Genesis 14:23 - Nobonob Baibel

²³ ‘Da nahip keeke huppu nakoknab laa ii aopa. Aɗinu? Na, “Da Abram keeke kuɗum mettami amunu, nug keeke ele daatte,” na amu dahilnu amananu, da anam ami.’

Genesis 14:23 Referans Kwoze

2 King 5:16

Nug anam aum, amge Elisa nug amegppa inam aum. “Yawe, da am nuhig maɗi nid amu, ⌊Nug, da iitta, Nug he, na ena daattem amunu,⌋ Yawe Nug genab bau daatte, genab amubia da keeke laa ii aopa,” awa aum. Amu Naman nug Elisa keeke amu aokkunu nakok wagai meum, amge nug ii awom. Iitta.

Hibru 13:5

Ag oolag men doɗonu aib mauhom. Keeke ag aɗatteb ele, ag amunu elele doyeg! Aɗinu? Kayak Nug aum aakku daatte. Amuam, “Da na ii uuidpa, da na ii paɗaidpa,” awa aum.

2 Korint 12:14

Aria, gemu da haen ewam batak ag gumatte gokkulnu hein bappaidttem. Da geha ukke, keeke ahilag amu ii aɗadpa. Doyeg! Da keeke ahilag aokkulnu ool ii daatte. Iitta. Da ag diiadkkulnu ool daatte. Ag dootteb, nid ag mamelkad anilkad ehanadkkulagnu keeke bappaidkkulagnu ii daatte. Iitta. Mamelkad anilkad ag nid ehanadkkulahnu keeke qagmetteb.

2 King 5:20

amu Kayaknu danab, Elisanu maɗi nid Gehasi nug nukka nuhig dabmak he be, nug inam aum. “Danab okkai dahil nug Aram danab Naman keeke medakkunu awa uɗiom ele, nug amu aokkunu uue, nug eɗua awa gotte. Aɗinu nug keeke amu uue, Naman nug eɗua awa gotte? Amunu da Yawe Nug genab bau daatte, genab amubia da qaietten, Naman dim lamitte ukke, nuhig keeke laala appi meɗakku,” awa aum.

1 King 13:8

King anam aum, amge Kayaknu propet nug king oɗeppa awa aum. “Yawe Nug da ippa ee, le ele ii lapanu, da ib laa, da ib amuppa uɗimi amu, da ib amu ele awen eɗuen, da appalppa gopanu ele haknunab nai aum amunu, da na ele na lautppa ii gomaɗa. Da ippa ee, le ele ii lapa. Amu na enun, am men doɗo nahip ele, na keeke amu oh na gamagppa oppatna, laih am da meɗakkutnu akkut amu, diig amunu ele da na lautppa ii gopa,” awa aum.

Jon 1:27

Danab amu Nug da dimulppa uɗitte, amge Nug am danab okkainab, da am okkai iitta; dahil hak am nuhig bia iitta, dahil am elele iittanab iitta,” awa aum.