Galesia 6:1 - Nobonob Baibel

¹ O lailad, danab laa nug hipunin laa heeb, ag anidna amu ag danab ag Kayak Ouɗi ele, ag danab amu eɗun aoglagnu nai bodoettak eleppa oo babaitteg! Ag aib nuhignu guhuɗittak kobol heppig. Ag oh anen anen ahilagnu dabmeig! Satan nug ag ele eheɗ hekkulagnu oolag eeɗkkunu daatte.

Galesia 6:1 Referans Kwoze

Rom 15:1

Ig danab ig oonigppa genab ɠagattag doottem ele, ihinig uɗat am danab ag oolagppa genab ɠagattag ii dootteb ele ag ehanadkkunignu daatte. Ag akka ahilag uug maoglagnu elele iitta amunu, ig ehanadta, uug ahilag maotu! Amu ig ikka ig aɗi hekkunignu oonig daatte amu, ig ihinig dabmak amuib aib dim lamidta oimut.

2 Tesalonaika 3:15

Amge nuhignu kekeɗ bia aib anidppig. Iitta. Ag nuhignu ag lailag doonna, nau aomanu nai metteg!

2 Timoti 2:25

Nug laa ag nai nuhig tappaeg nette ele oo bodoettak kobolppa ag ib tutukku ippuanattaɗ! Kayak Nug ag oo eɗuak madakkunu, ⌊ag oolag eɗueb,⌋ ag doyak diig genabib tutukku dooglagnu nug anam hekku.

1 Jon 5:16

Laa nug layag hipunin hette anidtte, amge hipunin am he, danab mauhtte, amu iitta ele antta amu, nug layagnu Kayak unuqitteb, Kayak Nug heeb, nug layag bau daakku. Nai amuam hipunin nug he, danab ii mauhtte amunuib, amge hipunin laa nug he, danab mauhtte ele amu, da ag amunu unuqidkkulagnu ain ii attem.

2 Korint 2:7

Amunu uug naunab danab amu tonamanu, ag bu mettak amu uuna, ag nuhig hipunin amu uhuqna mettan, ag oo mekkunu nug oo aweg!

Hibru 12:13

Amu ag oolagppa laa ag baelag nau autaut oitteb ele amu, ag nauhna autna aomnanu, ag eɗun ena daaglagnu, ib ag oh tappan gotteb ele, ag ib amu bappaidna autna aweg!

1 Pita 3:15

Iitta. Ag oolagppa Kristus Nugib am ahilag Naɗi daatte doyeg! Keeke ena ag aoglagnu dabmak aɗan oitteb ele amu, laala ag amunu diignu oɗ madappeg, ag nai nob mekkulagnu bappaidna daaglag,

Rom 14:1

Aria, danab laa nug ooppa genab doyak nuhig ɠagattag iitta dayeb amu, ag nug aon tamaniak ahilag ooppa omalna noig! Amge ag dabmak laala, dabmak amuam keeke anuqaknu iitta, danab oh ag amunu ele dabmak laippu ii aotteb amu, ag nug ele amunu aib nai appeg ona appeg doum.

Esekiel 34:16

Amu Yawe Nug atte. “Da geha laa ag padal meppig mattialadkkul; ele amu, laa ag dabmak iitta eleppa tamtam goppig daatteb amu, da eɗue omaladppi uɗiglag. Da geha laa ag guittak aoppig daatteb bappaladkkul; laa ag oɗe meppig daatteb amu, da ehanadkkul. Da anam hekkul, amge da geha sipsip laa ag eheɗ henan titiɗppig, amu laa eheɗ hakppa ebehilag ɠagattag daatteb ele heppi nauhadkkulag. Da geha dahil sipsip nai doya mala hettoɗia epeɗia elele mettak kobolppa dabmatten atognoadkkul,” awa atte.

1 Korint 10:12

amunu, danab laa nug ɠagattag hibaitta daatte dabmette ele amu, nug na qemanu dabma auta awaɗ!

1 Korint 4:21

Aria ag attemtai? Ag kobol ahilag ii bappaidppeg, da bu aɗe ahilagppa gokkulnu oolag daattete? O iitta ag eɗun ena heppeg, da oo mauhak kobol, kobol bodoettak eleppa gumatten gokkulnu oolag daattetai?

Jems 3:2

Am ig oh haen kuɗum taataɗ qettak hettem, amge danab laa nug nai mattiak nuhigppa eheɗ laa ii hette dayeb amu, nug danab elelenab; nug nuhig meu oh ena atognokkunu elele.

2 Korint 10:1

Da am Pol. Am danab laala ag nai da beɗulppa yaan, inam aon maditteb. “Nug ig ele daattem haenppa amu, nug nukka onig qe ne, ig ele daattem, amge haen nug piɗe dayaya amu, nug nai ɠagattag ig megatte,” aon atteb. Amge da Pol, da am Kristusnu kobol, Nug nukka Nug binagnu ii dabmaama, Nug dagom kobol, oo bodoettak kobol ele danab dilagppa heum, amubia da ahilagppa hein, nai madippi, ag dahil nai dooglagnu unuqadttem.

Matyu 9:13

Gemu ag nai imu Kayak Nug mattiom, nuhig naippa daatte, ag nai amu anidna doyeg! Nai am inam. ‘Da ag laanu oolag gai-iitta doon oolag mattan ehanadkkulagnu anuqak doottem. Da ag doɗ main meɗaglagnu anuqak ii doottem.’ ” Jesus Nug anam anana, Nug tuɗitta aum. “Da genab tutukku hak danab ag oolag eɗukkunu ii uɗimi. Iitta! Da hipunin danab ag oolag eɗukkunu uɗimi,” awa aum.

