Galesia 4:6 - Nobonob Baibel

⁶ Gemu ag Kayak bekkod daatteb amunu, Kayak Nug Bekka Jesusnu Ouɗi me, Nug ig oonigppa dayaya ehanikke, ig Kayak amegppa, “Mame, Mame!” attem.

Galesia 4:6 Referans Kwoze

Rom 5:5

Amu keeke ena bekkunu dabmak aɗa dayak amu heeb, meu okku; ig meu amu genab anidkkunig. Aɗinu? Kayak Nug nuhig Ouɗi ig mekka, nuhigppa amu Kayak Nug nuhig oo mauhak ig oonigppa me ambette.

Rom 8:9

Amge ag Rom danab, ahilagnu amu, Kayak Ouɗi Nug ahilagppa daatte dayeb, ag oo alag waappa ii daatteb. Iitta. Ag Kayak Ouɗi waappa daatteb. Amu danab laa nug ooppa Kristusnu Ouɗi iitta, nug am Kristusnu danab iitta.

Pilipai 1:19

Aɗinu? Da doottem, ag Pilipai daatteb amu, unuqittak ahilkad, amu Jesus Kristus Ouɗi, nuhig ehanittak ele, keeke aɗit amu aa hepeɗ, da maniguittakppanu uhuqak aokkul.

Epesus 2:18

Amunu ig ameg aɗit amu, ig oh Kristusnu uɗat okkaippa, Kayak Ouɗi laippunu ehanittakppa, ig oh Mame toppa gokkunignu elele.

2 Korint 3:17

Naɗi Nug am Ouɗi daatte, amu Naɗinu Ouɗi Nug danab laa, nuhigppa daatte dayeb, keeke laa danab amu aɗa ii maniguidma. Iitta. Hamu elele enaib daakku.

Epesus 4:30

Ag Kayak Ouɗi oo uug aib medappig. Aɗinu? Ag Nug aoppig oitteb amunu, dimppa qagaiettakppanu eɗua uhuqak awaknu deɗppa Kayak Nug uhuqak amu madakkunu, nuhig Ouɗi, epponak keeke bia, ahilagppa daatte.

Jut 1:20

Amge O lailad, ag oolag ɠagattag qettan, ooppa genab doyak oppiaawak ele ahilag aɗeg! Ag hanhan Kayak Ouɗinu ɠagattagppa unuqitteg!

Jon 16:7

Da genabnab genab ag amelagppa attem. Da hab aabppa gokkul am ena. Da ii goppi am ena iitta. Aɗinu? Da ii goppi amu Kayak Ouɗi, ahilag Ehanittak, Nug ii nema, amge da tein dayeye, da meppi, Nug ag gumatta nekku.

Jon 14:16

Amu da Mamel oɗ medappi, Nug Ehanittak laa madakku. Nug ag ele hanhan daaglag.

Luk 11:13

Anam amunu, ag nau aɗi ag genab keeke ena ag nid ahilkad mattaglagnu dootteb dayeb, genabnab ag Mamelag, hab attan daatte, Nug danab ag Nug unuqidppeg, Nug nuhig Ouɗi ag madakku,” awa aum.

2 Korint 1:22

Nug ig nuhignab daattemnu epponak keeke nuhig ihinigppa mewowa, ig keeke Nug megakkun babaittom amu genab aognignu amu doognignu, Nug nuhig Ouɗi, keeke lonnu onig awak bia, ig oonigppa meum.

Jon 15:26

Kayak Ouɗi, Nug onig laa Ehanittak, Nug am doyak diig genabibnu diig Kayak toppa daatte amu, da Nug geha meppi, ag ehanadkkunu ahilagppa uɗikku. Nug amu Mame nuhigppa dayaya uɗikku. Haen Nug uɗia amu, Nug nai dahilnu ag amelagppa mattieb dooglag.

Luk 11:2

A amu Jesus amelagppa aum. “Haen ag unuqidna inam aig! ‘Mame, na heppe, ig danab oh ig na onin am oppiaawak daatte dootu!! Na heppe, ɗo maɗoɗ nahip wan imuppa daakkunu unuqidttem.

