Galesia 5:12 - Nobonob Baibel

¹² Am danab ag heeg, ag Galesia danab ag kaboliadtteb ele amu, danab nau amu ag, ag Galesia danab uuadna gokkulagnu, tamaniak ooppa ii daaglagnu, ool okkai daatte.

Galesia 5:12 Referans Kwoze

Galesia 5:10

Da Naɗinu oolppa genab doottem, amubia Nug ag ehanatteb, geha ag nai da amelagppa attem imu dim lamidna, ag geha dabmak laa amu ii aɗaglagnu oolppa genab doottem. Amge danab auntai nug ag kaboliadkkunu hette amu, nug geha nuhig eheɗ haknu nob nau aokku.

Taitus 3:10

Laa ele, danab laa nug tamaniak ena loppaɗtte ele, na tolittak uɗat laippu hewona, laa ele heppe amu anam bataɗ! Amu nug baula tippaleb amu, na nug geɗitte!

Josua 7:25

Anam daye, Josua nug Aakan amegppa aum, “Na aɗinu ihinigppa uug aon uɗime? Yawe Nug gemu nahip-ppa uug mekku,” awa aum. Nug anam a, Israel ag Aakan, aria nuhignu ele menppa makkuɗattegeg mauheg, ag nug gaɗa, nuhignu ele manatteg eoppig.

Lewitikas 22:3

Amu na ag amelagppa nai imu appe doyeg! Gemu, buɗub buɗub doobob, hanhan ag, o ag buɗulkadppan laa, nug da, Yawe, Nug da ele ouqa dayaknu elele iitta dayaya, nug Israel, ag ofa dahilnu tituanak, dahilnu tituana mettak ele daatteb aon dotteb, ag Aron buɗub oolagppan laa, nug mana mettak amunu laa awa lakku, o lakkunu bappaidkku amu, nug dagattolppanu geɗittak daakkuoitte. Da am Yawe,” awa aum.

Eksodas 30:33

Danab aun laa nug goɗen imubianab laa hekku, o danab aun nug danab hamu laa, nug mana mettak danab iitta, aun nug danab amu igippa goɗen imu gokkaɗkku amu, ag heppeg, danab amu nug Israel oolagppanu geɗittak daakkuoitte,” awa aum.

Eksodas 12:15

Da ag hekkulagnu attem, amuam inam. Ag deɗ eblaih aɗit ele amu, ag bret yis iitta lakkulag. Danab auntai laa nug deɗ eblaih aɗit ele amuppa keeke laa yis eleppa hak lakku amu, nug Israel oolagppanu geɗittak daakkuoitte amunu, hobul amunu digmakppanu deɗ, ag deɗ amuppa yis oh, ag laulkadppa daatte ele amu, ag agappeg ukkaɗ!

Genesis 17:14

Danab laa nug gaɗa otaɗak ii aotte, nug dahil nug tituana nai qakkaknu nai tippaltte amunu, nug dahilad danab oolagppanu geɗittak daakkuoitte,” awa aum.

Galesia 2:4

Nai imu beumnu diig am, ihinkad laa, ag gaɗalagib Kristen, ag qagmakppa ii uɗilob amge ag oqeqaɗak uɗin, ag lokkumakppa nai italak danab daanna, ag Kristus Jesus uhuqak mekke, ig qakkak iitta daattem anidkkulagnu hena, ag awigna, ɗo waappa begbeg maɗi nid daagnignu meigkkulagnu heppig.

Aposel 15:24

Amu ig aakku anidmut. Ihinigppan danab laala ag gona, ag nai mehuqegeg, ag appanu ag nai amu doon ottaippig. Amu ihinigppanu ag gona, nai mattinna, ag ahilag dabmak kabolippig ele amu, ag gona appa anam hekkulagnu ig laa ii amut.

Aposel 5:9

Ah nug anam a, Pita nug amegppa aum. “Amu aɗinu aa oh nai laippu mattiya, aa Naɗinu Ouɗi ma anttak mettaglahnu hepiɗ? Doye! Danab ag na gamut boumona, geha iikku eɗun doppig, ag odppa hippaidppig daatteb, geha ag na ele boumidkkulagnu mawidkkulag,” awa aum.

Aposel 5:5

Aria, haen Ananias nug Pita nai aum amu doya, nug na qa mauhe, danab oh ag amunu nai doona amu, ag huan baɗappig.

Jon 9:34

Nug anam a amu, ag amegppa appig. “Na anin nug menuittette, na hipunin danab daan autna aome amunu, aɗinu na ig ippunigkkutnu hettem?” aon appig. Ag anam ana, lamitteg dimittim ukkom.

Josua 7:12

Ag anam heppig amunu, Israel ag kekeɗ ahilkad, ag amu dilagnu oolna gotteb. Amunu ahilkad kekeɗ ag eɗadtteb. Aɗinu? Keeke dahilnuib dahil pelemppa daatte ag oolagppa daatte amunu, gemu Israel, ag ele ag dahilnuib dahil pelemppa daatteb. Anam amu, ag keeke nauhkkunu dahilnuib dahil pelemppa daatte, keeke amu ag oolagppa daatte amu, ag heppeg ii nauhkku dayeb, da tuɗitten ag ele ii daamta.

Duteronomi 23:1

Am danab laa nug hipab otaɗak, o hipab nauhak ele dayeb amu, nug Yawenu danab ah, Israel, nug ag ele laippunab ii daama.

Genesis 30:34

Jakop anam a amu, Laban nug aum. “Ena, na ame amu, i anam hekkunih,” awa aum.