Galesia 4:7 - Nobonob Baibel

⁷ Anam amunu, na baula begbeg maɗi nid ii daattem. Iitta. Na nuhig nid daattem. Am Kayak Nug na awittom, na Nug bekka daattem amunu, Nug bekkod keeke aoglagnu aum amu na aokkutnu daattem.

Galesia 4:7 Referans Kwoze

Galesia 3:29

Amu ag Kristusnu daatteb dayeb amu, aria ag am Abraham buɗub aakku daatteb amunu, ag aakku Kayak Nug anukka Abraham amegppa keeke laa heeb bekkunu nai qakka aum amu, ag amu aoglag.

Galesia 3:26

Ag oh Kristus Jesusnu oolagppa genab dooppig amunu, ag Kayak bekkod daatteb.

Galesia 4:31

Anam amunu o lailad, ig am begbeg maɗi ah bekkod iitta. Iitta, Ig am ah nug begbeg maɗi ah iitta, ig ah amu bekkod daattem.

Sam 73:26

Da beɗul iitta mekku, dabmak dahil ele am iitta mekku, amge na, Kayak, na am dahil ɠagattag. Keeke ena oh da eppelppa daakkunu elele amu, na nakka keeke amu oh abenlag aon dayeye, da ena, elele daattem. Hanhan anamib daakkut.

Gayak Nai 3:24

Da dakka, da nai mattieye, da attem. “Keeke ena oh da eppelppa daakkunu elele amu, Yawe nukka keeke amu oh abenlag awa dayeye, Nug da ele daattep amunu, da ena, elele daattem! Nug anam daatte amunu, da Nug ehaniɗkkunu ameg mekkul,” awe attem.

Jeremaia 10:16

Amge laa, Jakop buɗub dilag Kayak daatte, Nug amubia iitta. Iitta! Aɗinu? Nug keeke oh heum. Ge, Nug keeke oh, Israel ele hattom. Israel ag am nuhikkudnab danab ah. Nug onig am Yawe Nukka Ɠagattag Oh Ele.

Genesis 15:1

Dimppa Yawe Nug tuleglegppa nuhig nai imu Abram mettom. “Abram na aib baɗame. Guppiɗ nahip, nob ena okkainab awaknu diig nahip ele amu, am da iikkuib,” awa aum.

Revelesen 21:7

Laa nug ban eɗidkku amu, da nug imu medakkul. Da nuhig Kayak daakkul; nug dahil nid daakku.

Jeremaia 31:33

Amu Yawe Nug imu ele atte. “Anam amunu, nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Da ahilag Kayak daakkul, ag am dahilad danab ah daaglag.

Sam 16:5

O Yawe, keeke ena oh da eppelppa daakkunu elele amu, na nakka keeke amu oh abenlag aon dayeye, na da ele daattep amunu, da ena, elele daattem. Na hee, da ɠagattag daattem.

Matyu 6:24

Danab laippu nug gumak danab aɗit dilahnu uɗat hekkunu elele iitta. Am nug laanu oo mauhebeb, laanu amu nug ooppa nau ninig ele dookku. Doyaya, laaib amu nug dim lamittatta, laa amu dimedakku. Ag danab ah, ag Kayaknu uɗat, amu enub uɗat ele oh hekkulagnu elele iitta.