Genesis 13:15 - Nobonob Baibel

¹⁵ Aɗinu? Wan oh na anidttem ele imu amu, da na, na buɗunad ele madappi, haen oh ahilag hanhan daakku.

Genesis 13:15 Referans Kwoze

2 Stori 20:7

O Kayak ihinig, ig memetankad anukka haenppa danab wan imuppa daadppig amu, na hee, nahipad danab ah Israel ag danab amu lamatteg, na wan imu na layap Abraham buɗuppud, amuam ig, na ihinig hanhan daakkunu ig mekkame.

Genesis 12:7

Anam daye amu, Yawe Nug Abram gumitta na, amegppa aum. “Da wan imu oh na buɗun madakkul,” awa aum. Anam a amu, aben amuppa Yawe Nug Abram gumitta ukkom amunu, Abram nug Yawe noobppa dup noa binag mekkunu qaɗab qeum.

Genesis 35:12

Wan imu da anukka Abraham, Aisak ele matami amu, da gemu na, amu na buɗunadppa ele madattem,” awa aum.

Genesis 15:18

Oiye amu, deɗ amuppa Yawe Nug kobol amuppa he, Nug Abram ele nug tituanya nai qagapiɗ. Aa nug tituanya, nai qakkaya, Yawe Nug Abram amegppa aum. “Da wan imu na buɗunad madattem. Tom nuhig amu inam; le nakok onig Isip, tom am amuppanu digma ukka, le okkai onig Yupretis batak.

Aposel 7:5

Amu Kayak Nug wan imuppa laih nakok laa Abraham eppegppanab daakkunu ii mettom, amge Kayak Nug dimppa wan imu Abraham, amu nug buɗub ele madakkunu nai qakka aum. Amu haen Abraham nug nid iitta oiyeye, Kayak Nug nai amu amegppa qakka aum.

Sam 37:29

Genab tutukku hak danab ag aulag wan imu aɗan, imuppa hanhan daaglag.

Sam 37:22

Amu Yawe Nug danab ah itadtte ele amu, ag geha ag aulag wan imu aɗan daaglag, amge nug laa ag eheɗ laa awaknu anak waappa daaglagnu atte, ag mauhkkulag.

Matyu 5:5

Danab aun aɗi ag akka, ag onig qe nak kobol hetteb ele amu, ag itittak ena aoppig daatteb. Aɗinu? Ag wan imu oh aoglag.

Namba 34:2

“Na Israel danab ah ag inam hekkulagnunab appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Da ag Kanan wan, ag aulag daakkunu aakku madattem. Haen ag Kanan wanppa nokkulag amu, imu amu geha ahilag wan tom daakku.

Eksodas 33:1

Amu Yawe Nug Moses amegppa inam aum. “Na danab ah na Isipnu omalatte uɗippig ele amu, ag aben imu uun, wan laa, da Abraham, Aisak, Jakop ele wan amunu amelagppa, ‘Wan laih umu, geha da ag buɗulkad madakkul’ mattien, nai ɠagattag qettami amu, ag wan amuppa gokkulagnu omaladna ukke!

Genesis 48:4

nug nai inam da amelppa aum. ‘Da heppi, na buɗunad kuɗumnab bena, huu okkai anen anen oh laippu daaglag. Wan imu amu, da na buɗunad madappi, ahilag wan hanhan daakku.’ Nug anam awa, da amelppa aum.

Genesis 28:13

Yawe Nug adqaɗ igippa dayaya, nug Jakop amegppa aum. “Da am Yawe, na alan Abraham, na mamen Aisak ele dilah Kayak. Na niittemppa, wan amu da heppi, na, amu na buɗunad ele aoglag.

Genesis 28:4

amu Kayak, Abraham itittak ena mettom amu, Nug heeb, itittak ena amu na beɗunppa dayebeb, na wan laihnu danab wan imuppa gemu daattem ele amu, Kayak, Abraham amegppa aum bia, na wan imu aokkutnu ool daatte,” awa aum.

