Galesia 5:10 - Nobonob Baibel

¹⁰ Da Naɗinu oolppa genab doottem, amubia Nug ag ehanatteb, geha ag nai da amelagppa attem imu dim lamidna, ag geha dabmak laa amu ii aɗaglagnu oolppa genab doottem. Amge danab auntai nug ag kaboliadkkunu hette amu, nug geha nuhig eheɗ haknu nob nau aokku.

Galesia 5:10 Referans Kwoze

Galesia 5:12

Am danab ag heeg, ag Galesia danab ag kaboliadtteb ele amu, danab nau amu ag, ag Galesia danab uuadna gokkulagnu, tamaniak ooppa ii daaglagnu, ool okkai daatte.

Pilipai 3:15

Amu ig oh ig danab kalunig ele daattem amu, ig da nai ami amubia dabmetu! Amu ag dabmak laa ele, dahil bia iitta daappeg amu, Kayak Nug nukka ahilag dabmak tutukku medakku.

Galesia 1:7

Amge Nai Ena laa ii daatte. Iitta. Amge danab laala ag heeg, ahilag dabmak kabolie, danab amu ag Kristusnu Nai Ena eɗuegeg, ib laappa gokkunu hetteb.

2 Korint 2:3

Da nai matu ahilagnu yaami amu, da diig imunu yaami. Ag da maɗoɗppan gamag ahak meɗaglagnu daatteb, amge ⌊ag uug laala ii bappaidppeg da ahilagppa golom amu, da oolppa uug doolom amunu,⌋ haen da ukken, ag uug laala ii bappaidppig anttena, da oolppa uug doopanu nai amu yaami. Ahilagnu amu, da ag aɗi kobol tutukku hekkulagnu maɗoɗppan gamag ahak meɗatte dootteb amu, da ag ele amunu maɗoɗppan gamag ahak dootteb genab doomi.

1 Timoti 1:20

Kobol amunu amu Himeneus, Aleksander ele aa anam hepiɗ. Aa anam heeh, da aa tamaniak ooppanu lamati, dimittim Satan eppegppa wapiɗ daattep, amuppa aa oolah eɗueb, aa baula Kayaknu dabittak nai ii mattimyanu dabmak aoglah.

Galesia 6:17

Aria, batakkulnu amu da danab laa nug gaɗa otaɗaknu nai amunu uug laa meɗakkunu, amu da ool ii daatte. Aɗinu? Danab ag Jesus onignu oiɗeg, duɗuppal da beɗulppa daatte, amuppa nai da attem amuam genab daatte ippunigtte.

Galesia 4:17

Genab, danab laala ahilagppa uɗat hetteb amu, ag wagai mena eeɗadkkulagnu amelag qagatteb, amge nai ittag amuam kobol enappa ii gotte. Danab amu ag heppeg, ag Galesia danab ag ig ele ouqak ii daapput, ag Galesia ag eɗun danab amu binalag mekkulagnu hetteb.

Galesia 3:1

Galesia ag am dabmak tutukku iitta danab. Da Jesus Kristusnu ag amelagppa mattiiyi, ag geha aakku Nug ad emaitakppa atuleg dayeye anidppig bia dooppig. Amu aun nug he, gemu ag ahilag dabmak am kaboliak daatte?

Galesia 2:6

Aria danab da ele nai mattimut, ag da nai mehuqttem ele amu, ag nai amu ii tuɗidppig. Eleleib dooppig. Danab laa ag amu dilagnu, “Danab okkai,” atteb, amge amuam genab o genab iitta, da amunu dab-ii-mettem. Aɗinu? Kayak Nug danab dilag neekkakppa danab laanu, “danab onig ele,” laanu, “danab onig iitta,” Nug dabmak amu dab-ii-mette.

Galesia 2:4

Nai imu beumnu diig am, ihinkad laa, ag gaɗalagib Kristen, ag qagmakppa ii uɗilob amge ag oqeqaɗak uɗin, ag lokkumakppa nai italak danab daanna, ag Kristus Jesus uhuqak mekke, ig qakkak iitta daattem anidkkulagnu hena, ag awigna, ɗo waappa begbeg maɗi nid daagnignu meigkkulagnu heppig.