Jon 3:34

Yo, laa Kayak me uɗiom amu, Nug Kayak nai maditte. Aɗinu? Kayak Nug nuhig Ouɗi ambak medatte.

Jeremaia 3:4

Ag anam hetteb, amge ag da amelppa atteb. ‘O ig mamenig, ig nid nakok daautut, na ig lainignab daame.

1 Pita 1:11

Kristus Ouɗi propet, ahilagppa dayom amu, Nug Kristus uug maokkunu, amunu binag amahlak oppiaawak ele dimppa uɗikkunu elenu dabmak mattom amunu, propet ag amunu haen, amu nuhig keeke laa ele hettoɗidttappig.

Epesus 6:18

Ag hanhan Kayak Ouɗippa Kayak Nug ag ehanadkkunu unuqittak digdigppa attem attem Nug ag ehanadkkunu unuqidkkulag. Ag keeke amu dabmenana ag aib bodoedappig. Amu ele ag Kayaknu danab ah oppiaawak ele laa oh dilagnu ele hanhan unuqidkkulag.

Jeremaia 3:19

Da dakka, da oolppa, ‘Da danab nug bekkod ena hadatte, amubia da ena hatten, wan aulag enanag, enanag laa oh eɗattaknab, da wan amu madakkulnu ool daatte,’ ami. Da ag dahilnu, ‘Mama,’ akkulagnu, ag da ii dimeɗan, ag eɗun, ii dim lamiɗmananu uuglagnu dabmemi.

Revelesen 19:10

Anam a amu da nug noobppa dup noin binag mekkulnu nug baegppa laippun gatel qaun oin gomelen, iɗul wanppa memi, amge nug da amelppa aum. “Na anam ii hemana! Da na, amu na laipad ele, ag oh Jesusnu oolagppa genab doonna, nuhignu mehuqtteb ele, da na ag ele, ig oh am Kayaknu maɗi nid. Na Kayak noobppa dup nona binag me! Aɗinu? Propet ag Kayak Ouɗi ɠagattagppa Jesusnu mehuqak heppig, amubia Jesusnu mehuqak oh am Kayak Ouɗi ɠagattagppa bette,” awa aum.

Epesus 1:13

Ag Epesus daatteb amu, ag ele nai doyak diig genabibppanu, amuam Kayak Nug ag eɗua diikkunu ib babaittomnu Nai Ena, nai amu doonna, ag Kristusnu oolagppa genab dooppig amunu, ag Kristusnu daatteb, amu ag Kayak Nug nuhig Ouɗi, anukka Nug megakkunu nai qakka aum amu, ag genab nuhikkudnab daatteb miag atiak daakkunu, Nug nuhig Ouɗi ag mattom.

1 Korint 15:45

Kayak naippa, nai amunu inam daatte. “Danab Kayak digmakppa heum, onig Adam amu, Kayak he, nug am bau dayom.” Amge dimppanu Adam, Nug am Ouɗi laa, bauklel megatte.

Aposel 16:7

ag gona, Misia tomppa appanu ag ahan Bitinia gokkulagnu heeg, Jesus Ouɗi Nug appa ele gomananu ib oo neum.

Jon 7:39

Jesus Nug nai amuam Kayak Ouɗinu aum. Danab ag oolagppa genab dooglag ele, ag aoglag. Amge haen amuppa Jesus Nug Mame toppa ii ukkom amunu, Kayak Ouɗi, Nug danab oolagppa ii dayom.

Mak 14:36

“O Mame, Mame, aɗi keeke haknu daatte amu, na hekkutnu elele. Amu uug oh da maokkul ele, amuam leppu mua eheɗ nau kap-ppa daatte bia, amu na ib laa anidna appe, da le kap amuppanu amu da ii lapa, amge na dahil dabmaknab aottem ii dim lamidmana, na nahip dabmaknab aottem, amuib dim lamidkkutnu ool daatte!” awa aum.

1 Tesalonaika 4:8

Amunu amu danab nug nai amu dimedatte, nug danab di-ii-medatte. Iitta. Nug Kayak, Nug nuhig Ouɗi ag madatte ele amu, Nug dimedatte.