Genesis 14:14 - Nobonob Baibel

¹⁴ Anam Lotnu a, Abram nug kekeɗ ag Lot aɗan, aon goppig doyowa, nug nuhikkud ban hak danab 318, ag anilkad Abram laugppa daanna menuadppig ele, nug ag onilagppa eum. Onilagppa e, ag Abram ele ahan, ag king waɗele dim lamadna, Dan aabppa batak goppig.

Genesis 14:14 Referans Kwoze

Ikki Danab 18:29

Ag alalag Dan, Israel bekka, nug onig, amu aab okkai amu onig meppig, amge aab okkai amu onig tatam am Lais.

Genesis 15:3

Na nid ii meɗame amunu, dahil maɗi nid imu nug dahil aben, enul ele aokku,” awa aum.

Eklisiastis 2:7

Da danab ah ele ag dahil begbeg maɗi nid maɗi ah ele daaglagnu daden maadmi. Amu laa ag dahil begbeg maɗi nid maɗi ah ele daan, ag nid menuattegeg, nid amu ele dahilad begbeg maɗi nid maɗi ah ele daadppig. Laa amu, da makau, sipsip, meeme huanaknab ele. Laa Jerusalem appa da ii daami haenppa, ag doɗ kuɗumnab, dahil bia iitta. Da am huanaknab.

Duteronomi 34:1

Moses nug amu mattia mala nug Moap wan uɗem amu uua aha ukka, Nebo qauko ta ukka, qauko igippa, ag Pisga Igippa atteb, appa teum. Aab Jeriko am, Jodan le laih daatte. Nug te, Yawe Nug Kanan wan oh ippunittom. Amuam Gileat wanppa ukka Dan batak ippunitta,

Genesis 17:27

Abrahamnu maɗi nid laala ag anilkad nug laugppa menuadppig, laala nug wan laihnu daden meum ele, ag oh ele deɗ amuppa gaɗa otaɗak aoppig.

Genesis 17:12

Buɗub buɗub doobob, nid danab, ag anilkad ag laulkadppa menuadkkulag ele amu, deɗ eblaih ewamppa ag gaɗa otaɗak aoglag. Amu wan laihnu danab, ag ele tiilag laippu iitta, ag daden maadna diiglag amu, ag ele gaɗa otaɗak aoglag.

Genesis 12:5

Abram, nug wau Sarai, aria nug awag bekka Lot, nuhikkud daup danab Harannu diiom, amu keeke oh Harannu awom ele amu, nug amu oh diie, ahan Kanan wanppa goppig.

1 Jon 2:18

O nid naunau dahilad, haen aakku gogppa tekkunu hette. Kristusnu kekeɗ uɗikkunu amu, anukka laa ag ag amelagppa aeg dooppig. Anam aakku amu gemu Kristusnu kekeɗ kuɗumnab beppig amunu ig doottem, haen aakku gogppa tekkunu hette.

Sam 68:12

⌊Anam aakku bekkunu ame amunu, anam aakku beum.⌋ Kekeɗ dilag king, amu ahilkad ban daup ele ag oolna gonana, keeke uuadna goppig ele, Israel ban danab ag diin panippig.

Ikki Danab 20:1

Am anam beum, aakku Israel ohnab, aab onig Dan, appanu ukka ukka Berseba batak, Gileat wanppanu ele, ag oh aɗa mak laippu, Mispa appa Yawe noobppa qagmeppig.

Genesis 23:6

“O danab naɗi, doye! Na ippa danab anuqak ig oonigppa daattem amunu, na ah nahip men oɗe enanag, laa oh eɗattakppa boumkkut. Ig oh na ah nahip men oɗe ihinigppa boumkkutnu aɗitai laa ii amata,” aon appig.

Genesis 18:19

Aɗinu? Da Abraham doottem, nug, nug bekkod, nug laugppanu ele, ag da, Yawe, ag dahil ib dim lamidkkulagnu ippunadkku. Ippuanatteb, ag kobol tutukku, amu nai doya mala hettoɗia epeɗia elele mettak kobol ele dim lamidkkulag amunu, da nuhigppa aɗi hekkulnu nai ain qakkami amu, da amu hekkul,” awa aum.

Genesis 13:8

Uug anam daye amu, Abram nug Lot amegppa aum. “I amu diig laippu amunu, a ona a doak i oonihppa, ihinih maɗi nid oolagppa ele aib dayom.

Genesis 12:16

Omalna ukkaeg amu, Paro nug Abram keeke kuɗum Sarainu nob ena mettom; doɗ iɗu iɗu, amuam sipsip, makau, donki anig, dawai ele, amu kamel ele. Nug maɗi nid maɗi ah ele mettom.

Prowerb 17:17

Aun nug layam genab daatte amu, nug haen oh layagnu oo mauhak dootte; amu awakkud amakkud ele, ag uug haenppa nug ehanittak daaglagnu aakku daatteb.

Genesis 14:12

Akkan gonana, Abram bekka nakok Lot nug Sodom dayom amunu, ag nug, nug baekkudppa, amu keeke nuhig oh ele diin goppig.

Genesis 14:16

Eɗadna amu, Abram nug daup ele Sodom, Gomora elenu keeke oh, enub, danab, amu ah oh ele, amu Abram bekka nakok Lot, amu nuhig keeke oh ele, ag eɗun diiadppig.

Genesis 17:23

Kayak Nug eɗua te, Abraham nug deɗ amuppa Ismael, danab ag nug laugppa daappig ele amu, nug Kayak aum bia ag gaɗalag otaɗattom. Danab oh ag anilkad ag nug laugppa menuadppig, amu danab atu laihnu ele nuhig men doɗoppa diiak, nug ag oh gaɗalag otaɗattom.

1 King 15:20

King Benhadat nug King Asa nai aum amu doya, nug amunu ena doyom. Nug ena doyom amunu, nug nuhikkud ban daup ikki amelagppa a, ag ban danab diieg gona, Israel dilag aab anen anen amuppa ban heppig. Ag gona ban henana, Israel dilag aab Iyon, Dan amu Abel Betmaka ele, aria wan maha onig Kineret oh, amu Naptali wan oh ele eɗadna aoppig.

Jeremaia 41:12

ag ahilkad daup diin, Netania bekka Ismael ele ban hekkulagnu nug dim lamidppig. Ag dim lamidna gonana, Gibeon appa le gottu okkai laa daatte, ag le amu guguittak Ismael gukkuidna wappig.

1 Samuel 30:19

Keeke laa ii qettoɗom. Iitta. Ag danab, ah, nid bau, amu oh diin, kaino ele oh diin, nid naunau, nid danab, nid ahin amu oh diin, keeke laala oh ele oh ag eɗun aoppig. Dawit, nuhikkud danab ele, ag keeke oh eɗun aɗadna, akkan uɗippig.