Galesia 5:1 - Nobonob Baibel

¹ Kristus Nug ig ɗonu maniguittak hippalikkakppanu uhuqikkom, ig uhuqak aot daattem, ig begbeg maɗi nid ii daattem amunu, ag ahan ɠagattag dayeg! Ag ɗonu maniguittakppa baula aib daappig.

Galesia 5:1 Referans Kwoze

2 Korint 3:17

Naɗi Nug am Ouɗi daatte, amu Naɗinu Ouɗi Nug danab laa, nuhigppa daatte dayeb, keeke laa danab amu aɗa ii maniguidma. Iitta. Hamu elele enaib daakku.

Galesia 5:13

Genab O lailad, Kayak Nug ag uhuqak daaglagnu onilagppa eum, amge ag ahilag dabmakppa aib inam appig. “Ig uhuqak elele daattem amunu, ig beɗunu kobol ele hekkunig.” Ag anam aib appig, amge ag lailkad dilagnu oolag mauheb, ag oh nug dabmattanna ehanatteg!

1 Pita 2:16

Amu ag danab uhuqak ena aon daatteb amunu, ag danab uhuqak aoppig bia oiyeg! Amge amuppa ag kobol nau lokkumna aib heppig. Ag Kayaknu kobol ena dim lamidnana, nuhig maɗi nid dayeg!

Rom 6:14

Hipunin am ahilag okkai baula aib dayom. Aɗinu? Gemu ag ɗo waappa ii daatteb. Ag am Kayaknu ehanittak okkai hamu megatte, amu waappa daatteb.

Rom 8:2

Aɗinu? Kristus Jesusnu uɗat okkaippa Kayak Ouɗinu ɗo, ig bauklel megatte ele, ɗo amu da, ⌊laa oh Jesusnu oolagppa genab dootteb ele⌋ am hipuninnu ɗo, mauhak he bette ele amu, ɗo amu eleppanu eɗua awikke, gemu da, ⌊laa oh ag Jesusnu oolagppa genab dootteb ele⌋ baula keeke aɗit amu waappa ii daattem.

Galesia 4:9

amge gemu ag Kayak dooppig (da Kayak Nug ag doyadtte alom am ena) amunu, aɗinu ag eɗun bittumttum gona, wan imuppan ɗonu hik aqeeqe, ag eɗun uɗat nob iitta, hamu begbeg maɗi nid uɗat hekkulagnu hetteb?

Hibru 10:23

Amu Kayak Nug keeke hekkunu nai qakka aum amu genab meu bekku amunu, ig Jesusnu ooppa genab doyak ihinigppa keeke ena meu okkunu attem amu, ig dabmak amu ɠagattag aɗat auta aota oitu!

Galesia 2:4

Nai imu beumnu diig am, ihinkad laa, ag gaɗalagib Kristen, ag qagmakppa ii uɗilob amge ag oqeqaɗak uɗin, ag lokkumakppa nai italak danab daanna, ag Kristus Jesus uhuqak mekke, ig qakkak iitta daattem anidkkulagnu hena, ag awigna, ɗo waappa begbeg maɗi nid daagnignu meigkkulagnu heppig.

Galesia 4:31

Anam amunu o lailad, ig am begbeg maɗi ah bekkod iitta. Iitta, Ig am ah nug begbeg maɗi ah iitta, ig ah amu bekkod daattem.

Revelesen 3:3

Amunu amu, na nai enanu mattiak na doome ele, nai amu na dautppa dob, na oot eɗueb, nai amu dim lamitte! Na amen ii oppateb daappe amu, da yabhok danab uɗitte bia nahip-ppa wakkul. Da haen adekkuppa nahip-ppa wakkul amu, na ii doomna.

2 Pita 2:19

Hambuppuak ippunittak danab amu ag danab laa ag uhuqak aoglagnu nai anan qagatteb, amge ag aakku hipuninnu begbeg maɗi nid daatteb. Ag hipuninnu begbeg maɗi nid daattebnu diig am aɗi keeke danab laa eɗittom daatte, danab amu nug keeke amu waappa daatte ele amu, danab nug keeke amunu begbeg maɗi nid daatte.

1 Korint 16:13

Ag Korint danab ag ib apiɗidna eheɗ gomananu amu, ag dabmettan autna aona, ag ahilag ooppa genab doyakppa ɠagattag daan, ag ooppa ɠagattag dayak ele daanna, ɠagattag ele dayeg!

Rom 7:6

Amge gemu ig danab laa nug mauha, ɗo waappa baula ii daatte, amubia ig ɗo, nug ig tonikke daamut ele amu, nug waappa ii daattem. Gemu ig ɗo nai yaak daatte ele, amu waappa daata, amuib dim lamidkkunignu uɗat ii hettem. Iitta. Ig am kobol bau, Kayak Ouɗi ihinigppa maɗette ahom ele amu, ig amu hettem.