Genesis 24:7

Yawe, Nug hab aabppa Kayak amu, Nug he, da appal diig, amu da mamelad ele uuadmi; Yawe Nugib da amelppa inam hekkunu nuhig nai ɠagattag qetta, inam aum. ‘Da na buɗunadppa wan imu oh madakkul.’ Nug anam aum amunu, Nug engel nuhig meeb, na noomppa anuqa ukka, keeke oh babaitteb, na Aisaknu ah laih uppanu aokkut.

Aisaia 63:18

Haen tutuib ig nahip aben nahipnu tituanak daatte gumamut Ao, ig gumamut, amge gemu amu, kekeɗ ihinig ag nahip mettid lag heeg nauhom.

Duteronomi 34:4

Yawe Nug Moses amu ippunittowa, nug amegppa aum. “Wan iikku, da Abraham, Aisak amu Jakop ele, ag buɗulkad madakkulnu amelagppa nai ɠagattag qette ami. Gemu da hei, na anidme, amge na wan amuppa ii nomana,” awa aum.

Genesis 18:18

Abraham buɗuppud kuɗum, ɠagattag ele bekkulag. Wanppan wan ohppan danab ah ag nuhigppa itittak ena aoglag.

Genesis 13:17

Aria, da na wan imu medakkul amunu, na ahan oinna, wan imu oh antte!” awa aum.

Genesis 15:7

Abram nug Yawenu nai ooppa genab doye, amu Yawe Nug Abram amegppa aum. “Da am Yawe. Da na wan imu medappi, nahip daakkunu Ur, Kaldia wanppanu awitten, omaitti uɗime,” awa aum.

Genesis 28:14

Na buɗunad ag wan gappud bia appatna, wan aben imuppanu qaban uɗitteppanu daatte, wan kaɗag uɗitteppanu daatte, wan yawalti uɗitteppanu daatte, amu wan yau uɗitteppanu daatte ele aoglag. Aoppeg amu, wan laa ohnu danab ag na, na buɗunadppanu ele itittak ena aoglag.

Genesis 50:24

Aria, dimppa Josep nug awakkud amag ele amelagppa aum. “Da mauhkkul hettem, amge Kayak Nug ehanatteb, ag eɗun, Kanan wanppa gokkulag. Kayak Nug Abraham, Aisak amu Jakop ele wan amu madakkunu nuhig nai ɠagattag qa, ag amelagppa mattiom,” awa aum.

Eksodas 32:13

Na nahipad maɗi nid, am Abraham, Aisak, Jakop ele, na amu dilag dabmenana, na amu dilagnu keeke hekkutnu na oninppa, nahip nai ɠagattag qena ame amu, na nai amu dabmekkutnu oɗ medattem. Na nai ɠagattagnab qakkan, ag amelagppa ame am inam. ‘Da dakka da onilppa nai imu ɠagattag qetten, inam attem. Da geha heppi, ag buɗulkad ag kuɗumnab, hoɗopai daatteb bia bekkulag. Anam amu, da geha ag wan imuppa daatteb ele amu, da wan imu oh ag buɗulkadppa madappi, ag aulag hanhan daakku.’ Na anam ag amelagppa ame,” awa aum.

Duteronomi 9:5

Amu ag am genab tutukku hak danab, o ag am danab ag dabmak oiyak ahilag ele am tutukkuib amunu, ag wan amu aoppeg, ahilag daakkunu hetteb aib dabmeppig. Iitta. Danab amu ag ahilag hak nau amunu, Yawe, ahilag Kayak, Nug heeb, ag Israel ag ag lamadkkulagnu, Nug ag mamelkad aɗi, Abraham, Aisak, Jakop ele, ahilagnu Nug anam hekkunu nuhig nai ɠagattag qetta aum, amu meu okkunu, Nug anam hekku.

1 Stori 16:18

Nug Jakop amegppa aum. “Da Kanan wan na medakkul. Ao, da na medappi, wan amuam na aut aakku daakku,” awa aum.