2 Korint 10:6

Ig Kayaknu ban haknu keeke aɗattem amunu, ag oolagppan aun aɗi ag ⌊Kristusnu⌋ nai dim lamidtteb tatam doota, dimppa amu ig nai tappe nak danab nob nau mattagnig.

1 Korint 5:5

aria danab amu nug beɗu nauhkkunu, amge nug ouɗi Naɗi Jesusnu deɗppa Padal ii maknu ehanittak aokkunu, ag danab amu aon, Satan eppegppa meig!

Aposel 15:24

Amu ig aakku anidmut. Ihinigppan danab laala ag gona, ag nai mehuqegeg, ag appanu ag nai amu doon ottaippig. Amu ihinigppanu ag gona, nai mattinna, ag ahilag dabmak kabolippig ele amu, ag gona appa anam hekkulagnu ig laa ii amut.

Pilemon 1:21

Da imu am genab daatte doottem; na geha da nai yaami imu oh na hekkut amunu, da uɗugppa nai imu aakku yaami. Amge da doottem, na gemu kobol hekkutnu, da na amenppa attem ele imu amu, na amuib ii hemana. Iitta. Na amu eɗittak, enanagnab hekkut.

2 Tesalonaika 3:4

Am Naɗi Nug ihinig dabmak maɗette, ig ahilagnu inam dabmeta doottem. Kobol oh ig ag hekkulagnunab amelagppa mattimut amu, ag henana daatteb, dimppa ele ag anam hekkulag.

Galesia 4:20

Gemu da ag ele oh daatta, da oɗelppanab ag amelagppa nai mattilomnu ool daatte. Aɗinu? Gemu da ahilag kobolnu amu dabmak kuɗum aottem.

Galesia 4:11

Ag anam hetteb amunu, da ahilagnu uɗat okkai hemi ele, da amunu, “Da hamutai kakidmi,” ainne, baɗe daattem.

2 Korint 13:10

Gemu da ippa dayeye, da ahilag nai imu yaami amu, amunu diig am, da nai imu yaappi, ag anidna ebqena, ag da yaami bia keeke bappaidppeg, geha da goppi ag ele daatta amu, uɗatnu ɠagattag, Naɗi Nug da meɗom imuppa, da amuppa ag epeɗiadkkulnu uɗat laa ii daama. Nug ɠagattag da meɗom imu am, ahilag ooppa genab doyak amu ɠagattag qedakkunu meɗom. Da heppi, ag nena qekkulagnu ii meɗom.

2 Korint 10:2

Ag oolagppanu laala ag ihinignu, “Ag wan imuppan kobol aɗaladna oitteb,” aon atteb amunu, da attem. Haen ig ag gumadta gota, da dabmak eheɗ amu qeppi nekkunu daattem amunu, da nai ɠagattag ag amelagppa madipanu da ag unuqadttem; ag akka dabmak eheɗ amu qeppeg naɗ!

2 Korint 8:22

Aria, ig am ig lainig laa ele meut, nug aa ele oh gotteb. Ig haen kuɗum uɗat digdigppa ig nuhig hak meta anidmut, am nug uɗat amu hekkunu nug elele ɠagattag heum. Gemu nug ag Korint daatteb amu, ag aɗi hekkulagnu appig amu ag hekkulagnunab daatteb dootte amunu, nug am uɗat amu hekkunu elelenab dootte.

2 Korint 7:16

Gemu amu da ag kobol oh tutukku hekkulagnu hetteb genab doottem amunu, da gamal ahatte.

2 Korint 5:16

Anam amunu gemu amu, ig oo alagppan kobolppa baula danab laa ib amuppa ii epeɗittem. Genab, anukka ig oo alagppan kobolppa Kristus epeɗimut, amge gemu ig anam ii hettem.

2 Korint 2:6

Ahilag danab kuɗum ag danab amu eheɗ heumnu bu medappig, amuam aakku elele. Ag aib baubau huanaknab medappig.

2 Korint 1:15

Da ag ahilag dabmak dahilnu am enaib oolppa genab doye, ag ehanittak aɗit aoglagnu amu da ahilagppa haen aɗit gokkulnu maittak aomi.

Galesia 5:7

Anukka ag am ena oippig. Am aun nug ib oo ne, ag doyak diig genabib baula ii dim lamidtteb? Nug attem he, ag amu uuppig?