Rom 6:18

Amu Kayak Nug ag eheɗ hak kobol ooppanu uhuqatte, ag aakku genab tutukku hak kobolnu begbeg maɗi nid beppig daatteb.

Aisaia 61:1

Yawenu maɗi nid nug inam atte. “Yawe Nug da daɗek dilagppa nai ena mehuqkkulnu goɗen gokkaɗakppa tituaniɗom, diig amunu Naɗi Yawe Nug nuhig Ouɗi dahilppa daatte. Nug da laa ag oolagppa uug okkai ele dootteb ehanadppi, ag oolag uug iitta ele dooglagnu, Laa, ag laa aɗalatteg, ag eppelagppa daatteb amu, da appi, ag uhuqak aoglagnu, Da appi, laa ag maniguittak nau gatatu eleppa daatteb, ag uhuqak aoglagnu, Nug danab ah, ahilagnu ii helo bia me, Nug ag ehanatta, oo mak haen madakku amu, Nug da ag amelagppa amunu akkulnu, Nug danab ah eheɗ hetteb ele, ahilagnu eheɗ haknu nob tutukku madakku haennu akkulnu, Nug danab ah ag oolagppa uug dootteb amu heeb, ag oolag mekkunu madikkulnu, Nug da laa ag Sion appa oolagppa uug doon gaatteb amu, da ag ehanadkkulnu, Nug da heppi, laa ag uug anam doon, ikkilkadppa uhuɗ metteb amu, ag eɗun, ena daan, uhuɗ amu ihappeg ukkeb, igippan haɗ neekkak enanag ele ag anen anen ag ikkilkadppa daaglagnu, da heppi, laa ag oolagppa mahiak dootteb ele amu, ag eɗun, enaib daan, danab nug king daakkunu laa nug igippa goɗen gokkaɗe, gamag ahak dootte, amubia danab ah imu ag gamag ahak dooglagnu, da heppi, laa ag oolagppa uug dootteb, ag ouɗilag na qekkunu hette bia doon, lamen ena ii tagatteb, ag oolagppa oo gamag ahak doona, ag Kayak binag mena, ag lamen ena takkaglagnu meiɗe uɗimi. Ehanittak dahil amuppa ag ad ok Yawe Nug eppom bia bena, genab tutukku hak danab ah daaglag. Ag anam bia daappeg, danab ah laa ag, ag anadna, ag Yawenu binag amahlak oppiaawak ele anidna, ag Nug humidkkulag.

Aposel 15:10

Ig anam anidttem, amge ag iitta aɗi ag Juda dilag ɗo oh dim lamidkkulagnu atteb, amuppa ag keeke uug ele aon, Kristen qaɗelagppa mena hetteb. Anukka ig mamenkad amu ig ele uug amu mawaknu amu elele iitta. Ag aɗinu Kayak ma anttak anam mettaglagnu hetteb.

Sam 51:12

Hipunin danab nug oo eɗue, na ehanitte, padal ii ma, maɗoɗppan gamag ahak dootte amu, na heppe, da maɗoɗppan gamag ahak amu doomi, baula dookkulnu unuqidttem. Ao, na da ehaniɗppe, da na oɗen dim lamidkkulnu ool dayeb, da amu hekkulnu ɠagattag meɗakkutnu oɗ medattem.

Prowerb 23:23

Na doyak diig genabib ele aon, aib paɗappe ukkom; na hanhan doyak dabmak ena ele, laa nukka nuhig oiyak pehettak atognotte, diignu doyak tutukku ele, na kobol amu oh dim lamitte.

Jut 1:3

O lailad, da tatam Kayak Nug uɗat naɗi ig eɗua awigkkunu heum ele, da amunu yaakkulnu dabmein aute aomi. Amge gemu amu, da nai imu yaakkulnu duttunak doyeye, da uɗug imuppa ag Kristennu ooppa genab doyak kaboliak daamanu ag wagai mekkulagnu, da ahilag dabmak maɗedakkulnu nai imu yaattem. Kayak Nug haen laippu ooppa genab doyak amu nuhikkud danab ah oppiaawak ele matta malom, baula ii mattama; auntai baolikkunu ele elele iitta.

Pilipai 1:27

Anam, amge aɗi kobol bekku amu, ahilagnu keeke anuqak daatte am, ag oiyak ahilagppa, ag Kristusnu Nai Ena ag amu attem oiglagnu ippunadtte amu, ag anam dim lamidnana tutukku eleleppa oiyeg! Ag anam heppeg amu, da ag anadkkulnu gokkultai, iitta da naippulagib dookkultai am keeke okkai iitta, amge da ag oolag laippu ele daanna, ag dabmak laippu tamanin, ag nug ehanidnana, Jesusnu ooppa genab doyak ahilag aɗan daatteb dookkul.

