Genesis 13:16 - Nobonob Baibel

¹⁶ Da heppi, na buɗunad appatnana, kuɗumnab, ebaqak ahilag am wan kalu bia bekkulag. Danab laa nug wan ohppan kalu ebaqa dookkunu elele daatte dayeb amu, nug Abram buɗub ebaqakku.

Genesis 13:16 Referans Kwoze

Namba 23:10

Auntai laa Jakop buɗub ebqekkunu elele? Laa iitta! Aɗinu? Ag amu kuɗumnab. Yo, auntai laa, Israel danab ah maha laa ebqekkunu elele? Laa iitta! Aɗinu? Ag am kuɗumnab! Da mauhkkulnu amu, da genab tutukku hak danab mauhtteb bia mauhkkulnu ool daatte! Yo, da mauhkkulnu amu, da ag mauhtteb bia mauhkkulnu ool hette!” awa aum.

Genesis 28:14

Na buɗunad ag wan gappud bia appatna, wan aben imuppanu qaban uɗitteppanu daatte, wan kaɗag uɗitteppanu daatte, wan yawalti uɗitteppanu daatte, amu wan yau uɗitteppanu daatte ele aoglag. Aoppeg amu, wan laa ohnu danab ag na, na buɗunadppanu ele itittak ena aoglag.

Genesis 32:12

Da amunu baɗattem, amge anukka na inam ame. ‘Da genab heppi, na keeke kuɗum ele daakkut. Na buɗunad ag appatna, yu ihippan ihi bia daappeg, danab ebaqadkkulagnu elele iitta daakku.’ ” Jakop anam unuqittom.

1 King 3:8

Da, nahip maɗi nid, da gemu danab ah ameg imu oolagppa iikku daattem. Ag am nahipad, na ag nahipad tituanadme daatteb. Ag am huanaknab, ebaqaknu elele iitta.

Eksodas 32:13

Na nahipad maɗi nid, am Abraham, Aisak, Jakop ele, na amu dilag dabmenana, na amu dilagnu keeke hekkutnu na oninppa, nahip nai ɠagattag qena ame amu, na nai amu dabmekkutnu oɗ medattem. Na nai ɠagattagnab qakkan, ag amelagppa ame am inam. ‘Da dakka da onilppa nai imu ɠagattag qetten, inam attem. Da geha heppi, ag buɗulkad ag kuɗumnab, hoɗopai daatteb bia bekkulag. Anam amu, da geha ag wan imuppa daatteb ele amu, da wan imu oh ag buɗulkadppa madappi, ag aulag hanhan daakku.’ Na anam ag amelagppa ame,” awa aum.

Genesis 22:17

amunu, diig amunu da genabnab genab na itidkkul. Da itidppi, na buɗunad ag appatna, abuɗ le ihippa, o hoɗoppai bia kuɗum daaglag. Ag kekeɗ eɗadna, ahilkad aab diiglag,

Genesis 15:5

Awowa amu, Nug Abram omala, dimittim noa, amegppa aum. “Na neegppe teeb, habppa hoɗopai daatteb ele umu, na ebaqadkkutnu elele daattem dayeb amu, na ebaqe! Na buɗunad amu, geha ag anam daaglag,” awa aum.

Revelesen 7:9

Imu oh dimppa da baula neekke, danab ah kuɗum kuɗumnab qagmena daaegeg anadmi. Aun laa nug danab ah amu oh ebaqakkunu elele? Iitta! Elele iitta! Danab ah amu ag wanppan wan ohppanu, huu ohppanu, beɗulag iɗu iɗu ohppanu amu nai ohppanu ele, ag Sipsip Nag amu Kayak, Nug sia king ⌊anuqak,⌋ appa daatte ele, ag aa noolahppa hippaidna daappig. Ag lamen elab hakkab takkaladna, ad pam ebekkud eppelagppa aɗualadna daappig.

Jeremaia 33:22

Da heppi, dahil maɗi nid Dawit buɗub, amu Lewi buɗub, ag dahil ɗo maɗoɗnu uɗat da noolppa hetteb ele amu, ag appatna daaglag. Ahilag ebqak am hoɗoppai habppa daatteb, o yu ihippa abuɗ niitte bia, ag amubia daaglag.’ ” Yawe Nug Jeremaia nai amu mettom.

1 Stori 27:23

Yawe Nug heeb, Israel danab ah ag huanaknab, hoɗopai bia daaglagnu nai anan qakkom amunu, Dawit nug Israel danab ebqekkun anan, nug danab ag ebqak uɗat heppig ele ag danab maɗ 20 ii eɗidppig ii ebaqamnanu aum.

1 Stori 21:5

Nug eɗua, Jerusalem ta, nug Dawit amegppa Israel danab gane ag ban daup daaglagnu elele daappig a doyom. Amu ebqak ahilagppa Israel dilag daup, ag qep elab aɗan, ban hekkulagnu elele daappig amu, ebqak ahilag am 1,100,000. Aria, Juda danab ag qep elab aɗan, ban hekkulagnu elele daappig, ahilag ebqak am 470,000.

1 King 4:20

Juda, Israel ele ag am appatna, danab ah huanak, kuɗumnab daappig. Ebqak ahilag am kuɗumnab, am abuɗ yu ihippa daatte, amubia. Ag ee, le ele, elele lanana, gamag ahak ele ena daappig.