1 Korint 14:37

Danab laa nug, “Da am propet,” dabmette dayeb, o nug, “Kayak Ouɗi Nug dabmak ippuniɗtte,” dabmette dayeb amu, aria nug nai da ahilagppa yaattem imu, nug amunu, “Naɗinu ɗo anam daatte,” ele anaɗ!

1 Korint 7:5

Ag ewau matulak aoppig ele amu, ewau laa ooppa laa nug aib laa guhuɗitta, wagai ma nug beɗu hagakka awom. Amge aa Kayak unuqidkkulahnu heya, oolah laippu meya, haen tutu tituankkulah dayeb, haen amuppa aa nug ii aomya, amuam elele. Amge haen tutu amu maleb, aya aa ahilah oiyak pehettak atognoak kobol dim lamidkkulahnu elele iitta daamyanu, amuppa Satan aa gappai kobol hekkulahnu eeɗatmanu, aa eɗui, nug aoglah.

1 Korint 2:15

Am danab nug Kayak Ouɗi ele, nug keeke oh anen anen, laa am ena laa am nau ele amu, nug amu oh epeɗiadkkunu elele, amge danab ag Kayak Ouɗi iitta, ag danab amu epeɗidkkulagnu elele iitta.

Rom 8:6

Danab nug oo alagnu keekenu dabmak anuqak awawa oitte, danab amu nug mauhkku. Danab nug Kayak Ouɗinu keekenu dabmak anuqak awawa oitte, danab amu nug bauklel awa, maɗoɗ daakku.

Matyu 11:29

Ag gugappan tuqai dahil aon gukkalagppa mewona, ag dahilppa dabmak aweg! Aɗinu? Da am wagai mak danab iitta, amu da am oo doyak ele. Ag anam henana, ag oolagppa uug iitta oiglag.

Jems 3:13

Danab laa nug ag oolagppanu nug doyak dabmak ena ele, amu diignu doyak tutukku ele daattete? Anam dayeb amu, danab laa ag amu anidkkulagnu, nug nuhig oiyak enanag baɗ! Yo, laa ag amu anidkkulagnu amu, nug ele nukka nukka binag mak kobol iittappa, kobol doyak dabmak enappanu bette amu, nug kobol amuppa danab ehanattaɗ!

Hibru 13:3

Ag lailkad laa maniguittakppa daatteb ele, ag ag ele oh maniguittakppa daalob bia doon, ag amu dilag dabmenan dayeg! Ele amu, ag lailkad laa, danab laa ag eheɗ hadatteb amu, ag ele guittak amu aolob bia doon, ag amu dilag dabmenan dayeg!

Galesia 5:23

oo bodoetta wagai mak iitta kobol, laa nug nukka nug nuhig oiyak pehettak atognoak kobol ele. Kobol amunu oh, amu haknu ɗo laa ii daatte.

2 Samuel 11:2

Dayaya, tueb laappa Dawit nug niiak aben nuhigppanu aha, nug laug, koɗokko uɗem ukkak ele amuppa ta oiyom. Nug oiyaya, neekke ukke, nug ah laa le layeye anttom. Ah amu nug iɗu tuqaknab ele.

1 Korint 3:1

O lailad, da ag amelagppa nai mehuqmi amu, da danab Kayak Ouɗi oɗe dim lamidtteb dooglagnu nai mehuqttem bia ii mehuqmi. Iitta. Da nai mehuqmi amu da nai, danab dabmak alag ele dooglagnu mehuqttem, nai amubia ag amelagppa mehuqmi. Ag ahilag Kristusnu dayakppa amu, ag yuɗ daaegeg nai mehuqmi.

Matyu 26:75

Matuk gaye amu Jesusnu nai Pita daugppa doum. Nai amuam inam. “Tuqan imuppa na dahilnu, ‘Da Nug ii doottem,’ aon, ewam batak akkut. Na haen ewam anam appe, geha matuk dawai nug gaakku.” Nai amu Pita daugppa do, nug dimittim ukka, huanaknab gayom.

Matyu 26:69

Ag anam heegeg, Pita nug lag amunu haɗap-ppa heɗep na dayom. Dayeye, mana mettak ikki danab, nuhig maɗi nid ahin laa nug doa aum. “Na ele Galili ted Jesus, Nug ele oipiɗ,” awa aum.

Sam 141:5

⌊Amu da digmein, eheɗ hekkul hettem dayeb amu, na heppe,⌋ genab tutukku hak danab nug da bu iukku, o nug da daul batakku, am ena; Da bu qak, o daug batak amu ii uupa. Da eheɗ hak danab ag hanhan tuɗidna, eheɗ hemananu unuqidttem.

Galesia 6:18

O lailad, ihinig Naɗi Jesus Kristusnu ehanittak okkai hamu mettak ahilagppa dayaɗ! Genab!

1 Tesalonaika 4:1

Ao ig lainkad, ig kobol Kayak oo niitte bia, ag amuppa oiglagnu ippunadmut amu, ag amu dim lamidtteb. Gemu amu, ig Naɗi Jesus onigppa ag huana dim lamidkkulagnu ahilkad dabmak maɗedattem.

2 Korint 2:8

Uug okkai amu nuhigppa bemanu, da ahilag oo mauhak nuhignu ippunidkkulagnu ahilkad dabmak maɗedattem.