Epesus 6:14

Ag ⌊Kristen anen anen, ag⌋ ɠagattag daaglagnu ag imu heig! Ag doyak diig genabib, matagiɗ imualagppa tagatteb, amubia takkeg! Ag genab tutukku hak kobol aona, qahaɗ palatteb bia ag momolag heppeg nauhmananu paleg!

Revelesen 2:25

Iitta. Amge ag keeke aoppig amu, ag amu ɠagattag aɗan daappeg ukkeb, da eɗue uɗikkul.

Hibru 4:14

Anam daatte amunu, ig ooppa genab doyak ihinig, ig heut miag atitte ele amu, ig amu aɗat auta aotu! Aɗinu? Ig ihinig mana mettak ikki danab, Nug hab aabppa teum daatte. Nug am Jesus, Kayak Bekka.

Hibru 3:14

Aɗinu? Ig Kristus ele tamanit, laippu daagnignu ib am laippuib. Laa iitta. Ib amuam inam. Ig tatam Kristusnu oonigppa genab doomut amu, ig amuib aɗapput ukkeb, mauhak haen ihinigppa ele ooppa genab doyak nuhignu amu aakkuib aɗagnig dayeb, amuppa ig genab Kristus ele tamanit daattem.

Hibru 3:6

Amge Kristus Nug am Kayak Bekkanab, Nug oo metta ii uuak kobol dim lamitta, Kayaknu danab dilag ikki dayaya ag gumadtte. Amu ig ihinkad oo ɠagattag qettak aɗat, amu ig Kristus, Nug am ena bekkunu dabmak aɗa oiyaknu diig, ig amunu mehuqttem amu, ig Nug ele aɗat amu, ig Kayaknu danab ah daattem.

2 Tesalonaika 2:15

Amunu, O lainkad, ig oɗenigppate o iitta ig yaakppate nai ippunadmut amu, amuppa ag ɠagattag daana, pehettan aɗan dim lamitteg!

1 Tesalonaika 3:8

Aɗinu? Ag haen oh Naɗinu ɠagattagppaib oitteb, ig amu doota, ig eleleib daattem.

Galesia 4:26

Amge Jerusalem laa, Sarah amu ippunigtte amu, amuam hab attan daatte, am Kayaknu. Nug am maɗi ah iitta. Nug ig Kristen, ig aninig aakku daatte.

Galesia 3:25

Gemu Jesus Kristus Nug uɗat nuhig ha malom daatte, nuhignu ooppa genab doyaknu ib aakku daatte amunu, ɗo nug baula gumikkak danab ihinig ii daatte.

1 Korint 15:58

Anam amunu O lailad, ag ɠagattag dayeg! Bittumttum amu aib goppig! Ag hanhan Naɗinu uɗat yagbak ele heig! Aɗinu? Ag dootteb, ag Naɗinu uɗat hetteb, amu geha hamu ii qettoɗma.

Matyu 23:4

Ag keeke uug ele itan, danab gukkalkadppa mattaeg maotteb, amge ag akka ag eppelag doɗo laa uug amu maoglagnu nakok ii meeg otte.

Rom 7:3

Amu gamu nug bau dayebeb, wau nug uuitta, danab laa aweb amu, ag ah amunu, “Ewau pakkua gappai hak ah,” aon akkulag. Amge gamu mauhom dayeb, ɗo amu nug baula ii tonatte amunu, nug danab baula aweb, nug aakku ewau pakkua gappai hak ah ii daama.

Rom 8:15

Anam amunu, haen ag Kayak Ouɗi aoppig, ag ouɗi laa, ouɗi amu nug he, nuhikkud ag begbeg maɗi nid ahilkad okkai baɗadna oitteb bia oitteb, ag ouɗi laa amubia ii aoppig. Iitta. Ag Kayak Ouɗi aoppig amu, Nug he, ag Kayak bekkod daatteb. Kayak Ouɗi Nug he, ig “Mame, Mame,” aot attem.

2 Korint 11:20

Ao, danab laa nug ag nugib waappa daaglagnu atte dayeb, o nug keeke ahilag amu oh aotte dayeb, o nuhig hambuppuakppa ag diitte dayeb, o nug enaen ma duttunadtte dayeb, o nug eppeg oohap ta, hippelkad mataɗadtte amu, aria ag nuhig nai, nuhig kobol ele epeɗilob am ena, amge ag anam ii hetteb amunu, nug aakku anam hette.

Luk 5:38

Ag anam ii hetteb. Danab nug grep leppu bau am doɗ gaɗa nippud bauppa inaglagnuib daatte. Ag anam hekkulag dayeb amu, grep leppu amu doɗ gaɗa nippud ele am ena daaglah,” awa aum.