Genesis 1:24 - Nobonob Baibel

²⁴ Keeke amu anam ba daye, Kayak Nug aum. “Wanppanu doɗ iɗu iɗu oh, ag diilkad piɗe piɗe, amuam aabppan doɗ, doɗ laa ag oolag wan qeeqe oitteb, amu doɗ dakkuɗ ele, doɗ amu oh ag anen anen appatna, ag diilkad amubiaib bekkulag amu, doɗ amu oh ag beig!” awa aum. Kayak Nug anam a amu, am anam aakku beum.

Genesis 1:24 Referans Kwoze

Job 40:15

Na doɗ naɗinab laa onig behimot antte! Da na, nug ele oh hatmi. Doɗ amu nug makau okkai ebehi ele gikkiɗah latte bia gikkiɗah latte.

Genesis 6:20

Ai, doɗ, doɗ laa ag oolag wan qeeqe oitteb ele amu, amu oh aɗit aɗit nahip-ppa uɗiglag, amu na diiadna, bau daaglagnu uub ooppa maatte!

Genesis 8:19

Noeg amu, doɗ, ai, doɗ laa ag oolag wan qeeqe oitteb ele oh amu, ag uub dimittim noppig. Doɗ iɗu laa, anig, dawai ele aa noeh, doɗ iɗu laa anig, dawai ele nopiɗ. Ag anamib nona nona, malappig.

Sam 148:10

doɗ dakkuɗ, doɗ manan, doɗ naunau, ai hagagaɗtteb ele,

Job 39:5

Anukka donki dakkuɗ ii daappig, mananib, amge aun he, gemu ag dakkuɗ hamu qagattak iitta daatteb? Ge, aun ag anam daaglagnu uhuqattom?

Genesis 7:14

aria, doɗ dakkuɗ, doɗ aabppanu, ai, doɗ laa ag oolag wan qeeqe oitteb oh ele, amu oh ag anen anen appatna, ag diilag amubiaib betteb amu, ag uub ooppa nona malappig.

Sam 104:23

Ag abenlagppa wana daaegeg amu, danab ah ag uɗatppa gotteb. Ag uɗat heegeg ukka, tueb ma, uudokkunu hette.

Sam 104:18

Meeme dakkuɗ ag gikkiɗah qauko attan bette ele, ag amu latteb. Doɗ onig mennu badsa, ag men gukka waappa, ag appa ena daatteb.

Job 39:19

Hos amu, nate hee, hos ag ɠagattag okkainab ele daatteb? Ge, nate hee, hos duugppa uɗig enanag daatte?

Job 39:9

Makau okkai ebehi ele dakkuɗ laa, nug uɗia, nahip uɗat hekkunu oo hekkute? Ge, nug tuqan ee mettak tappiɗ daugppa dayaya, butti eɗua nahip uɗat hekkute?

Job 39:1

Na meeme dakkuɗ haen ganeb nag menutte doottemte? Ao, doɗ dia nag menuewe, na neegna anidttemte?

Genesis 1:23

Buttua ukka uudo, ukka wagkkaɗom am deɗ ebqak tanig ele.

Genesis 2:19

Amu anukka Yawe Kayak Nug wanppanu doɗ iɗu iɗu oh, ai iɗu iɗu oh ele wanppanu hatte bena daaegeg, Nug Adam ahilagnu anen anen ag onilkad ataɗadkkunu nug noobppa diia uɗie, Adam nug ag onilag ataɗatte, anam daappig.