, nai bodoettak metteb amu, oppoɗi bak amuam iitta mekku; amge layag nug nai ɠagattag eɗua nob ma mattieb amu, laa nug oo huana nauhkku.

Prowerb 14:29

Danab oo maɗoɗ ele dayak kobol dim lamidtte ele, nug am diignu doyak tutukku okkai ele daatte; amge danab nug oppoɗi bak paha dootte ele, nug am Kayak dab-ii-maama hak kobol dim lamitta oitte.

Job 2:6

Satan nug anam a, Yawe nug amegppa eɗua aum. “Aakku, na Job ma anttak medakkutnu elele. Nug na eppenppa daatte, amge na Job heppe mauhkkunu aib heme! Guittak medakkut aakkuib,” awa aum.

Eksodas 2:15

Moses nug danab qe mauhom dimppa, Paro nug Moses keeke heum amu nai oiye doya, makkuɗeb mauhkkunu dabmeum, amge Moses nug amu doya, ⌊nug Paro baɗitta,⌋ nug oola, Midian wanppa ukkom. Nug ukka ta, le moɗ laa giginppa dayom.

Genesis 24:10

Aa anam heya maloya amu, maɗi nid nug Abrahamnu kamel eblaih tanig ele, keeke ena ena kuɗum laa elele diiatta, nug aha ukka ukka, nug Mesopatemia, Nahor appagppa ukkom. Abraham Nahor ele, aa am eamag.

Genesis 16:9

Awa a amu, Yawenu engel nug aum. “Na eɗun gona, nahip okkai Sarai waappa daye!

Josua 9:25

Gemu ig na eppenppa aakku daattem, na ihinignu aɗi kobol am ena, aɗi kobol am tutukku, na kobol amu hekkutnu maidttem, na amu hekkutib,” aon appig.