Genesis 12:11 - Nobonob Baibel

¹¹ Nug ukka, Isip gukkuitta, nug Sarai amegppa aum. “Da doottem, na am ah ena, iɗun tuqaknab ele

Genesis 12:11 Referans Kwoze

Genesis 26:7

Nug Gerar dayeye, appanu danab ag Aisak, Rebekanu oɗ medappig. Haen ag oɗ mettaeg amu, Aisak nug Rebekanu, “Nug am da waal,” akkunu baɗom amunu, nug Rebekanu, “Nug amu da appinal,” awa aum. Rebeka nug ah iɗu tuqak ele amunu, Aisak nug amu dabmaama, appan danab ag nug Rebeka aoglagnu nug qeppeg mauhmanu, nug Rebekanu, “Da waal,” ii aum.

Prowerb 21:30

Doyak dabmak ena ele laa, o diignu doyak tutukku laa, o maittak awak laa; amu oh oolagppanu Yawe eɗidkkunu elele iitta.

Genesis 29:17

Lea nug ameg am neekkak ena, amge Rahel nug ah enanag, iɗu tuqak ele.

Genesis 12:14

Aria, Abram Isip wanppa ukka te, Isip danab ag Abram wau Sarai, nug am ah ena, iɗu tuqaknab ele anidppig.

Solomonnu Ahi 1:14

Aben laa onig Engedi appa grep dad eppakppa bala onig hena mappat-tteb; amu laa dahilnu oo mauhtte ele amu, nug bala enanag amubia dahil neekkakppa daatte.

2 Samuel 11:2

Dayaya, tueb laappa Dawit nug niiak aben nuhigppanu aha, nug laug, koɗokko uɗem ukkak ele amuppa ta oiyom. Nug oiyaya, neekke ukke, nug ah laa le layeye anttom. Ah amu nug iɗu tuqaknab ele.

Genesis 20:2

Appa daayya, Abraham nug Sarahnu aum. “Nug amu, da appinal,” awa aum. Anam aum amunu, Gerar dilag king Abimelek nug Sarah nug wau daakkunu awom.

Genesis 24:16

Rebeka nug ah makkun, iɗu tuqaknab. Nug danab laa ele nakok ii oipiɗ. Nug le moɗppa noa, hanakppa le ita, mawa beum.

Genesis 6:2

Kayak bekkod ag danab amu aɗelkad, ag iɗulag tuqak ele anadna, ag ahilag dabmakppa diippig.

Genesis 20:13

Da aomi, amu dimppa Kayak a, da aben laih gokkulnu ahami amu, haen amuppa da Sarah amegppa inam ami. ‘Na dahilnu oo mauhak doottem dayeb amu, na amunu ib inamppa ippuniɗkkutnu oɗ medattem. I oiɗɗa, na aben ohppa dahilnu inam akkut. “Nug am da awal.” ’ ” Abraham nug anam aum.

1 King 1:4

Abisak nug am nid ahin enanag, ag nug aon uɗieg, nug king ehanitta atognottom, amge king nug ah amu beɗu laa ii aɗom.

Prowerb 29:25

Danab dilagnu baɗittak am pelem bia daatte; amge aun nug Yawenu ooppa genab dootte, nug eleleib daakku.