Genesis 12:15 - Nobonob Baibel

¹⁵ Anidna amu, Paro ehanittak anuqak danab ag Paro amegppa Sarainu inam appig. “Nug amu ah enanag,” aon appig. Ag anam anana, ⌊Paro he,⌋ ag Sarai omalna, Paronu lag enanagnab, amuppa goppig.

Genesis 12:15 Referans Kwoze

Genesis 20:2

Appa daayya, Abraham nug Sarahnu aum. “Nug amu, da appinal,” awa aum. Anam aum amunu, Gerar dilag king Abimelek nug Sarah nug wau daakkunu awom.

Hibru 13:4

Ewau dayaknu amu, ag oh amunu ena doyeg! Danab ah ele ewau daattep, aa gappai laa aib hepiɗ. Aɗinu? Kayak Nug geha ewau pakkua gappai hak danab, amu laa gappai kobol laala hetteb ele, Nug ag epeɗiadkku.

Jeremaia 46:17

Ag gona, appa tena, ag akkulag. “Isip dilag king Paro, nug oɗeppaib mattiak danab; keeke laa ii hette. Nug keeke hekkunu haen dayom, amge nug ii heum,” ’ aon akkulag.” Yawe Nug Jeremaia amegppa anam aum.

Prowerb 29:12

Gumak danab laa nug hambuppuak danab dilag nai dootte dayeb amu, nuhig ehanittak anuqak danab oh ele ag aakku nau hak danab bena daaglag.

Prowerb 6:29

Amubia, danab aun laa nug danab laa wau ele niiglah amu, nug guittak aokku; nug geha amunu nob nau aokku.

Sam 105:4

Ag Yawenu, nuhig ɠagattag okkai elenu oolagppa genab doyeg! Ao, ag hanhan Nug anidna dim lamidkkulagnu Nug mattieg!

2 King 18:21

Antteg! Isip am dudqak hokkat nau, qao aoɗakppa hak bia daatte. Danab nug dudqak hokkat amu eppegppa aɗa, dud qa oikkunu heebeb, hokkat amuam eppeg yaakku. Isip anam daatte, amge na ag na ehanidkkulagnu dabmettem. Aun aɗi ag Isip ehanadkkunu dabmetteb ele amu, Isip dilag king Paro, nug ahilagppa dudqak hokkat amu, anambia daatte,” ’ ” awa aum.

1 King 3:1

Am Solomon nug Isip dilag king Paro ele aa nug tituanpiɗ. Wan aɗit amu, Israel wan am Isip wan ele, aa ban ii hemaya, ena, hamu daaglahnu, aa amunu anam hepiɗ. Aa tituanak amu heya, Solomon nug Paro aɗeg nuhig ah daakkunu awom. Am Solomon nug ah amu awa, nug omala, Dawitnu Aab, appa uɗie dayom. Nug ah amu awa uɗie, nug appa dayeye ukke, Solomon nug nuhig lag enanagnab ha malowa, nug Yawenu mettid lag ha malowa, amu nug Jerusalem aɗub, Jerusalem talilitta daakkunu ele ita male ⌊ukke, ah amunu laug ele ha male, ah amu nug lag amuppa ta,⌋ haen amuppa nug dayomppa dayak am batom.

Eksodas 2:15

Moses nug danab qe mauhom dimppa, Paro nug Moses keeke heum amu nai oiye doya, makkuɗeb mauhkkunu dabmeum, amge Moses nug amu doya, ⌊nug Paro baɗitta,⌋ nug oola, Midian wanppa ukkom. Nug ukka ta, le moɗ laa giginppa dayom.

Eksodas 2:5

Nid amu appinag nug anam hibaitta dayeye amu, Paro aɗeg le laakkunu, nug nuhig maɗi ah ele, ag leppa noppig. Aria, maɗi ah ag le ihippa oiyegeg, Paro aɗeg ⌊nug le layom. Le layaya amu⌋ nug qao ooppa kaleg antta, nug he, begbeg maɗi ah laa ukka, awa doum.

Genesis 41:1

Grep titia mettak danab nug daug atie ukke, maɗ aɗit dimppa amu, Paro nug tul niiom. Tulppa nug le Nil daugppa dayeye,

Genesis 40:2

amunu, Paro nug ahilahnu oo nauhe,

Esekiel 32:2

“Danab bekka, na nai oo doyak ele imu Isip dilag king Paro nug amegppa inam appe doyaɗ! ‘Paro, na am wanppan wan laa oh oolagppa laion bau bia daattem. Ao, na am yuppan doɗ okkai nau ele bia daattem. Wagai nug le nakokppa itoɗiaya, baegppa heehe, le dubuttid ele daatte, na amubia hettem,’ ” awa atte.

Jeremaia 25:19

Juda aɗi dimulagppa am da ⌊tuleglegppa⌋ Isip dilag king, nuhikkud ehanittak amu nuhikkud ehanittak anuqak danab, nuhikkud danab ah oh ele ag lakkulagnu mattami.

Genesis 12:14

Aria, Abram Isip wanppa ukka te, Isip danab ag Abram wau Sarai, nug am ah ena, iɗu tuqaknab ele anidppig.

Genesis 26:7

Nug Gerar dayeye, appanu danab ag Aisak, Rebekanu oɗ medappig. Haen ag oɗ mettaeg amu, Aisak nug Rebekanu, “Nug am da waal,” akkunu baɗom amunu, nug Rebekanu, “Nug amu da appinal,” awa aum. Rebeka nug ah iɗu tuqak ele amunu, Aisak nug amu dabmaama, appan danab ag nug Rebeka aoglagnu nug qeppeg mauhmanu, nug Rebekanu, “Da waal,” ii aum.