Galesia 5:2 - Nobonob Baibel

² Doyeg! Da am Pol, amu da ag amelagppa attem. Ag am Kayak noobppa ena daaglagnu henana, ag ɗo dim lamidna, gaɗa otaɗak aoglag dayeb, geha Kristus uɗat heum daatte am ag ii ehanadma. Iittanab iitta.

Galesia 5:2 Referans Kwoze

Galesia 5:6

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Nuhigppa keeke laippuib am okkai daatte. Amuam danab nug ooppa genab doya, laa dilagnu oo mauhtte.

Aposel 15:1

Pol, Barnabas ele aa Antiok appa Kristen tamaniak ele daaegeg amu, danab laala ag Juda wanppanu uɗina, Kristen amelagppa appig. “Laa nug Jesusnu ooppa genab dootte amu, nug gaɗa ele otaɗak awaɗ! Laa ag Mosesnu ɗo amu ii dim lamidna, gaɗa otaɗak ii aoglag amu, aria geha Kayak Nug ag eɗua ii diiadma,” aon ippunadna appig.

Hibru 4:2

Aɗinu? Ig anukka Israel ag Nai Ena dooppig bia, ig ele doomut, amge ag am hamu bia doonna, ag oolagppa genab ii dooppig amunu, Nai Ena ag dooppig ele amu, ii ehanattom.

Galesia 5:11

O lailad, genab da danab ag gaɗalag otaɗkkulagnu nai mehuqttem dayeb amu, aɗinu laala ag da eheɗ heiɗtteb? Am da nai anam mehuqlom, da ig padal mematanu ehanittak Jesus ad emaitakppa mauhomppanu aottem mehuqlom, laa ag dahil nainu dabmak eheɗ aolobte? Iitta.

2 Korint 10:1

Da am Pol. Am danab laala ag nai da beɗulppa yaan, inam aon maditteb. “Nug ig ele daattem haenppa amu, nug nukka onig qe ne, ig ele daattem, amge haen nug piɗe dayaya amu, nug nai ɠagattag ig megatte,” aon atteb. Amge da Pol, da am Kristusnu kobol, Nug nukka Nug binagnu ii dabmaama, Nug dagom kobol, oo bodoettak kobol ele danab dilagppa heum, amubia da ahilagppa hein, nai madippi, ag dahil nai dooglagnu unuqadttem.

Aposel 15:24

Amu ig aakku anidmut. Ihinigppan danab laala ag gona, ag nai mehuqegeg, ag appanu ag nai amu doon ottaippig. Amu ihinigppanu ag gona, nai mattinna, ag ahilag dabmak kabolippig ele amu, ag gona appa anam hekkulagnu ig laa ii amut.

1 Tesalonaika 2:18

Amunu amu ig ag gumadta gokkunignu hemut. Da Pol, da dakka, da ib mein mein anidmi, amge Satan nug ihinig ib oo neum.

Pilemon 1:9

amge da oo mauhak kobol dabmein, anam hekkulnu uumi. Da na nahip oo mettak kobol dabmenana, amu hekkutnu iikku unuqidttem. Yo, da Pol, da kaino mein oittem, da gemu Kristus Jesus onignu hippalak danab daattem amu da, “Na he!” akkulnu uuen, iikku amunu unuqidttem.

1 Korint 16:21

Da Pol, da dakka da eppelppa humattak nai uɗug imuppa iikku yaattem.

Aposel 15:5

Aa amu mattieheh, ɗo gumak danab-Parasia dilag huuppan, ag Jesusnu oolagppa genab dooppig ele ag ahan appig. “Kayak anukka gaɗa otaɗaknu ɗo meum niitte amunu, iitta aɗi danab ag Kristen daaglagnu oolag dayeb, ag ele gaɗalkad otaɗkkulagnab. Ele amu ig apput, ag Mosesnu ɗo oh ele dim lamidkkulag,” aon appig.

Pilemon 1:19

Da Pol, da dakka da eppelppa nai imu uɗug imuppa iikku yaattem. Nug nahip keeke awom dayeb amu, nob amu da geha na medakkul, amge diigppanab, na nob okkainab laa da meɗakkutnu daattenu ii apa.