Ikki Danab 6:5

Aɗinu? Kekeɗ amu ag ahilkad doɗ ele uɗin, peh buualadppig, ag am huanaknab amunu, danab dilag neekkakppa amu, wan qaɗeppa tap-lokus kuɗumnab daatteb bia daappig. Danab amu, ahilkad kamel ele am ebqaknu elele iitta. Ag Israel dilagppan keeke oh aoglagnu uɗippig.

Ikki Danab 6:3

Israel ag ahilkad keh keeke maɗ maɗppa eppalatteg, eheɗ hak danab Midiannu, Amaleknu, amu danab kaɗag uɗitteppanu ele ag Israel danab ah banelag uɗippig.

Duteronomi 1:10

Yawe, ahilag Kayak, Nug he, ag appatna, ag ebqak huanak, kuɗumnab, ag hoɗoppai habppa daatteb bia daatteb!

Eksodas 1:7

amge Israel danab ah ag buɗub buɗub doodo, nid huana menuadna, appatna, kuɗumnab daappig! Genab, ag appatna, huu ɠagattagnab bena, wan ag daappig ele oh tonappig.

Genesis 46:3

Jakop anam a amu, Kayak Nug aum. “Da Kayak, na mamennu Kayak. Na Isip gokkutnu aib oot baɗom. Aɗinu? Na appa daappe, da heppi, na buɗunad ag appatna, huu okkainab, ɠagattag ele daaglag.

Genesis 35:11

Amu Kayak Nug baula ele aum. “Da am Kayak Dakka Ɠagattag Oh Ele, da inam attem. Na gona, kuɗum appate! Na appatppe, na buɗunad ag diig laippu, amge huu okkai piɗe piɗe oiglag. Na buɗunadppa danab laala ele king bekkulag.

Genesis 28:3

Da Kayak Nukka Ɠagattag Oh Ele Nug na ititteb, na buɗunad kuɗumnab bena, huu okkai anen anen oh laippu daaglag,

Genesis 26:4

Abraham nug da oɗel, ɗo iɗu iɗu dahil, dahil haknunab anak ele dim lamittom amunu, da heppi, na buɗunad ag kuɗumnab, hoɗoppai bia daan oippeg, wan imu oh da ag madakkul; amu da heppi, na buɗunppa wan ohppan danab ag itittak ena aoglag,” awa aum.

Genesis 21:13

Da heppi, Hagar bekka buɗub ag ele huu okkai bena, wanppan wan laa ahilag, ag appa daaglag. Aɗinu? Nug ele na bekkat,” awa aum.

Genesis 18:18

Abraham buɗuppud kuɗum, ɠagattag ele bekkulag. Wanppan wan ohppan danab ah ag nuhigppa itittak ena aoglag.

Genesis 17:20

Aria, na Ismaelnu ame amu, na ame am da doomi. Da nug ele itidkkul. Da heppi, nug buɗub elab bekku. Danab okkai 12 nug buɗub ooppa bekkulag, amu nug buɗupud ag appatna, huu okkainab, ɠagattag ele daaglag.

Genesis 17:16

Da nug itidppi, nug na bekkat menukku. Nug wanppan wan laala, king laala ele, nug ag anilag bekku,” awa aum.

Genesis 17:6

Da heppi, keeke ewam bekku. Laa amu, da heppi, na buɗunad ag kuɗum bekkulag; laa amu, da heppi, na wanppan wan laala kuɗum mamelag daakkut; laa amu, da heppi, na buɗunad oolagppa danab laala ag king bekkulag.

Hibru 11:12

amunu, danab laippu amu nuhigppa danab appatna, kuɗumnab daatteb. Nug am mauhom bia dayom, amge nug buɗub ag gemu ebqaknu elele iitta daatteb. Ag hoɗoppai habppa daatteb dilag ebqak bia, amu yu ihippa abuɗnu ebqak bia daatteb.

Genesis 16:10

Daappe amu, da heppi, na buɗun elab bekku. Beeb amu, danab laa nug na buɗun ebaqakkunu elele iitta,” awa aum.

Genesis 17:2

Da nug tituana nai qakkak dahil, da na ele hemuɗ amu, da heppi beeb, na buɗun elab bekku,” awa aum.

2 King 13:23

Amge Yawe Nug Israel dilagnu oo bodoette enanag maɗoɗ ele hak kobol dim lamitta, Nug ahilagnu ele oo bodoetta le meum. Nug nug tituana nai qakkak anukka Abraham, Aisak, Jakop ele heppig amu, Nug amu dabmeum amunu, Nug Israel ehanatta, Nug ag eheɗ ii hatta, Israel Nug noobppa daatteb amu lamatteb, laih gokkulagnu Nug oo ii dayom. Iitta. Tatam, gemu ⌊nai imu yaak haenppa⌋ ele, anamib.

2 Stori 1:9

Na hee, da Israel danab ah, ahilag ebqak am huanak, wan gappudnu ebqak bia, da ahilag king daattem amunu, O Yawe Kayak, gemu na keeke hekkutnu da mamel Dawit amegppa nai anan qakkame amu, na aakku heppe meu okkunu oɗ medattem.

Genesis 32:13

Nug anam ana amu, tuqan amuppa nug aben amuppa dayaya, nug awag Esau doɗ laala nuhig daaglagnu hamu medakkunu inam otiom:

Job 5:25

Na nahipad nid ag kuɗumnab daaglag dookkut. Ge, na buɗunad ag gikkiɗah wan qaɗeppa daatte bia daaglag dookkut.